ஒரு ரூபாய் நாணயம் தயாரிக்கும் செலவு எவ்வளவு தெரியுமா? ரொம்ப அதிகமா இருக்கே!

ஒரு ரூபாய் நாணயம் தயாரிக்க அதன் மதிப்பை விட அதிக செலவு ஆகிறது என்பது தெரியுமா? ரூ.1 நாணயம் செய்ய எவ்வளவு செலவாகிறது, ஏன் அரசு அதை தொடர்ந்து தயாரிக்கிறது, நாணயம், நோட்டுகளின் உற்பத்தி செலவு என்ன என்பதை அறிந்து கொள்ளுங்கள்.

ஒரு ரூபாய் நாணயத்தின் உண்மை செலவு

நாம் தினசரி பயன்படுத்தும் ஒரு ரூபாய் நாணயத்தை தயாரிக்க அதன் மதிப்பை விட அதிக செலவு ஆகிறது என்பது பலருக்கும் தெரியாது. தகவல்களின் படி, ஒரு ரூபாய் நாணயம் உருவாக்க சுமார் ரூ.1.11 செலவாகிறது. அதாவது, அரசாங்கம் ஒவ்வொரு ரூபாய்க்கும் 11 பைசா கூடுதலாக செலவிடுகிறது.

நாணய தயாரிப்பு செலவு

இருப்பினும், நாணயங்கள் தயாரிப்பதற்கு ஒரு காரணம் உள்ளது. காகித நாணயங்கள் சுமார் 4–5 ஆண்டுகளில் பழுதடையும். ஆனால் உலோக நாணயங்கள் பல தசாப்தங்கள் நீடிக்கும். சேதமடைந்தாலும் அவற்றை உருக்கி மீண்டும் பயன்படுத்த முடியும்.

ரூ.10 நாணயம்

ரூ.5 நாணயம் தயாரிக்க சுமார் ரூ.3.69, ரூ.10 நாணயத்திற்கு ரூ.5.54 செலவாகிறது என கூறப்படுகிறது. அதே நேரத்தில், காகித நாணயங்கள் தயாரிக்க குறைந்த செலவாகும். ரூ.10 நோட்டுக்கு சுமார் 96 பைசா, ரூ.100 நோட்டுக்கு ரூ.1.77, ரூ.500 நோட்டுக்கு ரூ.2.29 செலவாகிறது.

இந்திய நாணய தயாரிப்பு

இந்திய அரசின் நாணயத் தயாரிப்பு மையங்கள் மும்பை, கொல்கத்தா, ஹைதராபாத் மற்றும் நொய்டா ஆகிய இடங்களில் உள்ளன. தற்போது பெரும்பாலான நாணயங்கள் ஸ்டெயின்லெஸ் ஸ்டீல் கலவையால் தயாரிக்கப்படுகின்றன.

இந்திய நாணய உற்பத்தி விவரம்

மொத்தத்தில், ஒரு ரூபாய் நாணயம் தயாரிக்க கூடுதல் செலவு இருந்தாலும், அதன் நீடித்த பயன்பாடு மற்றும் சில்லறை சிக்கலை தவிர்ப்பது போன்ற காரணங்களால் அவை தொடர்ந்து தயாரிக்கப்படுகின்றன.