மாருதி சுசுகி நிறுவனம் ஏப்ரல் 2026-ல் தனது ஏரினா கார்களுக்கு ரூ.45,000 வரை சலுகைகளை அறிவித்துள்ளது. இந்த சலுகைகளில் ஸ்விஃப்ட், பிரெஸ்ஸா, ஆல்டோ கே10 போன்ற மாடல்களுக்கு கேஷ் டிஸ்கவுண்ட் மற்றும் எக்சேஞ்ச் போனஸ் ஆகியவை அடங்கும்.
இந்த ஏப்ரல் 2026 மாதத்தில், மாருதி சுசுகி நிறுவனம் தனது ஏரினா டீலர்ஷிப்புகள் மூலம் பல்வேறு கார்கள் மீது சிறப்பு சலுகைகளை அறிவித்துள்ளது. மொத்தமாக ரூ.45,000 வரை பயன்கள் வழங்கப்படும் இந்த சலுகைகள், புதிய கார் வாங்க நினைப்பவர்களுக்கு நல்ல வாய்ப்பாக பார்க்கப்படுகிறது. இந்த சலுகைகளில் கேஷ் டிஸ்கவுண்ட், எக்சேஞ்ச் போனஸ், ஸ்க்ராபேஜ் சலுகை மற்றும் கார்ப்பரேட் சலுகைகள் உள்ளிட்ட பல நன்மைகள் உள்ளன. நகரம் மற்றும் டீலர்ஷிப் அடிப்படையில் சலுகைகளில் சிறிய மாற்றங்கள் இருக்கலாம்.
25
மாருதி ஆல்டோ கே10
இந்த சலுகை பட்டியலில் மாருதி ஆல்டோ கே10, மாருதி எஸ்-ப்ரெஸ்ஸோ போன்ற எகனாமி கார்கள் முக்கிய இடத்தைப் பெற்றுள்ளன. ஆல்டோ கே10 மாடலுக்கு அதிகபட்சம் ரூ.37,500 வரை நன்மைகள் வழங்கப்படுகின்றன. இதில் கேஷ் சலுகை மற்றும் எக்சேஞ்ச் போனஸ் சேர்க்கப்பட்டுள்ளது. முதல் முறையாக கார் வாங்க நினைப்பவர்களுக்கு இது சிறந்த தேர்வாக இருக்கும். மேலும் எஸ்-ப்ரெஸ்ஸோ மாடலும் ரூ.37,500 வரை சலுகைகளுடன் கிடைக்கிறது.
35
மாருதி எஸ்-ப்ரெஸ்ஸோ சலுகை
இந்த வரிசையில் மாருதி வேகன்ஆர் மற்றும் மாருதி செலிரியோ ஆகியவை தொடர்ந்து விற்பனையில் முன்னிலை வகிக்கும் கார்கள். வேகன்ஆர்-க்கு ரூ.37,500 வரை தள்ளுபடி வழங்கப்படுகிறது. செலிரியோ மாடல் அதன் அதிக மைலேஜ் மற்றும் எளிதான டிரைவிங் அனுபவத்தால் பிரபலமானது. இதற்கும் அதே அளவு சலுகைகள் கிடைப்பதால், தினசரி பயன்பாட்டிற்கு ஏற்றதாக இருக்கும்.
ஸ்போர்ட்டி ஹாட்ச்பேக் விரும்புபவர்களுக்கு மாருதி ஸ்விஃப்ட் இந்த மாதம் சிறந்த தேர்வாக இருக்கும். ஸ்விஃப்ட் ஆட்டோமேட்டிக் வேரியண்ட்களுக்கு ரூ.45,000 வரை சலுகைகள் வழங்கப்படுகின்றன. மேனுவல் வேரியண்ட்களுக்கு ரூ.40,000 வரை தள்ளுபடி கிடைக்கிறது. எஸ்யூவி விரும்புபவர்களுக்கு Maruti Brezza மாடலும் நல்ல ஆஃபர்களுடன் உள்ளது. பெட்ரோல் மற்றும் சிஎன்ஜி வேரியண்ட்கள் இரண்டிலும் ரூ.45,000 வரை நன்மைகள் வழங்கப்படுகின்றன.
55
ஏப்ரல் மாத மாருதி சலுகைகள்
இதற்கிடையில் மாருதி விக்டோரிஸ் மாடலுக்கு நேரடி கேஷ் டிஸ்கவுண்ட் இல்லாதது குறிப்பிடத்தக்கது. ஆனால் எக்சேஞ்ச் போனஸ் மூலம் வாடிக்கையாளர்களுக்கு நன்மை அளிக்கப்படுகிறது. பெட்ரோல் மற்றும் சிஎன்ஜி மாடல்களுக்கு ரூ.20,000 வரை, ஹைப்ரிட் வேரியண்ட்களுக்கு ரூ.30,000 வரை எக்சேஞ்ச் சலுகைகள் கிடைக்கின்றன. மொத்தத்தில், இந்த ஏப்ரல் மாத மாருதி சலுகைகள் புதிய கார் வாங்க திட்டமிடுபவர்களுக்கு சிறந்த வாய்ப்பாக அமைந்துள்ளது.
