மிரட்டும் ரேஞ்ச், அசத்தும் வேகம்: பட்ஜெட்டில் சிறந்த எலக்ட்ரிக் ஸ்கூட்டர் எது?

இந்தியாவில் எரிபொருள் விலை உயர்வால் எலக்ட்ரிக் ஸ்கூட்டர் சந்தை வளர்ந்து வருகிறது. ஓலா எஸ்1 ப்ரோ, பஜாஜ் சேடக், சிம்பிள் ஒன், மற்றும் ஏத்தர் 450X போன்ற முன்னணி மாடல்களின் ரேஞ்ச், வேகம், மற்றும் தனித்துவமான அம்சங்கள் ஒப்பிடப்பட்டுள்ளன.

எலக்ட்ரிக் ஸ்கூட்டர்கள்

இந்தியாவில் எலக்ட்ரிக் ஸ்கூட்டர் சந்தை தினந்தோறும் வேகமாக வளர்ந்து வருகிறது. எரிபொருள் விலை உயர்ந்து கொண்டே இருப்பது, பராமரிப்பு செலவு குறைவாக இருப்பது காரணமாக பொதுமக்கள் மின்சார வாகனங்களுக்கு அதிகமாக மாறி வருகின்றனர். ஒரே சார்ஜில் அதிக தூரம் பயணிக்கக்கூடிய எலக்ட்ரிக் ஸ்கூட்டர்கள் தற்போது குடும்பப் பயணத்திற்கும், தினசரி ஆபிஸ் பயணத்திற்கும் மிகுந்த வரவேற்பைப் பெற்றுள்ளனர். இதனைக் கருத்தில் கொண்டு பல நிறுவனங்கள் புதிய மாடல்களையும், மேம்படுத்தப்பட்ட ரெஞ்ச் மற்றும் அம்சங்களுடன் கூடிய ஸ்கூட்டர்களையும் அறிமுகப்படுத்தியுள்ளன வருகிறது.

ஓலா எஸ்1 ப்ரோ

ஓலா எஸ்1 ப்ரோ ஜென் 2, 2025 சந்தையில் அதிக வரவேற்பைப் பெற்ற எலக்ட்ரிக் ஸ்கூட்டர்களில் ஒன்றாகும். 4kWh பேட்டரி திறன் கொண்ட இதன் ரேஞ்ச் 195 கிலோமீட்டர் வரை செல்லும். அதிகபட்ச வேகம் மணிக்கு 120 கிமீ என்பதால் இது தனது பிரிவில் மிக வேகமான ஸ்கூட்டர்களில் ஒன்றாகும். ஓட்டுநரின் தேவைக்கு ஏற்ப ஈக்கோ, நார்மல், ஸ்போர்ட்ஸ் போன்ற மோடுகள் வழங்கப்பட்டுள்ளன. இதன் எதிர்பாராத வேகமும், சாலையில் நிலைத்திருக்கும் செயல்திறனும் இதன் சிறப்புகள்.

பஜாஜ் சேடக்

பஜாஜ் சேடக் மற்றும் சிம்பிள் ஒன் ஆகியவை தனித்துவமான அம்சங்களால் தனி ரசிகர்களை பெற்றுள்ளன. 3.2kWh பேட்டரியுடன் 130 கிமீ ரேஞ்ச் தரும் பஜாஜ் சேடக், முழு மெட்டல் பாடி வடிவமைப்பால் நீடித்த பயணத்திற்கான சிறந்த தேர்வாக உள்ளது. அதேசமயம், சிம்பிள் எனர்ஜி தயாரித்த சிம்பிள் ஒன், நாட்டின் மிக நீண்ட ரேஞ்ச் கொண்ட ஸ்கூட்டர்களில் ஒன்றாகும். 5kWh பேட்டரியுடன் 212 கிமீ வரை ரேஞ்ச் வழங்கும் இது 8.5kW சக்திவாய்ந்த மோட்டாரை கொண்டுள்ளது. வேகமான சார்ஜிங், உறுதியான பாடி மற்றும் நவீன வடிவமைப்பு இதன் முக்கிய பலன்கள்.

ஏத்தர் 450X

ஏத்தர் 450X தொழில்நுட்பத்திலும், பயன்பாட்டு அம்சங்களிலும் முன்னிலை வகிக்கும் மாடலாகும். 3.7kWh பேட்டரியுடன் வரும் இது சுமார் 150 கிமீ வரை ரேஞ்ச் வழங்குகிறது. நகரப் போக்குவரத்து நெரிசலில் கூட வேகமாகவும் மென்மையாகவும் இயங்கும் மோட்டார் இதன் பலமாகும். 7-இன்ச் ஸ்மார்ட் டச் ஸ்கிரீன், ஓடிஏ அப்டேட்கள், நவீன நெவிகேஷன் மற்றும் மேம்படுத்தப்பட்ட சஸ்பென்ஷன், பிரேக்கிங் தொழில்நுட்பம் போன்றவை இதை ஒரு முழுமையான ஸ்மார்ட் ஸ்கூட்டராக மாற்றுகின்றன.