ஆட்டோ ராஜா இஸ் பேக்! சிங்கிள் சார்ஜில் 296 கி.மீ ரேஞ்ச் - பஜாஜ் WEGO P9018 வெறும் ரூ.4.4 லட்சத்தில்
Bajaj Auto நிறுவனம், மின்சார வாகனச் சந்தையில் ஒரு முக்கிய மைல்கல்லாக தனது புதிய Bajaj RE E-Tec 9.0 மின்சார ஆட்டோவை அறிமுகப்படுத்தியுள்ளது. நீண்ட தூரப் பயணம், வணிக தேவைகளைக் கருத்தில் கொண்டு உருவாக்கப்பட்டுள்ள இந்த வாகனம் குறித்து தெரிந்து கொள்வோம்.
இந்தியாவின் மூன்று சக்கர வாகனச் சந்தையில் நீண்டகாலமாக முன்னணியில் இருக்கும் பஜாஜ் நிறுவனம், தற்போது மின்சாரப் பிரிவிலும் தனது ஆதிக்கத்தைச் செலுத்தத் தொடங்கியுள்ளது. புதிய பஜாஜ் மின்சார மூன்று சக்கர வாகனம் (P9018), குறிப்பாக அதிக மைலேஜ் மற்றும் நீடித்து உழைக்கும் திறனை மையமாக வைத்து வடிவமைக்கப்பட்டுள்ளது.
1. பேட்டரி மற்றும் செயல்திறன்
இந்த வாகனத்தின் மிக முக்கியமான அம்சம் அதன் 17.7 kWh திறன் கொண்ட பேட்டரி ஆகும். இது சந்தையில் உள்ள மற்ற மின்சார மூன்று சக்கர வாகனங்களுடன் ஒப்பிடுகையில் மிகப்பெரிய பேட்டரி பேக் ஆகும்.
சான்றளிக்கப்பட்ட தூரம் (Range): ஒருமுறை முழுமையாக சார்ஜ் செய்தால், இது 296 கி.மீ தூரம் வரை செல்லும் என்று சான்றளிக்கப்படடுள்ளது (ARAI Certified).
நடைமுறை பயன்பாடு: நிஜ உலகப் பயன்பாட்டில் (Real-world range), இது சுமார் 230-250 கி.மீ வரை தடையின்றி இயங்கும் என எதிர்பார்க்கப்படுகிறது. இது நகருக்குள் இயங்கும் ஓட்டுநர்களுக்கு நாள் முழுவதும் சார்ஜ் தீர்ந்துவிடுமோ என்ற கவலை இல்லாமல் பயணிக்க உதவும்.