Passport Fees Hike: ஜூலை 1 முதல் பாஸ்போர்ட் கட்டணம் உயர்வு! இனி ரூ.2,500.. தட்கல் எவ்ளோ? முழு லிஸ்ட்!

Passport Fees Hike: இந்தியாவில் பாஸ்போர்ட் கட்டணம் அதிரடியாக உயர்த்தப்பட்டுள்ளது. ஜூலை 1 முதல் புதிய கட்டணம் அமலுக்கு வர உள்ள நிலையில், கட்டண உயர்வின் முழு பட்டியலையும் இந்த செய்தியில் பார்க்கலாம்.

பாஸ்போர்ட் கட்டணம் உயர்வு

இந்தியாவில் சுமார் 14 ஆன்டுகளுக்கு பிறகு பாஸ்போர்ட் கட்டணம் உயர்த்தப்பட்டுள்ளது. அதாவது மத்திய அரசு பாஸ்போர்ட் மற்றும் அது தொடர்பான சேவைகளுக்கான கட்டணங்களை உயர்த்தியுள்ளது. சமீபகாலமாக பாஸ்போர்ட் எடுப்பவர்களின் எண்ணிக்கை அதிகரித்து வருகிறது. பலர் பாஸ்போர்ட்டுக்கு விண்ணப்பித்து வரும் நிலையில், இப்போது கட்டண உயர்வு குறித்த செய்தி வெளியாகியுள்ளது.

இனி பாஸ்போர்ட் எடுக்க ரூ.2,500

இந்த கட்டண உயர்வை அடுத்த மாதம் முதல் அமல்படுத்த வெளியுறவுத்துறை அமைச்சகம் அறிவுறுத்தியுள்ளது. ஆனால், இந்த புதிய விதிகள் ஜூலை 1, 2026 முதல் அமலுக்கு வரும் என்றும் அறிவிக்கப்பட்டுள்ளது. இதனால், இனி நீங்கள் பாஸ்போர்ட் எடுக்க 2500 ரூபாய் வரை செலுத்த வேண்டியிருக்கும். புதிய பாஸ்போர்ட் எடுத்தாலும் சரி, பழைய பாஸ்போர்ட்டை புதுப்பித்தாலும் சரி, இனிமேல் 2,500 ரூபாய் கட்டணம் செலுத்த வேண்டும்.

பாஸ்போர்ட்டுக்கு இனி எவ்வளவு செலவாகும்?

பாஸ்போர்ட் தொடர்பான 1980-ஆம் ஆண்டு விதிகளை மாற்றி, புதிய விதிகள் கொண்டுவரப்பட்டுள்ளன. இந்த புதிய விதிகள் ஜூலை 1, 2026 முதல் அமலுக்கு வருகின்றன. எனவே, நீங்களும் இன்னும் பாஸ்போர்ட்டுக்கு விண்ணப்பிக்கவில்லை என்றால், உடனே விண்ணப்பிப்பது நல்லது. ஜூலை 1-க்கு பிறகு நீங்கள் அதிக பணம் செலுத்த வேண்டியிருக்கும்.

36 பக்க பாஸ்போர்ட்

முன்பு: ரூ.1,500, இப்போது: ரூ.2,500

தட்கல்: முன்பு ரூ.3,500, இப்போது ரூ.5,000

60 பக்க பாஸ்போர்ட்

முன்பு: ரூ.2,000, இப்போது: ரூ.3,500

தட்கல்: முன்பு ரூ.4,000, இப்போது ரூ.6,000

36 பக்க பாஸ்போர்ட் தொலைந்துவிட்டால்

முன்பு: ரூ.3,000, இப்போது: ரூ.5,000

தட்கல்: முன்பு ரூ.5,000, இப்போது ரூ.7,500

60 பக்க பாஸ்போர்ட் தொலைந்துவிட்டால்

முன்பு: ரூ.3,500, இப்போது: ரூ.6,000

தட்கல்: முன்பு ரூ.5,500, இப்போது ரூ.8,500

18 வயதுக்கு குறைவானவர்களுக்கு

முன்பு: ரூ.1,000, இப்போது: ரூ.1750

தட்கல்: முன்பு ரூ.3,000, இப்போது ரூ.4,250

தொலைந்தால் அல்லது கிழிந்துவிட்டால்

முன்பு: ரூ.3,000, இப்போது: ரூ.4,250

தட்கல்: முன்பு ரூ.5,000, இப்போது ரூ.6,750