சர்வதேச சந்தை மாற்றங்கள் மற்றும் டாலர் மதிப்பு உயர்வால் தங்கம் விலை வீழ்ச்சியை சந்தித்துள்ளது. இந்தியாவில் ஒரு கிராம் தங்கம் ரூ.12,500 வரை குறைய வாய்ப்புள்ளதாக நிபுணர்கள் கணிப்பதால், தங்கம் வாங்க திட்டமிடுபவர்கள் சில காலம் காத்திருப்பது நல்லது.
போர் பதற்றம், உலக பொருளாதார மாற்றங்கள், டாலர் மதிப்பு ஏற்றம் – இவை எல்லாம் சேர்ந்து தங்க சந்தையில் பெரிய மாற்றத்தை உருவாக்கி வருகிறது. இதனால் தங்கம் விலை இன்னும் குறைய வாய்ப்பு இருப்பதாக நிபுணர்கள் கூறுவதால், உடனே வாங்க நினைப்பவர்களுக்கு இது ஒரு “குட் நியூஸ்” ஆக பார்க்கப்படுகிறது.
26
உலக சந்தையில் பெரிய சரிவு
சர்வதேச சந்தையில் ஒரு அவுன்ஸ் தங்கம் 5000 டாலரிலிருந்து 4000 டாலராக குறைந்துள்ளது. இது சுமார் 25% வீழ்ச்சி என மதிப்பிடப்படுகிறது. அமெரிக்காவின் பொருளாதார நடவடிக்கைகள், குறிப்பாக ‘பாலன்ஸ் ஷீட்’ குறைப்பு மற்றும் வட்டி விகித மாற்றங்கள் இந்த சரிவுக்கு காரணமாக கூறப்படுகின்றன.
36
போர் பதற்றமும் தாக்கம்
உலக நாடுகளுக்கு இடையிலான போர் பதற்றம் காரணமாக முதலீட்டாளர்கள் தங்கள் பணத்தை பாதுகாப்பான இடங்களுக்கு மாற்றுகின்றனர். சில நேரங்களில் தங்கம் மீது தேவை அதிகரிக்கும்; ஆனால் டாலர் வலுப்பெற்றால் தங்கம் விலை அழுத்தம் சந்திக்கும். தற்போது அதே நிலைமை உருவாகியுள்ளது.
உலக சந்தை விலை குறைந்தால் அதன் தாக்கம் இந்தியாவிலும் தெரியும். நிபுணர்கள் கணிப்புப்படி, ஒரு கிராம் தங்கம் ரூ.12,500 வரை குறைய வாய்ப்பு இருக்கிறது என கூறப்படுகிறது. டாலர் மதிப்பு மற்றும் இறக்குமதி செலவு போன்றவை இறுதி விலையை தீர்மானிக்கும்.
56
பொதுமக்கள் என்ன செய்ய வேண்டும்?
திருமணம் அல்லது சேமிப்பு நோக்கில் தங்கம் வாங்க திட்டமிட்டிருப்பவர்கள் உடனே அவசரப்பட வேண்டாம். விலை இன்னும் குறைய வாய்ப்பு இருப்பதால், சந்தை நிலையை சில நாட்கள் கவனித்துப் பார்த்து வாங்குவது நல்லது. முதலீட்டாளர்கள் தங்கம் மட்டும் அல்லாமல் மற்ற முதலீட்டு வழிகளையும் பரிசீலிக்கலாம்.
66
காத்திருப்பதே லாபம்?
தங்கம் எப்போதும் பாதுகாப்பான முதலீடாக இருந்தாலும், தற்போதைய சூழ்நிலையில் விலை மேலும் சரிவை சந்திக்கலாம் என நிபுணர்கள் கூறுகின்றனர். ஆகவே, அவசரப்படாமல் சிந்தித்து முடிவு எடுத்தால் தான் லாபம் கிடைக்கும் என்பது தெளிவாகிறது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
