குறைந்த வேக எலக்ட்ரிக் ஸ்கூட்டர்கள் இந்தியாவில் பிரபலமடைந்து வருகின்றன. ஓட்டுநர் உரிமம் மற்றும் வாகனப் பதிவு தேவையில்லாமல், இவை மாணவர்கள் மற்றும் மூத்த குடிமக்களுக்கு சிறந்த தேர்வாக உள்ளன.
இந்தியாவில் எலக்ட்ரிக் வாகனங்கள் அதிகமாக பயன்பாட்டுக்கு வருவதைப் போலவே, குறைந்த வேகத்தில் இயங்கும் எலக்ட்ரிக் ஸ்கூட்டர்களும் அதிக வரவேற்பைப் பெற்று வருகின்றன. இவை 250 வாட் அல்லது அதற்கு குறைவான மொட்டார் சக்தியுடன், 25 கி.மீ வேகத்தில்தான் இயங்கும் வகையிலேயே வடிவமைக்கப்பட்டுள்ளன. இவை ஓட்டுநர் உரிமம் (DL) மற்றும் வாகன பதிவு (RC) தேவையில்லாமல் சாலைகளில் பயன்படுத்தலாம். இதனால் மாணவர்கள், மூத்த குடிமக்கள் மற்றும் அலுவலகம் அல்லது அருகிலுள்ள கடைகளுக்கு செல்வோருக்கு இது ஒரு சிறந்த தேர்வாக மாறியுள்ளது.
25
ஓலா கிக் மின்சார ஸ்கூட்டர்
இந்த வகை ஸ்கூட்டர்களில் முதலில் குறிப்பிட வேண்டியது ஓலா நிறுவனத்தின் “Kick” மாடல். இது ரூ. 39,999க்கு கிடைக்கிறது மற்றும் ஒரு சார்ஜில் 112 கி.மீ வரை செல்லக்கூடிய திறனைக் கொண்டுள்ளது. இதன் பேட்டரி நீக்கக்கூடியதாக இருக்கும், மேலும் 4-5 மணி நேரத்தில் முழு சார்ஜ் ஆகும். இதே போல், லோகியா ஓமா ஸ்டார் மாடலும், 70 கி.மீ ரேஞ்சுடன், ₹41,444க்கு வழங்கப்படுகிறது.
35
கோமாகி எலக்ட்ரிக் ஸ்கூட்டர்
மூன்றாவது முக்கிய மாடல் “Komaki XGT KM” ஆகும். இது அதிகபட்சம் 150 கி.மீ வரை பயணிக்கக் கூடியதாக உள்ளது. அதன் விலை சுமார் ரூ. 42,500 ஆகும். அதன் வேகம் 60 கி.மீ/மணிக்கு வரை செல்லக்கூடியது. அதேவேளை, “Ampere Reo Elite” மாடல் 55-60 கி.மீ வரை செல்லக்கூடியதாகவும், ரூ. 42,999க்கு விற்பனையாகிறது.
புதியதாக அறிமுகமாகியுள்ள ஓலா S1 X மாடலும், குறைந்த வேக ஸ்கூட்டர்களின் பட்டியலில் இடம் பெற்றுள்ளது. ரூ. 59,999 விலையில் கிடைக்கும் இந்த மாடலில் 1.5 கிலோவாட் பேட்டரி வழங்கப்பட்டுள்ளது. இது 90 கி.மீ வரை செல்லும் திறனைக் கொண்டது. அனைவருக்கும் ஏற்ற விலை, எளிய பராமரிப்பு மற்றும் பாதுகாப்பான பயணத்தால் இந்த வகை எலக்ட்ரிக் வாகனங்கள் அதிகரித்து வருகின்றன.
55
லைசென்ஸ் இல்லாத ஸ்கூட்டர்கள்
இந்த வகை வாகனங்களை ஓட்ட ஓட்டுநர் உரிமம் தேவையில்லை என்றாலும், பாதுகாப்பிற்காக ஹெல்மெட் அணிவது முக்கியமாகும். குறைந்த செலவில் பயணிக்க விரும்பும் அனைவருக்கும் இவை சிறந்த தெரிவாக உள்ளன. விவரங்கள் மற்றும் கூடுதல் மாடல்களுக்காக உத்தியோகபூர்வ தளத்தை பார்வையிடலாம்.
