மாருதி பலேனா காருக்கு ரூ.70,000 வரை சலுகை.. புதிய கார் வாங்க இதுதான் சரியான நேரம்

மாருதி சுசூகி தனது பிரீமியம் ஹேட்ச்பேக் மாடலான பலேனோவுக்கு டிசம்பர் மாதத்தில் சிறப்பு தள்ளுபடிகளை அறிவித்துள்ளது. இந்த தள்ளுபடிகள், பலேனோவை இந்த மாதத்தில் ஒரு சிறந்த தேர்வாக மாற்றுகின்றன.

மாருதி பலேனோ தள்ளுபடி

ஆண்டின் இறுதி மாதம் நெருங்கிய நிலையில், கார் நிறுவனங்களின் சலுகைகள் அறிவிக்கப்பட்டுள்ளன. அதில் முக்கியமானது, மாருதி சுசூகி தனது பிரீமியம் ஹேட்ச்பேக் மாடலான பலேனோவுக்கு பெரிய தள்ளுபடியை வழங்குவதாக அறிவித்திருப்பது. டாடா அல்ட்ராஸ் மற்றும் ஹூண்டாய் i20 போன்ற கார்களுக்கு போட்டியாக இருக்கும் பலேனோ, சிறந்த மைலேஜ், வசதிகள் மற்றும் ஸ்டைலான வடிவமைப்பு சந்தையில் ஏற்கனவே நல்ல பெயரை பெற்றுள்ளது. எனவே, இந்த டிசம்பர் பலேனோ வாங்க விரும்புபவர்களுக்கு ஒரு நல்ல வாய்ப்பாக பார்க்கப்படுகிறது.

இந்த முறை பலேனோவின் வெவ்வேறு வேரியண்ட்களுக்கு சலுகைகள் அறிவிக்கப்பட்டுள்ளன. ஆட்டோமேட்டிக் (AMT) மாடல்களுக்கு ரூ.60,000 வரை தள்ளுபடி கிடைக்கிறது, இது ஆட்டோமேட்டிக் கார் விரும்புபவர்களுக்கு சிறந்த தேர்வாக உள்ளது. சிஎன்ஜி மற்றும் பெட்ரோல் மேனுவல் மாடல்களுக்கும் ரூ.55,000 வரை சலுகை வழங்கப்படுகிறது. குறிப்பாக பலேனோ சிஎன்ஜி மாடலுக்கு அதிகமான தேவை இருப்பதால், வாங்குபவர்களுக்கு நல்ல தள்ளுபடி கிடைக்கிறது.

டிசம்பர் சலுகை

மேலும், பலேனோவின் இரண்டு ஏர்பேக் கொண்ட அடிப்படை மாதலுக்கும் ரூ.70,000 வரை சிறப்பு தள்ளுபடி அறிவிக்கப்பட்டுள்ளது. மாருதி பலேனோவின் எக்ஸ்-ஷோரூம் விலை ரூ.5.99 லட்சத்தில் தொடங்கி ரூ.9.10 லட்சம் வரை உள்ளது. தள்ளுபடிகளுடன் சேர்த்துப் பார்த்தால், இந்த கார் பணத்திற்கு மதிப்புள்ளதாகத் தெரிகிறது. நெக்ஸா பிராண்டின் மிக அதிகம் விற்கப்படும் மாடல்களில் ஒன்றான பலேனோ, 1.2 லிட்டர் டூயல்ஜெட் இன்ஜினுடன் வருவதால் சிறந்த எரிபொருள் சிக்கனத்தைக் கொடுக்கும்.

பலேனோ தற்போது டாடா அல்ட்ராஸ், ஹூண்டாய் ஐ20, டொயோட்டா கிளான்ஸா போன்ற மாடல்களுடன் போட்டியிடுகிறது. இருப்பினும், தள்ளுபடிகள் நகரம், மாநிலம், டீலர் கையிருப்பு மற்றும் வண்ணம் போன்ற காரணிகளின் அடிப்படையில் மாறக்கூடும். எனவே, காரை வாங்கும் முன் சரியான சலுகை விவரங்கள் அறிய அருகிலுள்ள டீலரிடம் உறுதி செய்து கொள்வது முக்கியம்.