தீபாவளி நெருங்குவதால் ரயில்களில் கூட்டம் அதிகரித்து, முன்பதிவு இருக்கைகள் கிடைப்பதில் சிக்கல் ஏற்படுகிறது. பொதுவாக ரயில் பயணத்தில் நாம் ஏற்கனவே முன்பதிவு செய்திருந்தாலும், பலர் அந்த இருக்கையில் அமர்ந்திருப்பார்கள். இது ரயில் பயணிகளிடையே தர்ம சங்கடத்தை உண்டாக்குகிறது.
தீபாவளி பண்டிகை நெருங்கி வருவதால், பயணிகளின் எண்ணிக்கை அதிகரித்து வருகிறது. இதைக் கருத்தில் கொண்டு, ரயில்வேயும் பண்டிகை சிறப்பு ரயில்களை அறிவித்துள்ளது,. ஆனால் இன்னும் ரயில்கள் மற்றும் நிலையங்களில் கூட்டம் தொடர்ந்து அதிகரித்து வருகிறது. திருவிழாக் காலங்களில் பொது வகுப்பு மற்றும் முன்பதிவு செய்யப்பட்ட பெட்டிகளில் பயணம் செய்வது சவாலாக இருக்கும். இதுபோன்ற சூழ்நிலையில், பல நேரங்களில் பயணிகளுக்கு முன்பதிவு செய்யப்பட்ட இருக்கை கூட கிடைப்பதில்லை.
இந்த முறை நீங்கள் பயணம் செய்ய புறப்படும் போது, உங்களது முன்பதிவு இருக்கை கிடைக்காமல் போகலாம். இது உங்களுக்கு நேர்ந்தால், இன்று குறிப்பிடப்பட்டுள்ள முறைகளைப் பின்பற்றி உங்கள் இருக்கையை திரும்பப் பெறலாம். முதல் படி, நீங்கள் ரயில் டிக்கெட் பரிசோதகரிடம் புகார் செய்ய வேண்டும். டிடிஇயிடம் இருந்து தீர்வு கிடைக்காவிட்டால், ரயில்வே உதவி எண் 139ஐத் தொடர்புகொள்ளலாம். இந்த எண் ஐவிஆர்எஸ் பதிலளிப்பு அமைப்பை அடிப்படையாகக் கொண்டது.
இதில் அனைத்து மொபைல் ஃபோன் பயனர்களும் தங்களுடைய பெர்த் தொடர்பான பிரச்சனைகள் தொடர்பான புகார்களைப் பதிவு செய்யலாம். இது தவிர, ரயில்வேயின் அதிகாரப்பூர்வ செயலியான 'ரயில் மடாட்'ஐயும் பயன்படுத்தலாம். இந்த செயலி மூலம் உங்கள் புகார்களை எளிதாக பதிவு செய்யலாம். இது தவிர, ரயில்வேயின் சமூக ஊடக தளத்திலும் உங்கள் பிரச்சனைகளைப் பகிர்ந்து கொள்ளலாம்.
ஹெல்ப்லைன் 139-ஐ அழைப்பதன் மூலம் இந்த வசதிகளைப் பெறலாம். பாதுகாப்புத் தகவலுக்கு 1ஐ அழுத்தவும். மருத்துவ அவசரநிலைக்கு 2ஐ அழுத்தவும். ரயில் விபத்துகள் தொடர்பான தகவல்களுக்கு 3ஐ அழுத்தவும். ரயில் தொடர்பான புகார்களுக்கு 4ஐ அழுத்தவும். பொதுவான புகார்களுக்கு 5ஐ அழுத்தவும். விஜிலென்ஸ் தொடர்பான தகவலுக்கு, 6ஐ அழுத்தவும்.
சரக்கு, பார்சல் தொடர்பான தகவல்களுக்கு 7ஐ அழுத்தவும். உங்கள் புகாரின் நிலையை அறிய 8ஐ அழுத்தவும். ஸ்டேஷன், விஜிலென்ஸ் மற்றும் ஊழல் தொடர்பான புகார்களுக்கு 9ஐ அழுத்தவும். கால் சென்டர் நிர்வாகியிடம் பேச * அழுத்தவும். பிஎன்ஆர் கட்டணம் மற்றும் டிக்கெட் முன்பதிவு தொடர்பான விசாரணைகளுக்கு 0 ஐ அழுத்தவும்.
ரூ.699க்கு போன்.. ரூ.123க்கு ரீசார்ஜ்.. ஜியோவின் உண்மையான தீபாவளி ஆஃபர்!
சேனலை கிளிக் செய்து பின்தொடரவும்