149 கிமீ ரேஞ்சுடன் பஜாஜ் வெளியிட்ட புதிய இ-ரிக்‌ஷா.. ஓட்டுனர்களுக்குப் பெரிய வரப்பிரசாதம்!

பஜாஜ் தனது புதிய 'ரிக்கி' மின்சார ரிக்‌ஷாவை அறிமுகப்படுத்தியுள்ளது. 149 கிமீ ரேஞ்ச், உறுதியான சேசி, மற்றும் வேகமான சார்ஜிங் போன்ற அம்சங்களுடன் கிடைக்கிறது. இதன் விலை, அம்சங்கள் போன்றவற்றை பார்க்கலாம்.

பஜாஜ் ரிக்கி இ-ரிக்‌ஷா

இந்தியாவில் இ-ரிக்ஷா பயன்பாடு மிக வேகமாக உயரும் நிலையில், பஜாஜ் நிறுவனம் தனது புதிய மின்சார ரிக்ஷா ‘ரிக்கி’யை அறிமுகப்படுத்தியுள்ளது. மூன்று சக்கர வாகனங்களுக்கு வருடக்கணக்கில் நம்பிக்கை ஏற்படுத்திய பஜாஜ், தற்போது அந்த அனுபவத்தைக் கொண்டு இ-ரிக்ஷா துறையில் பெரிய மாற்றத்தை உருவாக்குகிறது முயற்சியில் உள்ளது. 

ஓட்டுநர்களின் வருமானத்தை உயர்த்துவது, பயணிகளுக்கு பாதுகாப்பான சேவை வழங்குவது, சந்தையில் உள்ள குறைந்த தர மாடல்களை விட நீடித்தது நிதி வழங்குவதும் ரிக்கியின் நோக்கம் என்று நிறுவனம் தெரிவித்துள்ளது. கோவிட்-19க்குப் பிறகு இ-ரிக்ஷா சந்தை பெரிதும் விரிவடைந்தாலும், பல மாடல்களில் இன்று முக்கிய குறைபாடுகள் காணப்படுகின்றன.

பஜாஜ் ரிக்கி P4005

குறைந்த ரேஞ்ச், பலவீனமான சேசி, தரமற்ற பிரேக்கிங், கவிழும் அபாயம், குறைவான சர்வீஸ் சென்டர்கள் போன்ற பிரச்சினைகள் ஓட்டுநர்கள் வருமானத்தையும் பயணிகளின் பாதுகாப்பையும் பாதிக்கிறது. இந்த பின்னணியில்தான் ரிக்கி உருவாக்கப்பட்டதாக பஜாஜ் கூறுகிறது. இக்குறைபாடுகளை கையாளும் வகையில் நம்பகமான கட்டமைப்பு செயல்திறனும் வழங்கப்படுகின்றன. 

பஜாஜ் ரிக்கி P4005 மாடல் ஒரு சார்ஜில் 149 கிமீ ரேஞ்ச் வரை செல்ல முடியும். இதில் 5.4 kWh பேட்டரி பேக், உறுதியான மோனோகாக் சேசி, மேம்பட்ட ஹைட்ராலிக் பிரேக்குகள், தனித்துவமான சஸ்பென்ஷன், மற்றும் 4.5 மணி நேரத்தில் வேகமான சார்ஜிங் ஆகியவை கொடுக்கப்பட்டுள்ளன.

அதிக ரேஞ்ச், வேகமான சார்ஜிங், மேம்பட்ட பாதுகாப்பு

இந்த அம்சங்களின் மூலம் ஓட்டுநர்களுக்கு அதிக இயக்க நேரம் கிடைக்கும். மேலும் பராமரிப்பு செலவு குறைகிறது. பஜாஜ் ரிக்கி P4005 பயணிகள் மாடலின் எக்ஸ்-ஷோரூம் விலை ரூ1,90,890, மற்றும் சரக்கு ஏற்றுமதி செய்கிறது C4005 மாதலின் விலை ரூ2,00,876 என நிர்ணயிக்கப்பட்டுள்ளது. 

தற்போது உத்தரப் பிரதேசம், பீகார், மத்ய பிரதேசம், அசாம், சத்தீஸ்கர் உள்ளிட்ட 100க்கும் மேற்பட்ட நகரங்களில் ரிக்கி அறிமுகப்படுத்தப்பட்டுள்ளது. மேலும் விரைவில் பல மாநிலங்களில் கிடைக்கும் என பஜாஜ் தெரிவிக்கிறது. 75 ஆண்டுகளாக மூன்று சக்கர வாகனங்களில் நம்பகத்தன்மையை உருவாக்கிய பஜாஜின் பொறியியல் பாரம்பரியம் ரிக்கியிலும் தெளிவாகப் பிரதிபலிக்கிறது.