Train Ticket: வெயிட்டிங் லிஸ்ட் டிக்கெட் கன்ஃபார்ம் ஆகுமா? இனி முன்கூட்டியே தெரிஞ்சிக்கலாம்.!

Train Ticket: இந்திய ரயில்வேயில் ஆகஸ்ட் மாதம் முதல் புதிய ரிசர்வேஷன் சிஸ்டம் வரப்போகிறது. AI தொழில்நுட்பத்தின் உதவியுடன், உங்கள் வெயிட்டிங் லிஸ்ட் டிக்கெட் கன்ஃபார்ம் ஆக வாய்ப்பு உள்ளதா என்பதை இனி முன்கூட்டியே தெரிந்துகொள்ளலாம். இதோ முழு விவரங்கள்.

Train Ticket Booking

ரயில் டிக்கெட் புக் செய்யும்போது இனி வெயிட்டிங் லிஸ்ட் டென்ஷன் வேண்டாம். உங்கள் டிக்கெட் உறுதியாகுமா, இல்லையா என்பதை ஆர்ட்டிஃபிஷியல் இன்டலிஜென்ஸ் (AI) முன்பே சொல்லிவிடும். 40 ஆண்டுகளாகப் பயன்பாட்டில் உள்ள பழைய சிஸ்டத்திற்குப் பதிலாக, இந்த புதிய முறை ஆகஸ்ட் முதல் வரவிருக்கிறது.

இதையும் படியுங்கள்:  Lower Berth: ரயிலில் 'லோயர் பெர்த்' வேண்டுமா? இந்த ரகசிய ட்ரிக்கை பின்பற்றுங்கள்.! கண்டிப்பா கீழ் இருக்கை கிடைக்கும்.!

புதிய புக்கிங் முறையை அறிமுகப்படுத்தும் ரயில்வே

இந்திய ரயில்வே தற்போது பயன்படுத்தும் முன்பதிவு முறை 1986-ல் அறிமுகப்படுத்தப்பட்டது. கடந்த 40 ஆண்டுகளாக இந்த சிஸ்டம் தான் பயன்பாட்டில் உள்ளது. இப்போது, டிஜிட்டல் காலத்திற்கு ஏற்ப, முற்றிலும் புதிய தொழில்நுட்பத்துடன் இந்த சிஸ்டத்தை ரயில்வே துறை மாற்றுகிறது.

இதையும் படியுங்கள்:  Train: ரயிலில் உங்கள் உடைமைகளை தவறவிட்டால் என்ன செய்ய வேண்டும்? திரும்ப பெறுவது எப்படி? வழிமுறைகள் இதோ.!

இனி 7 வினாடிகளில் டிக்கெட் புக்கிங்

நாட்டில் தற்போது 88% ரயில் டிக்கெட்டுகள் ஆன்லைனில் புக் செய்யப்படுகின்றன. இந்த புதிய சிஸ்டம் மூலம், ஒரே நேரத்தில் பலர் டிக்கெட் புக் செய்யலாம். வெறும் 7 வினாடிகளில் புக்கிங் முடிந்துவிடும் என்பதால், தட்கல் டிக்கெட் புக் செய்பவர்களுக்கு இது பெரும் உதவியாக இருக்கும்.

இதையும் படியுங்கள்:  Irctc Rules: ரயிலை தவறவிட்டால் அதே டிக்கெட்டில் வேறு ரயிலில் பயணிக்கலாமா? ரீஃபண்ட் கிடைக்குமா?

Rail One ஆப்

புதிய ரிசர்வேஷன் சிஸ்டத்தின் ஒரு பகுதியாக அறிமுகமான 'ரயில் ஒன்' (Rail One) ஆப் பயணிகளிடையே பெரும் வரவேற்பைப் பெற்றுள்ளது. 2025 ஜூலை மாதம் தொடங்கப்பட்ட இந்த ஆப்பை இதுவரை 3.5 கோடி பேர் டவுன்லோட் செய்துள்ளனர். இதன் மூலம் டிக்கெட் புக்கிங், ரயில் லைவ் ஸ்டேட்டஸ், உணவு ஆர்டர் என அனைத்தையும் செய்யலாம்.

இதையும் படியுங்கள்:  Train: ரயில் என்ஜின் கண்ணாடியில் ஏன் இரும்பு வலை பொருத்துகிறார்கள் தெரியுமா? பொருளு சிறுசு ஆனா பண்ற வேலை பெருசு.!

டிக்கெட் கிடைக்குமா? முன்கூட்டியே சொல்லும் AI

இந்த புதிய புக்கிங் சிஸ்டத்தின் மிகப்பெரிய சிறப்பம்சம், ஆர்ட்டிஃபிஷியல் இன்டலிஜென்ஸ் (AI) தொழில்நுட்பம் தான். இதன் 'வெயிட்டிங் லிஸ்ட் பிரெடிக்ஷன் டூல்' மூலம், உங்கள் டிக்கெட் உறுதியாக 94% வரை வாய்ப்பு உள்ளதா என்பதை புக்கிங் செய்யும்போதே தெரிந்துகொள்ளலாம். இதனால் பயணிகள் மாற்று ஏற்பாடுகளைச் செய்ய வசதியாக இருக்கும்.