டாடாவின் நானோவுக்கே டஃப் கொடுக்கும் தூத்துக்குடி கார்: மிரளவிடும் வின்ஃபாஸ்ட் பற்றி தெரியுமா?

வின்ஃபாஸ்ட் இந்த வருட தீபாவளி சமயத்தில் VF6, VF7 என 2 பிரீமியம் எலக்ட்ரிக் SUVகளை இந்தியாவில் அறிமுகப்படுத்த திட்டமிட்டுள்ளது. 2026ல் VF3என ஒரு மலிவு விலை காரையும் அறிமுகப்படுத்துவதாக சொல்லப்பட்டுள்ளது. VF3 சிறிய நகரத்திற்குள் ஓட்டுவதற்கான எலக்ட்ரிக் கார். VF6, VF7 ரெண்டும் பெரிய SUVகள்.

டாடாவின் நானோவுக்கே டஃப் கொடுக்கும் தூத்துக்குடி கார்: மிரளவிடும் வின்ஃபாஸ்ட் பற்றி தெரியுமா?

வியட்நாம் எலக்ட்ரிக் வாகன தயாரிப்பு நிறுவனமான வின்ஃபாஸ்ட், 2025 ஜனவரியில் நடந்த 2025 பாரத் மொபிலிட்டி எக்ஸ்போவில் தன்னுடைய உலகளாவிய தயாரிப்புகளை காட்சிப்படுத்தியது. இந்த வருட தீபாவளி சமயத்தில் VF6, VF7 என 2 பிரீமியம் எலக்ட்ரிக் SUVகளோடு இந்தியாவில் தங்கள் பயணத்தை ஆரம்பிக்கப்போவதாக தெரிவித்துள்ளது. 2026ல் VF3 என ஒரு மலிவு விலை காரையும் அறிமுகப்படுத்துவார்கள் என வின்ஃபாஸ்டின் ஐஸ் ஆபரேஷன்ஸ் CEOவும் எம்ஜியுமான ஃபாம் சான் சவ் தெரிவித்துள்ளார். வரவிருக்கும் வின்ஃபாஸ்ட் எலக்ட்ரிக் SUVகள் தொடர்பாக இன்னும் கொஞ்சம் தெரிந்து கொள்ளலாம்.

வின்ஃபாஸ்ட் கார்

வின்ஃபாஸ்ட் VF3

VF3 ரெண்டு டோர்களோட வர்ற, மலிவு விலை நகரத்துக்குள்ளார ஓட்டற எலக்ட்ரிக் கார். இது 2023ல் முதன்முதலா அறிமுகப்படுத்தப்பட்டு, போன வருடம் தயாரிப்பு ஆரம்பிச்சாங்க. இதுல 18.64kWh லித்தியம்-அயன் ஃபாஸ்பேட் பேட்டரியும், 44bhp எலக்ட்ரிக் மோட்டாரும் இருக்கு. இந்த சின்ன எலக்ட்ரிக் கார் மணிக்கு 100 கிமீ வேகத்துல போகும். ஃபுல் சார்ஜ்ல 210 கிமீ தூரம் வரைக்கும் போகும். இது 3,190 mm நீளமும், 1,679 mm அகலமும், 1,622 mm உயரமும், 2,075 mm வீல்பேஸும் கொண்டது.

வின்ஃபாஸ்ட் உற்பத்தி ஆலை

வின்ஃபாஸ்ட் VF6 உலகளாவிய அளவுல, 59.6kWh பேட்டரியும், முன்-ஆக்சில் பொருத்தப்பட்ட எலக்ட்ரிக் மோட்டாரும் கொண்ட இக்கோ, பிளஸ் வேரியன்ட்கள்ல கிடைக்குது. இக்கோ வேரியன்ட் 178bhp பவரையும் 250Nm டார்க்கையும் கொடுக்குது, பிளஸ் வேரியன்ட் 204bhp பவரையும் 310Nm டார்க்கையும் கொடுக்குது. இக்கோ வேரியன்ட் 399 கிமீ தூரமும், பிளஸ் வேரியன்ட் 381 கிமீ தூரமும் ஃபுல் சார்ஜ்ல போகும். இந்தியாவுல வர VF6ன் தகவல்கள் இன்னும் வெளியாகல.

தூத்துக்குடியில் உற்பத்தியாகும் வின்ஃபாஸ்ட் கார்கள்

வின்ஃபாஸ்ட் VF7

VF7 ஒரு எலக்ட்ரிக் கூப்பே SUV. இதுவும் இக்கோ, பிளஸ் வேரியன்ட்கள்ல கிடைக்குது. VF6ஐ விட இதுல 75.3kWh பேட்டரி இருக்கு. இக்கோ வேரியன்ட்ல சிங்கிள் எலக்ட்ரிக் மோட்டார் இருக்கு, இது 204bhp பவரையும் 310Nm டார்க்கையும் கொடுக்குது. பிளஸ் வேரியன்ட்ல டூயல் மோட்டார் இருக்கு, இது 354bhp பவரையும் 500Nm டார்க்கையும் கொடுக்குது. VF7 இக்கோ வேரியன்ட் ஃபுல் சார்ஜ்ல 450 கிமீ தூரமும், பிளஸ் வேரியன்ட் 431 கிமீ தூரமும் போகும்னு கம்பெனி சொல்லுது. வின்ஃபாஸ்ட் நிறுவனம் இந்தியாவில் தங்களது உற்பத்தி ஆலையை தூத்துக்குடி மாவட்டத்தில் அமைக்கிறது என்பது குறிப்பிடத்தக்கது.