Daycare Business : ஒரு காலத்துல பெருநகரங்கள்ல மட்டும் இருந்த டே கேர் சென்டர்கள், ப்ளே ஸ்கூல்கள் இப்போ டயர் 2 நகரங்கள்லயும் பரவலா வந்திருச்சு. இந்த தேவையை சரியா பயன்படுத்திக்கிட்டா, லட்சங்கள்ல வருமானம் பார்க்கலாம்.
வேலைக்குப் போகும் கணவன், மனைவி ரெண்டு பேரும் இப்போ சென்னை, ஹைதராபாத், பெங்களூரு மாதிரி மெட்ரோ நகரங்கள்ல மட்டுமில்ல. மாவட்ட தலைநகரங்கள், டயர்-2, டயர்-3 நகரங்கள்லயும் அதிகமாகிட்டாங்க. இதனால, குழந்தைகளை சில மணி நேரம் அல்லது நாள் முழுக்கப் பாத்துக்கிற ப்ளே ஸ்கூல், டே கேர் சென்டர்களுக்கு தேவை அதிகரிச்சிருக்கு. இந்த வாய்ப்பை சரியா பயன்படுத்தினா நல்ல வருமானம் பார்க்கலாம்.
26
ப்ளே ஸ்கூல், டே கேர் சென்டர்களுக்கு ஏன் இவ்வளவு டிமாண்ட்?
இப்போ பல குடும்பங்கள்ல கணவன், மனைவி ரெண்டு பேருமே வேலைக்குப் போறாங்க. காலையில போனா சாயங்காலம் வரைக்கும் ஆபீஸ்ல இருக்க வேண்டியிருக்கு. இந்த நேரத்துல குழந்தைகளைப் பாத்துக்க வீட்ல பெரியவங்க இல்லாதது ஒரு பொதுவான பிரச்னை. அதனால, குழந்தைகளைப் பாதுகாப்பா வெச்சுக்கிறதோட, விளையாட்டு, பாட்டு, கதை, ஆக்டிவிட்டீஸ் கத்துக்கொடுக்கிற ப்ளே ஸ்கூல், டே கேர் சென்டர்களை பெற்றோர்கள் விரும்புறாங்க. குறிப்பா, 1.5 வயசுல இருந்து 5 வயசு வரையிலான குழந்தைகளுக்கு இந்த சென்டர்களுக்கு நல்ல வரவேற்பு இருக்கு.
36
சொந்த இடம் இருந்தால் செலவு குறைவு
இந்த பிசினஸை ஆரம்பிக்க பெரிய பில்டிங் கட்டாயம் இல்லை. உங்களுக்கு சொந்த இடம் இருந்தா, ஒரு கன்டெய்னரை வெச்சு கூட அழகான ப்ளே ஸ்கூல் அல்லது டே கேர் சென்டரை அமைக்கலாம். கன்டெய்னருக்கு வெளியே சின்னதா ஒரு தோட்டம், சறுக்கு மரம் (slides), சீசா, ஊஞ்சல், மணல் விளையாட்டுப் பகுதி (sand play area) மாதிரி செட் பண்ணா, குழந்தைகள் ஆர்வமா வருவாங்க. சொந்த இடம் இல்லைன்னா, ஒரு கமர்ஷியல் ஹால், டபுள் பெட்ரூம் வீடு அல்லது விசாலமான அபார்ட்மென்டை வாடகைக்கு எடுத்தும் ஆரம்பிக்கலாம். ஆனா, நல்ல காற்றோட்டமும் வெளிச்சமும் இருக்கிற இடமா பாத்துக்கோங்க.
நிறைய பேர் எடுத்தவுடனே பெரிய முதலீடு செய்ய நினைப்பாங்க. ஆனா, ஆரம்பத்துல அது தேவையில்லை. முதல்ல ஒரு டீச்சர், ஒரு ஆயா, 10-ல இருந்து 20 குழந்தைகளோட ஆரம்பிக்கலாம். குழந்தைகள் எண்ணிக்கை அதிகமாகும்போது, இன்னொரு டீச்சர், ஆயாவை வேலைக்கு வெச்சுக்கலாம். தினமும் ஆக்டிவிட்டீஸ், ரைம்ஸ், டிராயிங், கதை சொல்றது, அடிப்படைப் பாடங்கள், விளையாட்டுன்னு செஞ்சா பெற்றோர்களுக்கு நம்பிக்கை வரும். குழந்தைகளின் பாதுகாப்பு, சுகாதாரம், நேரத்துக்கு சாப்பாடு, அன்பா பாத்துக்கிறதுல ரொம்ப கவனம் தேவை. சிசிடிவி கேமரா, முதலுதவிப் பெட்டி (First Aid Kit) வெச்சுக்கிறது, பெற்றோர்களோட அடிக்கடி பேசுறது எல்லாம் உங்களுக்கு நல்ல பேரை வாங்கித் தரும்.
56
முதலீடு எவ்வளவு? மாதாந்திர செலவுகள் எப்படி இருக்கும்?
இந்த பிசினஸ்ல சில செலவுகள் ஒருமுறை மட்டும்தான் வரும். கிளாஸ்ரூமை குழந்தைகளுக்குப் பிடிச்ச மாதிரி கலர்ஃபுல் தீம்ல ரெடி பண்ணனும். சின்ன சேர், டேபிள், விளையாட்டுப் பொருட்கள், புத்தகங்கள், மேட், சிசிடிவி கேமரா, சேஃப்டி கேட் மாதிரியான பொருட்கள் வாங்கணும். மாசாமாசம் வாடகை (வாடகை இடமென்றால்), கரண்ட் பில், இன்டர்நெட், ஊழியர் சம்பளம், சுத்தத்துக்கான செலவுகள், சின்ன சின்ன பராமரிப்பு செலவுகள் இருக்கும். உங்க பகுதியில இருக்கிற நிலவரத்தைப் பொறுத்து மாதாந்திர ஃபீஸ் வாங்கலாம். காலைல மட்டும் ப்ளே ஸ்கூல், நாள் முழுக்க டே கேர், மணி நேரக் கணக்குல சேவைன்னு விதவிதமான பேக்கேஜ்களையும் கொடுக்கலாம்.
66
50 குழந்தைகள் இருந்தால் எவ்வளவு வருமானம் வரும்?
இந்த பிசினஸ்ல வருமானம் முழுக்க முழுக்க குழந்தைகளின் எண்ணிக்கையைப் பொறுத்தது. ஆரம்பத்துல குறைவான குழந்தைகளோட தொடங்கினாலும், உங்க சேவை நல்லா இருந்தா வாய்மொழி விளம்பரம் மூலமாவே அட்மிஷன்ஸ் அதிகமாகும். ஒரு கட்டத்துல 50 குழந்தைகளோட சென்டர் நடத்தினா, எல்லா செலவுகளும் போக மாசம் சுமார் ₹70,000-ல இருந்து ₹1 லட்சம் வரைக்கும் லாபம் பார்க்க முடியும். இடம், ஃபீஸ், செலவுகளைப் பொறுத்து இந்த லாபம் இன்னும் அதிகமாகலாம். இதுபோக, சம்மர் கேம்ப், வீக்கெண்ட் ஆக்டிவிட்டீஸ், டிராயிங், டான்ஸ் கிளாஸ், அபேக்கஸ், ஃபோனிக்ஸ் (phonics) மாதிரியான ஸ்பெஷல் கோர்ஸ் நடத்தியும் கூடுதல் வருமானம் ஈட்டலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
