ரூ.60 ஆயிரம் கூட இல்லை.. குறைந்த விலையில் புதிய எலக்ட்ரிக் ஸ்கூட்டர்

ZELO நிறுவனம் Knight+ என்ற புதிய எலக்ட்ரிக் ஸ்கூட்டரை ரூ.59,990 விலையில் அறிமுகப்படுத்தியுள்ளது. 100 கி.மீ ரேஞ்ச், 55 கி.மீ/மணி வேகம், Hill Hold Control, Cruise Control போன்ற அம்சங்களுடன் வருகிறது.

Zelo Knight+ எலக்ட்ரிக் ஸ்கூட்டர்

ZELO ELECTRIC, இந்தியாவில் விரைவாக வளர்ந்து வரும் எலக்ட்ரிக் இருசக்கர வாகனம் நிறுவனங்களில் ஒன்று, தனது புதுமையான மற்றும் மலிவு விலையில் கிடைக்கும் புதிய ஸ்கூட்டர் Knight+-ஐ அறிமுகப்படுத்தியுள்ளது. இது ரூ.59,990 (எக்ஸ்-ஷோரூம்) குறைந்த ஆரம்ப விலையில் கிடைக்கிறது. 

இந்த மாடல், வாடிக்கையாளர்களுக்கு உயர்தர EV அனுபவத்தை மிகவும் நியாயமான விலையில் வழங்கும் நோக்கில் உள்ளது. நைட்+ ஸ்கூட்டர், இந்தியர்களின் தினசரி பயண தேவைகளுக்கு ஏற்றவாறு உருவாக்கப்பட்டுள்ளது.

குறைந்த விலை EV

நகர் போக்குவரத்திலோ, புறநகர் சாலைகளிலோ, கிராமப்புறங்களில் கூட இது சிறப்பாக செயல்படும். இதில் 1.8 kWh திறன் கொண்ட போர்டபிள் LFP பேட்டரி வழங்கப்பட்டுள்ளது. இது ஒருமுறை சார்ஜ் செய்தால் 100 கி.மீ வரை பயணிக்க முடியும். இதன் 1.5 kW மோட்டார் மற்றும் 55 கி.மீ/மணி வேகம், பலவகையான இந்திய சாலைகளில் திறமையான ஓட்டத்தை வழங்குகிறது.

இந்த ஸ்கூட்டரில் சேர்க்கப்பட்டுள்ள பிரிவில் முதன்மையான அம்சங்கள் தான் இதன் சிறப்பம்சம்:

- Hill Hold Control – மலை சாரி சாலைகளில் ஸ்கூட்டர் பின்னோக்கி செல்லாமல் தடுக்கும்

- Cruise Control – நீண்ட பயணங்களில் ஸ்மூத் ஓட்டத்திற்கு உதவுகிறது

- Follow-Me-Home ஹெட்லைட்கள் – இருட்டில் வழி காட்டும்

- USB சார்ஜிங் போர்ட், போர்ட்பிள் பேட்டரி என பயனர்களுக்கான வசதிகள் வழங்கப்பட்டுள்ளன.

60,000-க்கும் குறைவான ஸ்கூட்டர்

நைட்+ மாடல் 6 வண்ணங்களில் கிடைக்கிறது. ZELO தற்போது 4 மாடல்களுடன் இயங்குகிறது – 3 லோ-ஸ்பீடு மாடல்கள் (Zoop, Knight, Zaeden) மற்றும் 1 RTO மாடல் (Zaeden+). Knight+ மாடலின் அறிமுகம், இந்திய ஒவ்வொரு குடும்பத்திற்கும் பாதுகாப்பான மற்றும் நவீன எலக்ட்ரிக் வாகனங்களை வழங்கும் ZELO-வின் அர்ப்பணிப்பை உறுதிப்படுத்துகிறது. குறைந்த விலையில் நல்ல தரமான ஸ்கூட்டர் வாங்க வேண்டும் என்று நினைப்பவர்கள் இதனை வாங்கலாம்.