ஜியோ பிளாட்ஃபார்ம்ஸ் ஐபிஓ பிரைஸ் பேண்டை ரூ.1,065-1,119 ஆக நிறுவனம் நிர்ணயித்துள்ளது. ஷேர் ஹோல்டர்கள் மற்றும் ஊழியர்களுக்கு சிறப்பு தள்ளுபடியும் அறிவிக்கப்பட்டுள்ளது. அக்டோபர் 21-ல் தொடங்கும் ஜியோ ஐபிஓ முழு விவரங்கள் இதோ.
ஜியோ பிளாட்ஃபார்ம்ஸ் ஐபிஓ பிரைஸ் பேண்ட்.. அக். 21 முதல் சப்ஸ்கிரிப்ஷன்
ரிலையன்ஸ் இண்டஸ்ட்ரீஸ் லிமிடெட் (RIL) நிறுவனத்தின் டிஜிட்டல் மற்றும் டெலிகாம் துணை நிறுவனமான 'ஜியோ பிளாட்ஃபார்ம்ஸ் லிமிடெட்', தங்களது ஐபிஓவுக்கான பிரைஸ் பேண்டை அதிகாரப்பூர்வமாக அறிவித்துள்ளது. ஒரு ஈக்விட்டி ஷேரின் விலையை ரூ.1,065 முதல் ரூ.1,119 வரை நிறுவனம் நிர்ணயித்துள்ளது. புதன்கிழமை பங்குச்சந்தைகளில் ரிலையன்ஸ் இண்டஸ்ட்ரீஸ் தாக்கல் செய்த அறிக்கையில் இந்த விவரங்களை தெரிவித்துள்ளது.
இந்த ஐபிஓ மூலம் ரிலையன்ஸ் இண்டஸ்ட்ரீஸ் தங்களது டிஜிட்டல் மற்றும் டெலிகாம் பிசினஸை தலால் ஸ்ட்ரீட்டில் பட்டியலிட தயாராகிவிட்டது. மார்க்கெட்டில் ஜியோ பிளாட்ஃபார்ம்ஸ் ஐபிஓ மீது மிகப்பெரிய எதிர்பார்ப்பு நிலவுகிறது.
25
ஐபிஓ தேதிகள் மற்றும் ஆங்கர் முதலீட்டாளர்கள் ஷெட்யூல்
ரெகுலேட்டரி ஃபைலிங் படி, இந்த ஐபிஓ அக்டோபர் 21-ம் தேதி பொது சப்ஸ்கிரிப்ஷனுக்காக ஓபன் ஆகிறது. முதலீட்டாளர்கள் அக்டோபர் 23, 2026 வரை தங்களது பிட்களை (bids) சமர்ப்பிக்கலாம்.
பெரிய நிறுவன முதலீட்டாளர்களான ஆங்கர் இன்வெஸ்டர்களுக்கான பிட்டிங் செயல்முறை அக்டோபர் 19-ம் தேதி நடக்கிறது. பிட்டிங் முடிந்த பிறகு ஷேர்கள் ஒதுக்கீடு மற்றும் லிஸ்டிங் விவரங்கள் வெளியாகும்.
35
ஜியோ பிரைஸ் பேண்ட், லாட் சைஸ் மற்றும் ஃப்ரெஷ் இஷ்யூ விவரங்கள்
ஜியோ பிளாட்ஃபார்ம்ஸ் போர்டு ஆஃப் டைரக்டர்ஸ் குழுவின் ஐபிஓ கமிட்டி இந்த பிரைஸ் பேண்டுக்கு ஒப்புதல் அளித்துள்ளது.
• ஃப்ளோர் பிரைஸ் (குறைந்தபட்ச விலை): ஒரு ஷேருக்கு ரூ.1,065
• கேப் பிரைஸ் (அதிகபட்ச விலை): ஒரு ஷேருக்கு ரூ.1,119
• முகமதிப்பு (Face Value): ரூ.10 முகமதிப்பு கொண்ட 27 கோடி வரையிலான புதிய ஈக்விட்டி ஷேர்களை நிறுவனம் வெளியிடுகிறது.
• குறைந்தபட்ச லாட் சைஸ்: குறைந்தபட்ச பிட் சைஸ் 12 ஈக்விட்டி ஷேர்களாக நிர்ணயித்துள்ளனர். அதாவது முதலீட்டாளர்கள் குறைந்தபட்சம் 12 ஷேர்கள் அல்லது அதன் மடங்குகளில் பிட் செய்ய வேண்டும்.
RIL ஷேர் ஹோல்டர்கள், ஊழியர்களுக்கு சிறப்பு கோட்டா மற்றும் தள்ளுபடி
ரிலையன்ஸ் இண்டஸ்ட்ரீஸ் ஷேர் ஹோல்டர்கள் மற்றும் ஊழியர்களுக்காக சிறப்பு ரிசர்வேஷன் பிரிவுகளை உருவாக்கியுள்ளனர்.
• RIL ஷேர் ஹோல்டர்கள் கோட்டா: தகுதியான ரிலையன்ஸ் இண்டஸ்ட்ரீஸ் ஷேர் ஹோல்டர்களுக்காக ரூ.2,500 கோடி மதிப்பிலான ஷேர்களை ரிசர்வ் செய்துள்ளனர். அக்டோபர் 14, 2026 நிலவரப்படி RIL ஷேர்களை வைத்திருக்கும் தனிநபர் முதலீட்டாளர்கள் மற்றும் இந்து கூட்டு குடும்பங்கள் (HUF) இந்த கோட்டாவின் கீழ் பிட் செய்ய தகுதியானவர்கள்.
• ஊழியர்கள் கோட்டா: தகுதியான நிறுவன ஊழியர்களுக்காக ரூ.500 கோடி மதிப்பிலான ஷேர்களை ரிசர்வ் செய்துள்ளனர்.
• ஊழியர்கள் தள்ளுபடி: எம்ப்ளாயி ரிசர்வேஷன் பிரிவின் கீழ் அப்ளை செய்யும் தகுதியான ஊழியர்களுக்கு ஒவ்வொரு ஈக்விட்டி ஷேருக்கும் ரூ.54 சிறப்பு தள்ளுபடி வழங்குகிறார்கள்.
55
ரெகுலேட்டரி அனுமதிகள் மற்றும் பப்ளிக் லிஸ்டிங்
ஜியோ பிளாட்ஃபார்ம்ஸ் நிறுவனம் அக்டோபர் 14-ம் தேதி தனது ரெட் ஹெர்ரிங் ப்ராஸ்பெக்டஸை (RHP) குஜராத் மாநிலம் அகமதாபாத்தில் உள்ள ரிஜிஸ்ட்ரார் ஆஃப் கம்பெனிஸிடம் சமர்ப்பித்தது.
முன்னதாக, நிறுவனம் ஜூன் 19-ம் தேதி டிராஃப்ட் ரெட் ஹெர்ரிங் ப்ராஸ்பெக்டஸை (DRHP) தாக்கல் செய்தது. அதன்பிறகு ஆகஸ்ட் 28-ம் தேதி மார்க்கெட் ரெகுலேட்டரான செபியிடம் (SEBI) இருந்து அப்சர்வேஷன் லெட்டர் வந்ததாக RIL தெரிவித்துள்ளது. இருப்பினும், இந்த ஐபிஓவின் மொத்த இஷ்யூ அளவு மற்றும் ஷேர்கள் லிஸ்டிங் தேதி தொடர்பான இறுதி விவரங்களை ஃபைலிங்கில் இன்னும் குறிப்பிடவில்லை.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
