மியூச்சுவல் ஃபண்டில் SIP மற்றும் Lumpsum ஆகிய இரண்டு முக்கிய முதலீட்டு முறைகள் உள்ளன. இந்த இரண்டு வழிகளில் எது ₹1 கோடி இலக்கை விரைவாக அடைய உதவும், யாருக்கு எந்த முறை சிறந்தது என்பதை இந்த கட்டுரை ஒப்பிட்டு விளக்குகிறது.
பணம் சம்பாதிப்பது முக்கியம், ஆனால் அதை வளர்ப்பது அதைவிட முக்கியமானது. வெறும் சேமிப்பாக வங்கி கணக்கில் வைத்திருக்கும் பணம் அதிக வளர்ச்சியை தராது. அதற்கு பதிலாக சரியான முதலீட்டு வழிகளை தேர்வு செய்தால், உங்கள் பணமே உங்களுக்காக வேலை செய்து செல்வத்தை உருவாக்கும். இன்று பலர் விரும்பும் முதலீட்டு வழிகளில் முக்கியமானது மியூச்சுவல் ஃபண்ட். இதில் பொதுவாக இரண்டு முக்கியமான முறைகள் உள்ளன – SIP (Systematic Investment Plan) மற்றும் Lumpsum (ஒரே முறை முதலீடு). இந்த இரண்டில் எது சிறந்தது? எது விரைவாக ₹1 கோடி இலக்கை அடைய உதவும்? விரிவாக பார்ப்போம்.
27
SIP என்றால் என்ன?
SIP என்பது ஒரு கட்டுப்பாடான முதலீட்டு முறை. இதில் நீங்கள் மாதந்தோறும் ஒரு நிரந்தர தொகையை (உதாரணமாக ₹10,000) முதலீடு செய்வீர்கள். இது ஒரு வகையில் சேமிப்பை பழக்கமாக மாற்றும். சந்தை உயர்ந்தாலும், சரிந்தாலும், நீங்கள் தொடர்ந்து முதலீடு செய்வதால் சராசரி விலையில் யூனிட்கள் கிடைக்கும். இதை “rupee cost averaging” என்றும் கூறுவார்கள். நீண்ட காலத்தில் இது அபாயத்தை குறைத்து நல்ல வளர்ச்சியை தரும்.
37
Lumpsum முதலீடு என்றால் என்ன?
Lumpsum என்பது ஒரே நேரத்தில் ஒரு பெரிய தொகையை முதலீடு செய்வது. உதாரணமாக ₹10 லட்சம் உங்கள் கையில் இருந்தால், அதை ஒரே தடவையில் மியூச்சுவல் ஃபண்டில் முதலீடு செய்வது. இந்த முறை சந்தை கீழே இருக்கும் நேரத்தில் செய்தால் அதிக லாபம் கிடைக்கும் வாய்ப்பு உள்ளது. ஆனால் சந்தை உச்சத்தில் முதலீடு செய்தால், ஆரம்பத்தில் இழப்பு ஏற்படும் அபாயமும் உண்டு.
வருடத்திற்கு சராசரியாக 12% வருமானம் கிடைக்கும் என்று எடுத்துக்கொண்டால்:
Lumpsum முதலீடு (₹10 லட்சம்): சுமார் 21 ஆண்டுகளில் ₹1 கோடியாக வளரும்.
முதலீடு – ₹10 லட்சம், லாபம் – சுமார் ₹98 லட்சம்
SIP முதலீடு (₹10,000 மாதம்): இதுவும் சுமார் 21 ஆண்டுகளில் ₹1 கோடியை எட்டும்.
முதலீடு – ₹25.2 லட்சம் லாபம் – சுமார் ₹88+ லட்சம்
57
எது சிறந்தது? உண்மையான பதில் இதுதான்.!
இரண்டு முதலீட்டும் ஒரே காலத்தில் ₹1 கோடி அளவிற்கு வளர முடியும். ஆனால் முக்கிய வித்தியாசம் என்னவென்றால்:
Lumpsum-ல் குறைந்த முதலீட்டில் (₹10 லட்சம்) அதிக லாபம் கிடைக்கும் SIP-ல் அதிக தொகையை (₹25 லட்சம்) நீண்ட காலத்தில் முதலீடு செய்ய வேண்டி வரும்
67
ஆனால் நடைமுறையில்…
அனைவரிடமும் ₹10 லட்சம் போன்ற பெரிய தொகை ஒரே நேரத்தில் இருக்காது. அதனால் SIP என்பது பொதுமக்களுக்கு மிகவும் ஏற்ற வழி. மாதந்தோறும் சிறிய தொகையை முதலீடு செய்வதால், உங்கள் தினசரி செலவுகளை பாதிக்காமல் முதலீடு செய்யலாம்.
மற்றபுறம், உங்களிடம் ஏற்கனவே பெரிய தொகை இருக்கிறது, அதை பல ஆண்டுகள் பயன்படுத்த வேண்டிய அவசியம் இல்லை என்றால் Lumpsum ஒரு நல்ல தேர்வு. ஆனால் சந்தை நேரத்தை சரியாக தேர்வு செய்வது முக்கியம்.
முக்கிய முடிவு
பணம் கையில் அதிகமாக இருந்தால் → Lumpsum நல்லது
மாத வருமானம் மூலம் சேமிக்க விரும்பினால் → SIP சிறந்தது
இரண்டையும் சேர்த்து பயன்படுத்தினால் → இன்னும் சிறந்த செல்வ உருவாக்கம் சாத்தியம்
77
உங்கள் பணத்தை பல மடங்கு உயர்த்தும்
முதலீட்டில் வெற்றி பெற முக்கியமானது “எப்போது ஆரம்பிக்கிறோம்” என்பதே தவிர “எப்படி ஆரம்பிக்கிறோம்” என்பது மட்டும் அல்ல. SIP ஆக இருந்தாலும், Lumpsum ஆக இருந்தாலும், நீண்ட காலம் தொடர்ந்து முதலீடு செய்தால் காம்பவுண்டிங் உங்கள் பணத்தை பல மடங்கு உயர்த்தும். ஆகவே தாமதிக்காமல் உங்கள் இலக்குகளை நிர்ணயித்து இன்று முதலீட்டை தொடங்குவது தான் சரியான முடிவு.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
