இந்திய கார் சந்தையில் நீண்டநாள் எதிர்பார்ப்பை கிளப்பிய புதிய ரெனால்ட் டஸ்டர் அதிகாரப்பூர்வமாக அறிமுகமாகியுள்ளது. ரூ.21,000 செலுத்தி இந்த புதிய எஸ்யூவியை முன்பதிவு செய்யலாம்.
இந்திய கார் சந்தையில் நீண்டநாள் எதிர்பார்ப்பை கிளப்பிய புதிய ரெனால்ட் டஸ்டர் அதிகாரப்பூர்வமாக அறிமுகமாகியுள்ளது. ஆரம்ப விலை ரூ.10.49 லட்சமாக இருந்து, உயர்ந்த மாடல் ரூ.18.49 லட்சம் வரை நிர்ணயிக்கப்பட்டுள்ளது. இந்த முறை டஸ்டர், பழைய வடிவத்தை நினைவுபடுத்தினாலும், மேலும் தைரியமான மற்றும் வலிமையான தோற்றத்துடன் சாலையில் தனித்த கம்பீரத்தை காட்டுகிறது. குறிப்பாக, முன்புற கிரில், அகலமான வீல் ஆர்ச்கள் மற்றும் புதிய எல்.ஐ.டி விளக்குகள் இதன் தோற்றத்தை மேலும் கவர்ச்சியாக மாற்றியுள்ளன.
24
புதிய டஸ்டர் அறிமுகம்
எஞ்சின் தேர்வுகளில் ரெனால்ட் வாடிக்கையாளர்களுக்கு பல்வேறு விருப்பங்களை வழங்கியுள்ளது. 1.0 லிட்டர் மற்றும் 1.3 லிட்டர் டர்போ பெட்ரோல் இன்ஜின்கள் கிடைக்கின்றன. அதற்கு கூடுதலாக, மேனுவல், சி.வி.டி மற்றும் டூயல் கிளட்ச் தானியங்கி கியர்பாக்ஸ் ஆகியவற்றில் எதை வேண்டுமானாலும் தேர்வு செய்யலாம். விரைவில் ஹைப்ரிட் மாடலும் வரவுள்ளதாக நிறுவனம் தெரிவித்துள்ளது, இது எரிபொருள் சேமிப்பை மேலும் மேம்படுத்தும்.
34
டஸ்டரின் அம்சங்கள்
பெரிய தொடுதிரை அமைப்பு, முழுமையான டிஜிட்டல் மீட்டர், இணைப்பு வசதிகள், பனோரமிக் சன்ரூஃப், குளிரூட்டும் இருக்கைகள் போன்ற பல நவீன அம்சங்கள் இதில் இடம் பெற்றுள்ளன. மேலும் காற்று தூய்மைப்படுத்தும் அமைப்பு மற்றும் வயர்லெஸ் சார்ஜிங் வசதி போன்றவை தினசரி பயன்பாட்டை சுலபமாக்குகின்றன.
இந்த புதிய எஸ்யூவியை வாங்க விரும்புவோர் ரூ.21,000 முன்பணம் செலுத்தி முன்பதிவு செய்யலாம். பல்வேறு மாடல்கள் மற்றும் விலைகளில் கிடைக்கும் இந்த டஸ்டர், நகரம் மற்றும் நீண்ட பயணம் இரண்டிற்கும் ஏற்றதாக இருக்கும். தோற்றத்தில் தைரியம், தொழில்நுட்பத்தில் முன்னேற்றம், விலையில் போட்டி – இந்த மூன்றையும் இணைத்து புதிய டஸ்டர் சந்தையில் வலுவான இடத்தை பிடிக்கத் தயாராக உள்ளது.
