Cheque Writing: செக்ல பணத்தை எழுதிட்டு கடைசியா 'Only'னு ஏன் எழுதுறோம்? இதுதான் காரணம்!

Cheque Writing: செக் எழுதும்போது பணத்தொகையை எண்களிலும், வார்த்தைகளிலும் குறிப்பிடுவது வழக்கம். ஆனால் தொகையை வார்த்தையில் எழுதிய பிறகு பலரும் கடைசியில் “ஒன்லி” என்று சேர்ப்பார்கள். அது ஏன் என்று தெரியுமா? காரணத்தை பார்க்கலாம்.

செக்கில் ஒன்லி ஏன் எழுதுகிறோம்

நீங்க செக்ல தொகையை வார்த்தையில எழுதினதுக்கு அப்புறம் காலி இடம் இருந்தா, மோசடி செய்ய நினைக்கிறவங்க கூடுதல் வார்த்தைகளைச் சேர்க்க வாய்ப்பிருக்கு. உதாரணமா, 'பத்தாயிரம்'னு மட்டும் எழுதிட்டு இடம் விட்டா, அதை 'பத்தாயிரம் நூறு'னு மாத்திடலாம். இதனால்தான், தொகை எழுதிய உடனேயே 'Only'னு எழுதுறோம். இது அந்த வாக்கியம் முடிஞ்சிடுச்சுனு தெளிவா காட்டிடும், யாரும் எதையும் சேர்க்க முடியாது.

செக் எழுதும் முறை

செக்ல 'Only'னு எழுதலைனா அது செல்லாதுனு அர்த்தம் இல்ல. ஒவ்வொரு செக்லயும் 'Only' எழுதணும்னு RBI எந்தக் கட்டாய விதியையும் கொண்டு வரல. ஆனா, பண மோசடியைத் தவிர்க்க, தொகையைத் தெளிவா எழுதுறது, காலி இடம் விடாம இருக்கிறது மாதிரியான பாதுகாப்பு வழிமுறைகள் ரொம்ப முக்கியம். அதனாலதான், வங்கிகளும் இந்த ஆலோசனையை வழங்குது.

செக் எழுதுவது எப்படி?

செக்ல தொகையை நாம இரண்டு விதமா எழுதுவோம். ஒண்ணு எண்கள்ல, இன்னொன்னு எழுத்துக்கள்ல. இந்த ரெண்டு இடத்துலயும் தொகை ஒண்ணாதான் இருக்கணும். உதாரணமா, ரூ.5,000 கொடுக்கணும்னா, எண்கள்ல ரூ. 5,000-னும், எழுத்துக்கள்ல 'ஐந்தாயிரம் ரூபாய் மட்டும்'-னும் எழுதணும். ரெண்டும் வெவ்வேறயா இருந்தா, செக் பிராசஸ் ஆகும்போது சிக்கல் வரும். அதனால செக் கொடுக்குறதுக்கு முன்னாடி ரெண்டையும் சரிபாருங்க.

செக்கில் பணம் எழுதுவது

செக் எழுதும்போது சில சின்ன விஷயங்களைக் கவனிச்சா, மோசடிகளைத் தவிர்க்கலாம். தொகையை எழுத்துல எழுதிட்டு கடைசியா 'Only' சேருங்க. தேவையில்லாத காலி இடம் விடாதீங்க. எண்கள்லயும் எழுத்துக்கள்லயும் தொகை சரியா இருக்கானு பாருங்க. பெயர், தேதி, தொகை எல்லாம் சரியா இருக்கானு ஒருமுறைக்கு இருமுறை செக் பண்ணுங்க. கையெழுத்து போடுறதுக்கு முன்னாடி எல்லா விவரங்களையும் மறுபடியும் சரிபாருங்க.

செக் விதிமுறைகள்

செக்ல 'Only' எழுதுறதோட முக்கிய பயன், தொகைக்கு அப்புறம் யாரும் கூடுதல் வார்த்தைகளைச் சேர்க்க முடியாதுங்கிறதுதான். இது செக் பாதுகாப்புக்கு உதவுற ஒரு எளிய முன்னெச்சரிக்கை நடவடிக்கை. ஆனா, 'Only' எழுதுனா மட்டும் போதாது. செக்ல இருக்கிற பெயர், தேதி, எண்கள் மற்றும் எழுத்துக்களில் உள்ள தொகை, கையெழுத்துனு எல்லாமே சரியா இருக்கணும்.