ஆட்டோமொபைல் துறை வேகமாக மாறிக்கொண்டே இருக்கிறது. இதனால், கார் நிறுவனங்கள் வாடிக்கையாளர்களுக்குப் புதிய அம்சங்களைக் கொடுக்க தொடர்ந்து முயற்சிக்கின்றன. சீனாவின் செரஸ் நிறுவனம் காருக்குள் டாய்லெட் வசதியை கொண்டுவர உள்ளது. கேட்பதற்கு விசித்திரமாக இருந்தாலும், நீண்ட தூரப் பயணங்களுக்கு இது மிகவும் பயனுள்ளதாக இருக்கும்.
26
சீனாவின் எலக்ட்ரிக் கார்
சீனாவின் எலக்ட்ரிக் கார் தயாரிப்பு நிறுவனமான செரஸ், காருக்குள் டாய்லெட் அமைப்பதற்காக காப்புரிமை பெற்றுள்ளது. நீண்ட தூரம் பயணம் செய்பவர்கள் அல்லது பயணத்தின்போது எளிதில் டாய்லெட் வசதி கிடைக்காதவர்களுக்காகவே இந்த யோசனையை நிறுவனம் உருவாக்கியுள்ளது.
36
காரின் சீட்டுக்கு அடியில் டாய்லெட்
இந்த சிஸ்டத்தின் ஸ்பெஷாலிட்டியே, டாய்லெட் காரின் சீட்டுக்கு அடியில்தான் பொருத்தப்பட்டிருக்கும் என்பதுதான். தேவைப்படும்போது அதை வெளியே இழுத்துப் பயன்படுத்தலாம். பிறகு, மீண்டும் உள்ளே தள்ளி மறைத்துவிடலாம். இது ஒரு ஃபோல்டிங் அல்லது ஹைட்ராலிக் சிஸ்டம் போல செயல்படும். அதனால், காருக்குள் அதிக இடத்தையும் இது எடுத்துக்கொள்ளாது.
சுத்தம் மற்றும் துர்நாற்றம் போன்ற பிரச்சனைகளைச் சமாளிக்க, இதில் சிறப்பு தொழில்நுட்பத்தைப் பயன்படுத்தப் போகிறார்களாம். ஒரு மேம்பட்ட கழிவு மேலாண்மை அமைப்பு மற்றும் துர்நாற்றத்தைக் கட்டுப்படுத்த ஃபில்டர்கள் இதில் இருக்கும் என நிறுவனம் கூறுகிறது. கடந்த ஆண்டு ஏப்ரல் மாதம் இந்த காப்புரிமைக்கு செரஸ் நிறுவனம் விண்ணப்பித்தது. இப்போது, ஏப்ரல் 2026-க்கு ஒப்புதல் கிடைத்துள்ளது.
56
இனி லாங் டிரைவ் பயமே இல்ல
நீண்ட சாலைப் பயணம், நெடுஞ்சாலைப் பயணம் அல்லது மணிக்கணக்கில் போக்குவரத்து நெரிசலில் சிக்குபவர்களுக்கு இந்த வசதி மிகவும் பயனுள்ளதாக இருக்கும். இதுபோன்ற நேரங்களில் டாய்லெட் போவது ஒரு பெரிய கவலையாக இருக்கும். இந்த தொழில்நுட்பம் அந்தப் பிரச்சனைக்கு ஒரு தீர்வாக அமையும்.
66
இந்த வசதி எப்போது கார்களில் கிடைக்கும்?
இந்த செய்தி வெளியானதும், சமூக வலைதளங்களில் மக்கள் பலவிதமாகப் பேசத் தொடங்கிவிட்டனர். சிலர் இது ஒரு அவசியமான, அருமையான கண்டுபிடிப்பு என்கிறார்கள். மற்றவர்களோ, காரின் சுகாதாரம் மற்றும் பாதுகாப்பு குறித்து கேள்வி எழுப்புகின்றனர். இந்த வசதி எப்போது கார்களில் கிடைக்கும் என்பது பற்றி நிறுவனம் இன்னும் எதுவும் தெரிவிக்கவில்லை.
