ஓலா எலெக்ட்ரிக் நிறுவனம் #EndICEAge பிரச்சாரத்தின் ஒரு பகுதியாக S1 X, ரோட்ஸ்டர் X மாடல்களுக்கு ₹50,000 வரை தள்ளுபடி கொடுக்குறாங்க. இந்த ஆஃபர் மார்ச் 31 வரை மட்டும்தான்.
ஓலா எலக்ட்ரிக் அசத்தலான சலுகை: S1 X, ரோட்ஸ்டர் X ₹49,999-க்கு
நாடு முழுக்க எலெக்ட்ரிக் வண்டிகளின் பயன்பாட்டை அதிகப்படுத்த, ஓலா #EndICEAge பிரச்சாரத்தை தொடங்கியுள்ளது. இதன் ஒரு பகுதியாக, தனது பிரபலமான S1 X (2 kWh) மற்றும் ரோட்ஸ்டர் X (2.5 kWh) மாடல்களை வெறும் ₹49,999 ஆரம்ப விலையில் விற்பனை செய்கிறது. இந்த ஆஃபர் மார்ச் 31 வரை மட்டுமே இருக்கும் என ஓலா நிறுவனம் அறிவித்துள்ளது.
25
பெட்ரோல் வாகனங்கள் காலாவதியானவை: பவிஷ் அகர்வால்
ஈரான் போர் காரணமாக உலக அளவில் கச்சா எண்ணெய் விலை உயர்ந்து வருகிறது. உள்நாட்டில் பெட்ரோல் விலை விண்ணை முட்டுகிறது. இந்த சூழலில், வாடிக்கையாளர்களை எலெக்ட்ரிக் வாகனங்கள் பக்கம் ஈர்க்க ஓலா இந்த முடிவை எடுத்துள்ளது. ஓலா நிர்வாக இயக்குநர் பவிஷ் அகர்வால் X தளத்தில், 'இந்தியா எரிசக்தி தற்சார்பை அடைய வேண்டியதன் அவசியத்தை தற்போதைய சூழல் காட்டுகிறது. ஒவ்வொரு எலெக்ட்ரிக் வாகனமும் எண்ணெய் இறக்குமதியைக் குறைக்கும். ICE வாகனங்களின் சகாப்தத்தை முடிக்க நாங்கள் எந்த துணிச்சலான முடிவுக்கும் தயார்' என பதிவிட்டுள்ளார்.
35
₹50,000 வரையிலான பலன்கள்.. ஓலா சேவை உத்தரவாதம்
ஓலா தனது அனைத்து மாடல்களுக்கும் ₹50,000 வரை பலன்களை வழங்குகிறது. விலை குறைப்பு மட்டுமின்றி, வாடிக்கையாளர் நம்பிக்கையை அதிகரிக்க சில முக்கிய உத்தரவாதங்களையும் தருகிறது. S1 ஸ்கூட்டர்கள் மற்றும் ரோட்ஸ்டர் பைக்குகளுக்கு 8 ஆண்டு வாரண்டி, பழைய வாகனத்தை திரும்பக் கொடுக்கும்போது 60% வரை பைபேக் கியாரண்டி, சர்வீஸ் தாமதமானால் இலவச ஓலா கேப் வவுச்சர் என பல அறிவிப்புகளை வெளியிட்டுள்ளது.
ஓலா இன்சைடர்ஸ் மேம்படுத்தல் திட்டம் மூலம் மேலும் பல நகரங்களுக்கு
ஓலா தனது 'இன்சைடர்ஸ் அப்கிரேடு' திட்டத்தை இப்போது 150-க்கும் மேற்பட்ட நகரங்களுக்கு விரிவுபடுத்தியுள்ளது. இந்த திட்டம் தொடங்கிய சில நாட்களிலேயே சுமார் 50,000 வாடிக்கையாளர்கள் ஆர்வம் காட்டியதால் இந்த முடிவை எடுத்துள்ளது. இதன் மூலம், பழைய மாடல் ஸ்கூட்டர் வைத்திருப்பவர்கள் புதிய தலைமுறை எலெக்ட்ரிக் வாகனங்களுக்கு மாறலாம். பழைய வாடிக்கையாளர்களுக்கு ₹50,000 வரை அப்கிரேடு பலன்களும், அதே பதிவில் மற்றொரு வாகனம் வாங்கினால் கூடுதலாக ₹20,000 வரை பலனும் கிடைக்கும்.
55
ஓலா பரிந்துரை மற்றும் கேஷ்பேக் சலுகைகள்
வாடிக்கையாளர் நெட்வொர்க்கை அதிகரிக்க, ஓலா தனது ரெஃபரல் திட்டத்தையும் பலப்படுத்தியுள்ளது. ஒருவர் தனது நண்பருக்கோ அல்லது உறவினருக்கோ ஓலா வாகனம் வாங்க பரிந்துரைத்தால், டெலிவரி முடிந்ததும் பரிந்துரைத்தவருக்கு ₹5,000 வரை ஓலா கிரெடிட்ஸ் கிடைக்கும். புதிதாக வாங்குபவருக்கு ₹1,000 கேஷ்பேக் கிடைக்கும். ஆகஸ்ட் 2024-ல் பட்டியலிடப்பட்ட பிறகு, பிப்ரவரி 2026-ல் ஓலா விற்பனை குறைந்ததால், இந்த ஆஃபர்கள் மூலம் விற்பனையை மீண்டும் அதிகரிக்க நிறுவனம் திட்டமிட்டுள்ளது. மார்ச் 31-க்குள் இந்த சலுகைகளை பயன்படுத்திக் கொள்ளலாம்.
