TVS Motor: இந்தியாவில் எலக்ட்ரிக் இருசக்கர வாகனங்களுக்கான தேவை தொடர்ந்து அதிகரித்து வரும் நிலையில், டிவிஎஸ் மோட்டார் நிறுவனம் புதிய விற்பனை மைல்கல்லை எட்டியுள்ளது.
இந்திய எலக்ட்ரிக் வாகன சந்தை வேகமாக வளர்ந்து வரும் நிலையில், டிவிஎஸ் மோட்டார் நிறுவனம் ஜூலை 2026-ல் குறிப்பிடத்தக்க சாதனையைப் பதிவு செய்தது. VAHAN தரவுகளின்படி, அந்த மாதத்தில் மட்டும் 55,480 டிவிஎஸ் எலக்ட்ரிக் ஸ்கூட்டர்கள் பதிவு செய்யப்பட்டுள்ளன. இது நிறுவனத்தின் வரலாற்றிலேயே அதிகபட்ச மாதாந்திர பதிவு எண்ணிக்கையாகும்.
25
எலக்ட்ரிக் இருசக்கர வாகன சந்தை
இதற்கு முன்பு மார்ச் 2026-ல் 51,781 எலக்ட்ரிக் வாகனங்கள் பதிவாகியிருந்தன. தற்போது அந்த சாதனையை டிவிஎஸ் முறியடித்துள்ளது. இந்தியாவின் எலக்ட்ரிக் இருசக்கர வாகன சந்தையில் தொடர்ந்து வலுவான போட்டியை வெளிப்படுத்தி வரும் டிவிஎஸ், ஜூலை மாதத்திலும் முன்னணி நிறுவனங்களில் ஒன்றாகத் திகழ்கிறது. அதே மாதத்தில் பஜாஜ் 45,592 ஆட்டோ எலக்ட்ரிக் வாகனங்களையும், ஏத்தர் எனர்ஜி 30,324 வாகனங்களையும் பதிவு செய்துள்ளது.
35
டிவிஎஸ் நிறுவனத்தின் மொத்த விற்பனை
எலக்ட்ரிக் வாகனங்கள் மட்டுமின்றி, டிவிஎஸ் நிறுவனத்தின் மொத்த விற்பனையும் சிறப்பாக உயர்ந்துள்ளது. ஜூலை 2026-ல் நிறுவனம் மொத்தம் 6,29,675 வாகனங்களை விற்பனை செய்துள்ளது. கடந்த ஆண்டு இதே மாதத்தில் இந்த எண்ணிக்கை 4,56,350 ஆக இருந்தது. இதன் மூலம் மொத்த விற்பனையில் 38 சதவீத வளர்ச்சி பதிவாகியுள்ளது. இருசக்கர வாகனங்களை மட்டும் எடுத்துக்கொண்டால், டிவிஎஸ் ஜூலை மாதத்தில் 6,03,138 பைக்குகள் மற்றும் ஸ்கூட்டர்களை விற்பனை செய்துள்ளது.
இந்திய சந்தையில் மட்டும் 4,37,394 இருசக்கர வாகனங்கள் விற்பனையாகி, கடந்த ஆண்டைவிட 42 சதவீத வளர்ச்சி கிடைத்துள்ளது. எலக்ட்ரிக் இருசக்கர வாகனப் பிரிவில் வளர்ச்சி இன்னும் வேகமாக இருந்தது. டிவிஎஸ்-ன் மின்சார இருசக்கர வாகன விற்பனை 158 சதவீதம் உயர்ந்து 60,934 யூனிட்களை எட்டியுள்ளது. கடந்த ஆண்டு ஜூலையில் இது 23,605 யூனிட்களாக இருந்தது. பெட்ரோல் ஸ்கூட்டர்களில் இருந்து மின்சார வாகனங்களுக்கு வாடிக்கையாளர்கள் மாறி வருவதை இந்த வளர்ச்சி எடுத்துக்காட்டுகிறது.
55
தொடர்ந்து சாதிக்கும் டிவிஎஸ்
சர்வதேச சந்தையிலும் டிவிஎஸ் வலுவான நிலையை வெளிப்படுத்தியுள்ளது. நிறுவனத்தின் மொத்த ஏற்றுமதி விற்பனை 29 சதவீதம் உயர்ந்து 1,84,264 யூனிட்களை எட்டியுள்ளது. வெளிநாடுகளில் மட்டும் இருசக்கர வாகன விற்பனை 1,65,744 யூனிட்களாக இருந்தது. மேலும், மூன்று சக்கர வாகன விற்பனையும் 51 சதவீதம் உயர்ந்துள்ளது.
