SUV Sales: இந்திய மார்க்கெட்டை தெறிக்கவிடும் SUV-க்கள்! ஒரே மாதத்தில் இத்தனை கார்கள் விற்பனையா?

2026 பிப்ரவரியில் இந்திய கார் சந்தையில் SUV-களின் விற்பனை பட்டையைக் கிளப்பியுள்ளது. மாருதி சுஸுகி, மஹிந்திரா, ஹூண்டாய் போன்ற முக்கிய பிராண்டுகள் நல்ல வளர்ச்சியைப் பதிவு செய்துள்ளன.

SUV sales in India

இந்திய கார் மார்க்கெட்டில் SUV கார்களுக்கு இருக்கிற மவுசு நாளுக்கு நாள் அதிகமாகிட்டே போகுது. லேட்டஸ்ட் டேட்டா படி, 2026 பிப்ரவரி மாசம் மட்டும் நம்ம நாட்டுல மொத்தம் 2.36 லட்சம் SUV-க்கள் விற்பனையாகியிருக்கு. இது போன வருஷத்தை விட 13.48% அதிகம். இந்திய ஆட்டோமொபைல் உற்பத்தியாளர்கள் சங்கமான SIAM (Society of Indian Automobile Manufacturers) இந்தத் தகவலை வெளியிட்டிருக்கு. 2025 பிப்ரவரியில் 2.08 லட்சம் SUV-க்கள்தான் விற்பனையாகியிருந்தது. ஆனால் இந்த வருஷம் டிமாண்ட் பயங்கரமாக அதிகரித்துள்ளது. வாங்க, இதைப்பற்றி விரிவாகப் பார்க்கலாம்.

அதிகம் விற்பனையான SUV கார்கள்

இந்திய வாடிக்கையாளர்கள் மத்தியில் SUV-க்கள் வேகமாக பிரபலமாகி வருகிறது. உயரமான கிரவுண்ட் கிளியரன்ஸ், பார்க்கிறதுக்கு கெத்தான டிசைன், ரோட்டில் போகும்போது ஒரு தனி கம்பீரம் - இதெல்லாம்தான் ஹேட்ச்பேக் அல்லது செடான் கார்களை விட SUV-க்களை மக்கள் அதிகம் விரும்பக் காரணம். அதனால்தான் மாருதி சுஸுகி பிரெஸ்ஸா, ஹூண்டாய் கிரெட்டா, டாடா நெக்ஸான் மாதிரியான கார்கள், நாட்டிலேயே அதிகம் விற்பனையாகும் டாப் 10 கார்கள் பட்டியலில் அடிக்கடி இடம்பிடிக்கின்றன. நாட்டின் மிகப்பெரிய கார் தயாரிப்பு நிறுவனமான மாருதி சுஸுகி, 2026 பிப்ரவரியில் 72,756 SUV-க்களை விற்பனை செய்துள்ளது. கடந்த ஆண்டு 65,033 யூனிட்களை விற்றிருந்த நிலையில், இது 11.87% வளர்ச்சி.

புள்ளிவிவரம் இதோ

SUV செக்மென்ட்டில் வலுவான இடத்தில் இருக்கும் மஹிந்திரா & மஹிந்திரா, பிப்ரவரியில் 60,018 யூனிட்களை விற்று, 19.46% வளர்ச்சியைப் பதிவு செய்துள்ளது. தென் கொரிய நிறுவனமான ஹூண்டாய் மோட்டார் கம்பெனி, 2026 பிப்ரவரியில் 33,539 SUV-க்களை விற்பனை செய்துள்ளது. இது கடந்த ஆண்டை விட 1.1% அதிகம். கியா நிறுவனம் 27,610 யூனிட் SUV-க்களை விற்று, 10.32% வளர்ச்சியைப் பதிவு செய்துள்ளது.

ஜப்பானிய நிறுவனமான டொயோட்டா, 27,319 யூனிட்களை விற்பனை செய்து, 26.77% என்ற வலுவான வளர்ச்சியை எட்டியுள்ளது. 2026 பிப்ரவரியில் சில சிறிய நிறுவனங்களும் சிறப்பான விற்பனையைப் பதிவு செய்துள்ளன. ஃபோர்ஸ் மோட்டார்ஸ் விற்பனையில் 349% வளர்ச்சி கண்டு 732 யூனிட்களை விற்றுள்ளது. சிட்ரோன் நிறுவனம் 254% வளர்ச்சியுடன் 950 யூனிட்களையும், ரெனால்ட் 39% வளர்ச்சியுடன் 3,120 யூனிட்களையும் விற்பனை செய்துள்ளது.

சரிவை சந்தித்த நிறுவனங்கள்

ஆனால், சில பிராண்டுகளுக்கு விற்பனை சரிந்துள்ளது. ஜீப் நிறுவனம் 217 யூனிட்களை மட்டுமே விற்றது (சுமார் 8% சரிவு). இசுஸு 38 யூனிட்களை விற்றது (32% சரிவு). எம்ஜி மோட்டார் 1,315 யூனிட்களை விற்றது (சுமார் 49% சரிவு). ஃபோக்ஸ்வேகன் 835 யூனிட்களை விற்றது (34% சரிவு).

அதே சமயம், 2026 பிப்ரவரிக்கான டாடா மோட்டார்ஸின் SUV விற்பனை குறித்த புள்ளிவிவரங்கள் இன்னும் கிடைக்கவில்லை. அதனால், இந்த பட்டியலில் அந்த நிறுவனத்தின் பெயர் சேர்க்கப்படவில்லை. மொத்தத்தில், இந்திய வாகனச் சந்தையில் SUV செக்மென்ட் தனது இடத்தைத் தொடர்ந்து வலுப்படுத்திக்கொண்டே இருக்கிறது. 2026 பிப்ரவரியில் 2.36 லட்சம் யூனிட்கள் விற்பனையானதும், 13.48% வளர்ச்சி பதிவானதும், எதிர்காலத்தில் SUV-க்களின் ஆதிக்கம் இன்னும் அதிகமாகும் என்பதையே காட்டுகிறது.