IRCTC New Boarding Point Change Rule : ரயில்வேயின் புதிய 'Reform Express' 2026 திட்டத்தின் கீழ், பயணிகள் தங்கள் போர்டிங் பாயிண்டை (Boarding Point) ரயில் புறப்படுவதற்கு 30 நிமிடங்களுக்கு முன்பே மாற்றிக் கொள்ளலாம்.
IRCTC-யில் புதிய அப்டேட்.. உங்கள் பயணத்தை இன்னும் எளிதாக்கும் '30 நிமிட' வசதி!
இந்திய ரயில்வே பயணிகளின் வசதிக்காக, முன்பதிவு செய்த டிக்கெட்டுகளில் ரயில் ஏறும் நிலையத்தை (Boarding Point) மாற்றுவதற்கான விதிமுறைகளில் புரட்சிகரமான மாற்றங்களைச் செய்துள்ளது. ஏப்ரல் 1, 2026 முதல் அமலுக்கு வந்துள்ள இந்த புதிய நடைமுறையானது, கடைசி நேரப் பயணத் திட்ட மாற்றங்களால் அவதிப்படும் லட்சக்கணக்கான பயணிகளுக்குப் பெரும் நிம்மதியை அளித்துள்ளது.
26
IRCTC போர்டிங் பாயிண்ட் மாற்றுவது எப்படி?
பழைய நடைமுறையின்படி, பயணிகள் தங்களது ரயில் ஏறும் நிலையத்தை மாற்ற வேண்டுமானால், ரயில் புறப்படுவதற்கு 24 மணி நேரத்திற்கு முன்பாகவோ அல்லது முதல் சார்ட் (First Chart) தயாராவதற்கு முன்பாகவோ மட்டுமே விண்ணப்பிக்க முடியும் என்ற கட்டுப்பாடு இருந்தது. ஆனால், தற்போது அறிமுகப்படுத்தப்பட்டுள்ள புதிய விதியின் கீழ், இரண்டாவது அல்லது இறுதி சார்ட் (Final Chart) தயாராகும் வரை, அதாவது ரயில், நிலையத்திலிருந்து புறப்படுவதற்கு சுமார் 30 நிமிடங்களுக்கு முன்பு வரை கூட பயணிகள் தங்களது போர்டிங் பாயிண்ட்டை மிக எளிதாக மாற்றிக்கொள்ள வழிவகை செய்யப்பட்டுள்ளது.
36
ரயில்வே புதிய விதிமுறைகள் 2026
இந்த வசதியைப் பெறுவதற்குச் சில முக்கிய நிபந்தனைகளை ரயில்வே வாரியம் விதித்துள்ளது. முதன்மையான நிபந்தனை என்னவென்றால், பயணிகளின் டிக்கெட் உறுதியானது (Confirmed) அல்லது ஆர்.ஏ.சி (RAC) நிலையில் இருக்க வேண்டும்; காத்திருப்போர் பட்டியலில் (Waitlisted) உள்ள டிக்கெட்டுகளுக்கு இந்த வசதி பொருந்தாது. மேலும், ஒரு டிக்கெட்டிற்கு ஒரு முறை மட்டுமே போர்டிங் பாயிண்ட்டை மாற்ற அனுமதி வழங்கப்படும்.
46
ரயில் டிக்கெட் ரீஃபண்ட் விதிகள்
மிக முக்கியமான விஷயம் என்னவென்றால், ஒருமுறை ரயில் ஏறும் நிலையத்தை மாற்றிவிட்டால், பயணி பழைய நிலையத்திலிருந்து ரயிலில் ஏற முடியாது; புதிய போர்டிங் பாயிண்ட்டில் இருந்துதான் பயணத்தைத் தொடங்க வேண்டும். ஒருவேளை பழைய நிலையத்திலேயே ஏற முயன்று, அந்த இருக்கை வேறு யாருக்காவது ஒதுக்கப்பட்டிருந்தால், அதற்கு ரயில்வே நிர்வாகம் பொறுப்பேற்காது என்பதோடு, பயணி அபராதம் செலுத்த வேண்டிய சூழலும் உருவாகலாம்.
56
போர்டிங் ஸ்டேஷன் மாற்றும் வசதி
பயணிகள் இந்தச் சேவையை இந்திய ரயில்வேயின் டிக்கெட் கவுண்டர்கள் (PRS), ஐ.ஆர்.சி.டி.சி (IRCTC) இணையதளம் அல்லது 'ரயில்ஒன்' (RailOne) மொபைல் செயலி வாயிலாக மிக எளிதாகப் பயன்படுத்திக் கொள்ளலாம். ஆன்லைனில் டிக்கெட் எடுத்தவர்கள் தங்களது 'Booking History' பகுதிக்குச் சென்று 'Change Boarding Point' என்ற விருப்பத்தைத் தேர்ந்தெடுப்பதன் மூலம் சில நொடிகளில் இந்த மாற்றத்தைச் செய்துகொள்ள முடியும். போக்குவரத்து நெரிசல் அல்லது அவசர வேலை காரணமாகத் திட்டமிட்ட நிலையத்திற்குச் செல்ல முடியாதவர்களுக்கு, அடுத்தடுத்த ரயில் நிலையங்களில் ஏறுவதற்கு இந்த 30 நிமிட கால அவகாசம் ஒரு வரப்பிரசாதமாகும். இந்திய ரயில்வேயின் இந்த டிஜிட்டல் முன்னேற்றம் மற்றும் பயணி நலன் சார்ந்த அணுகுமுறை, ரயில் பயணத்தை மேலும் நெகிழ்வானதாகவும், சுமையற்றதாகவும் மாற்றியுள்ளது என்பதில் ஐயமில்லை.
66
New Railway Rules 2026 Tamil
"கடைசி நேரத்துல ஸ்டேஷன் போறதுல சிக்கல் இருந்தா, இனி பதற வேண்டியதில்லை!" மொபைல் ஆப் மூலமே போர்டிங் ஸ்டேஷனை மாத்திட்டு, அடுத்த ஸ்டேஷன்ல நிதானமா ரயிலைப் பிடிக்கலாம். ஆனா, டிக்கெட்டை கேன்சல் பண்றதா இருந்தா 8 மணிநேரத்துக்கு முன்னாடியே முடிவெடுத்திருங்க, இல்லைன்னா காசு அநியாயமா போயிடும். கவனமாக இருந்து நேரத்தை மிஞ்சப்படுத்தி உரிய நேரத்திற்கு ரயில் நிலையம் சென்று உங்களது பயணத்தை எளிதாக்குங்கள்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
