Maruto Alto K10 : மாருதி சுஸுகி நிறுவனம் தனது ஆல்டோ கே10 மற்றும் எஸ்-பிரஸ்ஸோ மாடல்களின் விலையை இப்பொது கணிசமான அளவில் குறைத்துள்ளது.
மாருதி நிறுவனத்தை பொறுத்தவரை கடந்த பல ஆண்டுகளாக இந்திய சந்தையில் விலை மலிவான கார்களை விற்பனை செய்து வருகின்றது என்பது குறிப்பிடத்தக்கது. கடந்த சில ஆண்டுகளாக பல எலக்ட்ரிக் கார் வருகையால், மாருதியின் பெட்ரோல் மற்றும் டீசல் வகை கார்களின் விற்பனை பெரிய அளவில் குறைந்து வருகின்றது.
ரூ. 83,000 விலையில் அறிமுகமாகிறது புதிய டெஸ்டினி 125? பட்டைய கிளப்பும் புது டிசைன்!
மாருதியின் மொத்த உள்நாட்டு பயணிகள் வாகன மொத்த விற்பனையானது கடந்த ஆகஸ்ட் 2024ல் 1,43,075 யூனிட்களாக பதிவு செய்யப்பட்டுள்ளது. ஆனால் கடந்த 2023ம் ஆண்டின் அதே மாதத்தில் சுமார் 1,56,114 யூனிட்கள் விற்பனையான நிலையில், சுமார் 8 சதவீதம் சரிவை கண்டுள்ளது மாருதி நிறுவனம். குறிப்பாக மாருதியின் பேசிக் மாடல் கார்களின் விற்பனையில் தான் இந்த சரிவு ஏற்பட்டுள்ளது.
ஆகையால் மாருதி சுஸுகி ஆல்டோ கே10 மற்றும் எஸ்-பிரஸ்ஸோ மாடல்களின் விலையை அந்த நிறுவனம் குறைத்துள்ளது. எஸ்-பிரஸ்ஸோ காரை பொறுத்தவரை அதன் விலையில் இருந்து சுமார் 2000 ரூபாய் குறைக்கப்பட்டுள்ளது. அதே போல ஆல்டோ கே10ன் டாப்-ஸ்பெக் VXI மாடல் காருக்கு ரூ.6,500 விலை குறைக்கப்பட்டுள்ளது.
ஆகவே இனி மாருதி எஸ்-பிரஸ்ஸோவின் விலை ரூ.4.26 லட்சத்தில் (எக்ஸ்-ஷோரூம்) தொடங்கி ரூ.5.95 லட்சம் வரை விற்பனை செய்யப்படும். மேலும் ஆல்டோ கே10ஐ பொறுத்தவரை, ரூ.3.99 லட்சம் லட்சத்தில் தொடங்கி ரூ.5.80 லட்சம் வரை விற்பனையாகும். ஆனால் இந்த விலை குறைப்பு சலுகை எவ்வளவு நாள் நீடிக்கும் என்பது குறித்து அறிவிக்கப்படவில்லை.
15 நிமிடத்தில் முழு சார்ஜ் ஆகும் உலகின் முதல் எலெக்ட்ரிக் பஸ்! மிரட்டும் வீர மஹாசாம்ராட்!!
சேனலை கிளிக் செய்து பின்தொடரவும்