250CCயில் புதிய ஹைபிரிட் புல்லட் பைக்கை வெளியிடும்: ராயல் என்ஃபீல்ட்

ராயல் என்ஃபீல்ட் புதிய 250 சிசி பைக்கை அறிமுகப்படுத்தவுள்ளது, சீன நிறுவனமான CFMoto வழங்கும் என்ஜினுடன். 'V' என்ற குறியீட்டுப் பெயரில் சென்னையில் தயாரிக்கப்படும் இந்த பைக், ரூ.1.25 லட்சம் விலையில் கிடைக்கும் என்று எதிர்பார்க்கப்படுகிறது.

Royal Enfield 250cc Hybrid Bullet

இந்தியாவின் பிரபலமான மோட்டார் சைக்கிள் பிராண்டான ராயல் என்ஃபீல்ட் புதிய 250 சிசி பைக்கை அறிமுகப்படுத்தவுள்ளது. இந்த பைக் நவீன தொழில்நுட்பத்துடன் உருவாக்கப்பட்டுள்ளது. சீன நிறுவனமான CFMoto வழங்கும் என்ஜினுடன் இந்த பைக் வரவுள்ளது.

'V' என்ற குறியீட்டுப் பெயரில் சென்னையில் தயாரிக்கப்படும் இந்த பைக்கின் 90% பாகங்கள் இந்தியாவிலேயே தயாரிக்கப்படும். BS6 Phase 2, CAFE நெறிமுறைகளுக்கு இணங்க, அதிக மைலேஜ் மற்றும் குறைந்த மாசு உமிழ்வு கொண்ட பைக்குகளை நிறுவனங்கள் தயாரிக்க வேண்டும். இந்த பைக் அந்த நோக்கத்திற்காகவே உருவாக்கப்பட்டுள்ளது.

Royal Enfield 250cc Hybrid Bullet

இந்த 250 சிசி பைக்கில் பொருத்தப்படும் என்ஜின் சிறியதாகவும், சிக்கனமாகவும், ஹைப்ரிட் தொழில்நுட்பத்திற்கு ஏற்றதாகவும் இருக்கும். எதிர்காலத்தில் இந்த என்ஜினை மின்சாரம் மற்றும் பெட்ரோலில் இயக்க முடியும். இதன் விலை ரூ.1.25 லட்சம் முதல் ரூ.1.35 லட்சம் வரை இருக்கும் என்று எதிர்பார்க்கப்படுகிறது. இது ஹண்டர் 350 பைக்கை விட குறைவான விலையில் கிடைக்கும்.

Royal Enfield 250cc Hybrid Bullet

ராயல் என்ஃபீல்டின் ஐகானிக் டிசைனுடன், ABS, டிஜிட்டல் இன்ஸ்ட்ரூமென்ட் கிளஸ்டர், LED விளக்குகள் போன்ற அம்சங்களுடன் இந்த பைக் வரும். இந்திய சந்தையை மட்டுமின்றி, தென்கிழக்கு ஆசியா, ஐரோப்பா போன்ற சந்தைகளையும் இலக்காகக் கொண்டு இந்த பைக் உருவாக்கப்படுகிறது.

Royal Enfield 250cc Hybrid Bullet

ராயல் என்ஃபீல்ட் மற்றும் CFMoto இடையேயான இந்த கூட்டணி இந்திய இருசக்கர வாகன சந்தையில் பெரிய மாற்றங்களை ஏற்படுத்தும். 2026ன் முதல் பாதியில் CFMoto உடனான ஒப்பந்தம் இறுதி செய்யப்படும் என்று எதிர்பார்க்கப்படுகிறது. அதன் பிறகு, இந்த புதிய பைக் அறிமுகப்படுத்தப்படும்.