Best 7 Seater Cars : பெரிய ஃபேமிலிக்கு ஏற்ற சீப் அண்ட் பெஸ்ட் 7 சீட்டர் கார்கள் என்னென்ன?

7 Seater Family Cars : இந்தியாவில் 15 லட்சத்துக்கும் குறைவான பட்ஜெட்டில் கிடைக்கும் சூப்பரான 7 சீட்டர் கார்களைப் பற்றித்தான் இங்கே பார்க்கப் போகிறோம். பெரிய குடும்பங்களுக்கு ஏற்ற இந்த கார்கள், வசதியான பயணத்தை உறுதி செய்கின்றன.

cheap and best 7 Seater Cars

இந்தியாவில் பெரிய குடும்பம் உள்ளவர்கள் மத்தியில் 7 சீட்டர் கார்களுக்கு எப்போதுமே நல்ல டிமாண்ட் இருக்கு. நிறைய பேர் சேர்ந்து பயணிக்க முடிவதோடு, குடும்பப் பயணங்களுக்கு இது ரொம்பவே வசதியாக இருக்கும். 15 லட்சத்துக்கும் குறைவான பட்ஜெட்டில் ஒரு நல்ல 7 சீட்டர் கார் வாங்க நீங்க பிளான் பண்றீங்கன்னா, மாருதி சுஸுகி, ரெனால்ட், நிஸான், மஹிந்திரா போன்ற நிறுவனங்களின் மாடல்களை தாராளமாக பரிசீலிக்கலாம்.

நிஸான் கிராவைட் மற்றும் ரெனால்ட் ட்ரைபர்

நிஸான் கிராவைட், ரெனால்ட் ட்ரைபர் ஆகிய இரண்டுமே ஒரே பிளாட்ஃபார்மில் உருவாக்கப்பட்ட காம்பேக்ட் எம்பிவி கார்கள். இந்த இரண்டு மாடல்களிலுமே 71 bhp பவர், 96 Nm டார்க் திறனை வெளிப்படுத்தும் 1.0 லிட்டர், 3 சிலிண்டர் பெட்ரோல் இன்ஜின் கொடுத்திருக்காங்க. இதில் 5 ஸ்பீடு மேனுவல், 5 ஸ்பீடு ஏஎம்டி கியர்பாக்ஸ் ஆப்ஷன்கள் இருக்கு. கிராவைட் மாடலில் ஃபேக்டரி ஃபிட்டட் சிஎன்ஜி கிடைக்குது. ஆனா, ட்ரைபரில் டீலர் மூலமாகவோ அல்லது ஆஃப்டர் மார்க்கெட் மூலமாகவோ தான் சிஎன்ஜி கிட் பொருத்திக்கொள்ள முடியும்.

இந்த இரண்டு கார்களோட முக்கிய சிறப்பம்சமே, முழுமையாக கழற்றி எடுக்கக்கூடிய மூன்றாம் வரிசை இருக்கைகள் தான். இரண்டாம் வரிசை இருக்கைகளை மடக்கினால், பூட் ஸ்பேஸை 1,000 லிட்டருக்கு மேல் கூட்டிக்கொள்ள முடியும். 8 இன்ச் டச் ஸ்கிரீன், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, க்ரூஸ் கண்ட்ரோல், ஆட்டோமேட்டிக் ஹெட்லேம்ப்கள், ரெயின் சென்சிங் வைப்பர்கள் போன்ற வசதிகளும் இதில் இருக்கு. சென்னையில் கிராவைட் காரின் ஆன்-ரோடு விலை ரூ.6.92 லட்சம் முதல் ரூ.11.20 லட்சம் வரையிலும், ட்ரைபர் காரின் விலை ரூ.6.85 லட்சம் முதல் ரூ.10.43 லட்சம் வரையிலும் இருக்கு.

மஹிந்திரா பொலிரோ

எம்பிவி கார்களுக்குப் பதிலாக, ஒரு ரக்கட்டான 7 சீட்டர் எஸ்யூவி காரை தேடுபவர்களுக்கு மஹிந்திரா பொலிரோ ஒரு சிறந்த சாய்ஸ். இந்த காரில் 75 bhp பவர், 210 Nm டார்க் திறனை வழங்கும் 1.5 லிட்டர், 3 சிலிண்டர் டர்போ டீசல் இன்ஜின் இருக்கு. இது 5 ஸ்பீடு மேனுவல் கியர்பாக்ஸ் மற்றும் ரியர் வீல் டிரைவ் ஆப்ஷனுடன் வருது. கரடுமுரடான சாலைகளிலும் சிறப்பாகப் பயணிக்க இதன் லேடர்-ஃபிரேம் சேஸிஸ் உதவுது. 7 இன்ச் டச் ஸ்கிரீன், டிஜிட்டல் இன்ஸ்ட்ரூமென்ட் கிளஸ்டர், பவர் ஸ்டீயரிங், பவர் விண்டோஸ், சென்ட்ரல் லாக்கிங், ஸ்டீயரிங் மவுண்டட் கண்ட்ரோல்கள், மடக்கக்கூடிய மூன்றாம் வரிசை இருக்கைகள், லெதரெட் சீட்டுகள் ஆகியவை இதன் முக்கிய அம்சங்கள். சென்னையில் இதன் ஆன்-ரோடு விலை ரூ.10.82 லட்சம் முதல் ரூ.12.59 லட்சம் வரை இருக்கு.

மாருதி சுஸுகி எர்டிகா

15 லட்சத்துக்கு நெருக்கமான பட்ஜெட்டில் வாங்கக்கூடிய மற்றொரு பிரபலமான 7 சீட்டர் மாடல் மாருதி சுஸுகி எர்டிகா. இந்த காரில் 101 bhp பவர், 139 Nm டார்க் திறனை வெளிப்படுத்தும் 1.5 லிட்டர், 4 சிலிண்டர் K15C ஸ்மார்ட் ஹைப்ரிட் பெட்ரோல் இன்ஜின் கொடுத்திருக்காங்க. இதில் 5 ஸ்பீடு மேனுவல், 6 ஸ்பீடு ஆட்டோமேட்டிக் கியர்பாக்ஸ் ஆப்ஷன்கள் கிடைக்குது. ஃபேக்டரி ஃபிட்டட் S-CNG வேரியண்டில் மேனுவல் கியர்பாக்ஸ் மட்டுமே கிடைக்கும். ஆட்டோமேட்டிக் கிளைமேட் கண்ட்ரோல், புஷ்-பட்டன் ஸ்டார்ட், க்ரூஸ் கண்ட்ரோல், ரியர் பார்க்கிங் கேமரா, 7 இன்ச் ஸ்மார்ட்பிளே ப்ரோ டச் ஸ்கிரீன் ஆகியவை இதன் முக்கிய அம்சங்கள். இரண்டாம் வரிசையில் ஒன்-டச் டம்பிள் மற்றும் ஸ்லைடு சீட்டுகள், மேற்கூரையில் பொருத்தப்பட்ட ஏசி வென்ட்கள், பின்புறம் USB-C சார்ஜிங் போர்ட் ஆகிய வசதிகளும் இருக்கு. சென்னையில் இதன் ஆன்-ரோடு விலை ரூ.10.47 லட்சம் முதல் ரூ.16.51 லட்சம் வரை இருக்கு.