பங்குச் சந்தையை இழுத்து மூடிய 10 முக்கிய பங்குகள் இவைதான்.. முதலீட்டாளர்களே உஷார்.!!

பட்ஜெட் 2026 அறிவிப்புகளால் இந்திய பங்குச் சந்தைகள் பெரும் சரிவை சந்தித்தன. இன்று பல துறை பங்குகள் விற்பனை அழுத்தத்திற்கு உள்ளாகி வீழ்ச்சியடைந்தன. அவை என்னென்ன என்பதை விரிவாக பார்க்கலாம்.

பட்ஜெட் 2026 அறிவிப்புகள் வெளியாகும் நாளில், இந்திய பங்குச் சந்தைகள் பெரும் அதிர்வுகளை சந்தித்தன. முதலீட்டாளர்களிடையே நிலவும் அச்சம் காரணமாக, சென்செக்ஸ் மற்றும் நிஃப்டி குறியீடுகள் அழுத்தத்தில் வர்த்தகம் செய்தன. குறிப்பாக, நம்பகமான மற்றும் பெரிய நிறுவன பங்குகளின் விற்பனை அழுத்தம் அதிகரித்தது. உலோகத் துறை பங்குகள் இன்று அதிகமாக பாதிக்கப்பட்ட துறையாக மாறின.

இந்த வர்த்தக நாளில், Hindalco Industries பங்குகள் மிகப்பெரிய இழப்பை சந்தித்தன. அலுமினியம் மற்றும் உலோகத் துறையில் தேவை குறைவது, பட்ஜெட் முன் நிலவும் நிச்சயமற்ற சூழல் ஆகியவை பங்கின் மீது கடும் அழுத்தத்தை ஏற்படுத்தியது. இதன் விளைவாக, ஹிந்தால்கோ பங்கு கணிசமான வீழ்ச்சியைப் பதிவு செய்தது.

தங்கம் மற்றும் வெள்ளி விலைகளில் ஏற்பட்ட கடும் ஏற்றத் தாழ்வுகள் நகைத் துறையையும் பாதித்தன. இதனால் Titan Company பங்குகள் சரிவை சந்தித்தன. பட்ஜெட்டில் சுங்க வரி மற்றும் வரி தொடர்பான முடிவுகள் எப்படியிருக்கும் என்ற குழப்பம் காரணமாக, முதலீட்டாளர்கள் இந்தத் துறையில் எச்சரிக்கையாக நடந்து கொண்டனர்.

தகவல் தொழில்நுட்பத் துறையிலும் மந்தநிலை காணப்பட்டது. Infosys பங்குகளில் லேசான விற்பனை காணப்பட்டது. பட்ஜெட்டில் ஐடி துறைக்கு நேரடி நன்மைகள் இல்லை என்ற எண்ணமே இதற்குக் காரணமாகப் பார்க்கப்படுகிறது. மேலும், நுகர்வோர் துறையில் எச்சரிக்கையான போக்கு நிலவியதால் Nestlé India பங்குகளும் சரிவைத் தவிர்க்க முடியவில்லை.

பொது துறை மற்றும் உலோகத் துறைகளும் அழுத்தத்தில் இருந்தன. கோல் இந்தியா மற்றும் டாடா ஸ்டீல் பங்குகள் சரிவடைந்தன. உலகளாவிய உலோக விலை நிலவரம் மற்றும் தேவைக் குறைவு குறித்த கவலைகள் இந்த வீழ்ச்சிக்கு காரணமாக கூறப்படுகின்றன. இதேபோல், நிதித் துறையில் பஜாஜ் ஃபின்சர்வ் பங்குகளும் லேசான இழப்பை பதிவு செய்தன.

பாதுகாப்பான துறையாக கருதப்படும் மருந்துத் துறையும் இன்று முழுமையாக தப்பிக்கவில்லை. டாக்டர். Red's Laboratories மற்றும் Cipla பங்குகள் சிவப்பு நிறத்தில் முடிந்தன. அதே நேரத்தில், காப்பீட்டு துறையில் SBI Life Insurance பங்குகளும் பட்ஜெட் கொள்கை அறிவிப்புகளை எதிர்நோக்கி சிறிய சரிவை சந்தித்தன. மொத்தமாக, பட்ஜெட் நாள் சந்தைகளில் முதலீட்டாளர்கள் மிகுந்த எச்சரிக்கையுடன் செயல்பட்டனர்.