ITR ரீஃபண்ட்: பான் கார்டில் பெயர், பிறந்த தேதி அல்லது வங்கி இணைப்பு போன்ற சிறிய தவறுகளால் வருமான வரி ரீஃபண்ட் தாமதமாகலாம். ரீஃபண்ட் பெற, இந்த 7 தவறுகளை இன்றே சரிசெய்யுங்கள்.
பெயரில் எழுத்துப்பிழை: உங்கள் வருமான வரி ரீஃபண்ட் தாமதமாவதற்கான முக்கிய காரணம்
உங்கள் PAN, Aadhaar மற்றும் வங்கிக் கணக்கில் உள்ள பெயர் முழுமையாக ஒரே மாதிரியாக உள்ளதா என்பதை உடனே சரிபார்க்கவும். ஒரு சிறிய எழுத்துப்பிழை, இனிஷியல் வேறுபாடு அல்லது பெயர் பொருந்தாமை இருந்தாலும், வருமான வரி ரீஃபண்ட் தாமதமாகலாம் அல்லது நிறுத்தப்படலாம். தேவையெனில் உடனடியாக பதிவுகளை புதுப்பித்து சிக்கல்களைத் தவிர்க்கவும்.
25
பான்-ஆதார் இணைப்பு இல்லையா? உங்கள் ரீஃபண்ட் கிடைக்காது!
அரசின் விதிப்படி, PAN-ஐ Aadhaar-உடன் இணைப்பது கட்டாயம். இணைக்கப்படாத PAN செயலிழந்ததாகக் கருதப்படலாம். இதனால் வருமான வரி ரீஃபண்ட் தாமதமாகவோ அல்லது நிராகரிக்கப்படவோ வாய்ப்பு உள்ளது. எனவே, PAN–Aadhaar இணைப்பு நிலையை உடனே சரிபார்த்து, தேவையானால் விரைவாக இணைத்துவிடுங்கள்.
35
வங்கிக் கணக்குடன் பான் இணைக்கப்பட்டுள்ளதா? இன்றே சரிபார்க்கவும்!
வருமான வரி ரீஃபண்ட் தொகை நேரடியாக உங்கள் வங்கிக் கணக்கில் வரவு வைக்கப்படும். எனவே, உங்கள் வங்கிக் கணக்கு PAN-உடன் இணைக்கப்பட்டு, வருமான வரித் தளத்தில் 'Pre-Validated' செய்யப்பட்டுள்ளதா என்பதை உறுதி செய்யுங்கள். இல்லையெனில், ரீஃபண்ட் வரவு தாமதமாகும் அல்லது செயல்முறை பாதிக்கப்படலாம்.
மொபைல் எண் மற்றும் மின்னஞ்சல்: ரீஃபண்ட் நிலையை அறிய இது முக்கியம்
வருமான வரி ரீஃபண்ட் தொடர்பான அனைத்து முக்கிய அறிவிப்புகளும் உங்கள் பதிவு செய்யப்பட்ட மொபைல் எண் மற்றும் மின்னஞ்சல் முகவரிக்கு அனுப்பப்படும். எனவே, அவை சரியாகவும் செயல்பாட்டிலும் உள்ளனவா என்பதை உறுதிப்படுத்துங்கள். தவறான தகவல்கள் இருந்தால், ரீஃபண்ட் நிலை குறித்த முக்கிய தகவல்கள் உங்களுக்குக் கிடைக்காமல் போகலாம்.
55
பான் கார்டு தவறுகளை ஆன்லைனில் எளிதாக சரிசெய்வது எப்படி?
PAN விவரங்களில் திருத்தம் தேவைப்பட்டால், NSDL அல்லது UTIITSL இணையதளத்தில் 'Change/Correction in PAN Data' என்ற விருப்பத்தைத் தேர்வு செய்து, தேவையான ஆதார ஆவணங்களுடன் விண்ணப்பிக்கலாம். விவரங்கள் சரியாகப் புதுப்பிக்கப்பட்டால், ரீஃபண்ட் தொடர்பான சிக்கல்களைத் தவிர்க்க முடியும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
