ரூ.1.37 லட்சத்தில் ராயல் என்ஃபீல்ட் பைக்.. 36.2 கி.மீ மைலேஜ் தருது.. எந்த மாடல்?

ராயல் என்ஃபீல்ட் ஹண்டர் 350, நகர்ப்புற பயணங்களுக்கு ஏற்ற ஒரு ஸ்டைலான மற்றும் மலிவு விலை பைக் ஆகும். இது 349cc இன்ஜின், ஒரு லிட்டருக்கு 36.2 கிமீ மைலேஜ் மற்றும் டூயல் சேனல் ABS போன்ற நவீன வசதிகளுடன் வருகிறது.

ராயல் என்ஃபீல்ட் ஹண்டர் 350

தினசரி கல்லூரி அல்லது அலுவலகப் பயணத்திற்கு சக்திவாய்ந்தது நல்ல மைலேஜ் தரும் பைக் தேடுபவர்களுக்கு ராயல் என்ஃபீல்டின் ஹண்டர் 350 ஒரு சிறந்த தேர்வாக கருதப்படுகிறது. நகர்ப்புற சாலைகளில் எளிதாக இயக்கக்கூடிய வகையில் இந்த மாடல், இளைஞர்களிடையே விருப்பமான பைக்காக உருவெடுத்துள்ளது. பாரம்பரிய ராயல் என்ஃபீல்ட் தோற்றத்தையும், புதிய தலைமுறை ஸ்டைலையும் இணைத்த வடிவமைப்பு இதன் முக்கிய அம்சமாகும்.

மலிவு பைக்

இந்த பைக்கின் ஆரம்ப விலை ரூ.1,37,640 (எக்ஸ்-ஷோரூம்). Factory Black வேரியண்ட் குறைந்த விலையில் கிடைக்கிறது. Rebel Blue, London Red, Tokyo Black, Dapper Gray போன்ற பல வண்ணங்களில் இந்த மாடல் கிடைக்கிறது. நகரங்களுக்கு ஏற்ப விலையில் சிறிய மாற்றங்கள் இருக்கலாம். அதனால் வாங்கும் முன் அருகிலுள்ள டீலரிடம் சரிபார்ப்பது நல்லது.

ஹண்டர் 350 மைலேஜ்

349cc J-சீரிஸ் என்ஜின் கொண்ட இந்த பைக், 20.2 bhp சக்தியும் 27 Nm டார்க் திறனும் வழங்குகிறது. தினசரி பயணத்திற்கு போதுமான பவருடன் மென்மையான ஓட்ட அனுபவத்தை தருகிறது. ஒரு லிட்டருக்கு சுமார் 36.2 கிமீ வரை மைலேஜ் தரும் என்று நிறுவனம் தெரிவித்துள்ளது. அதிகபட்ச வேகம் சுமார் 114 கிமீ/மணி.

ஹண்டர் 350 வசதிகள்

அம்சங்களில் டிஜிட்டல்-அனலாக் மீட்டர், டிரிப்பர் நெவிகேஷன், ஸ்லிப்-அசிஸ்ட் கிளட்ச், டைப்-சி சார்ஜிங் போர்ட் போன்றவை உள்ளன. 13 லிட்டர் டேங்க் திறன், 160mm கிரவுண்ட் கிளியரன்ஸ் மற்றும் டூயல் சேனல் ABS பாதுகாப்பு வழங்குகிறது.

ஹண்டர் 350 பைக்

மொத்தத்தில், ஸ்டைலான தோற்றம், நல்ல மைலேஜ் மற்றும் நம்பகமான செயல்திறன் ஆகியவை சேர்ந்து ஹண்டர் 350 ஐ நகர்ப்புற பயணங்களுக்கு ஏற்ற மலிவு ராயல் என்ஃபீல்ட் மாடலாக மாறுகின்றன.