Friendship Advice Chanakya: நம்மைச் சுற்றியுள்ள மனிதர்களே நம் மனநிலையையும் எதிர்காலத்தையும் தீர்மானிக்கிறார்கள். யாருடன் பழக வேண்டும், யாரைத் தவிர்க்க வேண்டும் என்பதற்கான எச்சரிக்கையை சாணக்கிய நீதி வழங்குகிறது.
ஒரு மனிதனின் குணநலன்கள் மட்டுமல்ல, அவர் பழகும் நண்பர்களும் அவரது வாழ்க்கைப் பாதையை தீர்மானிக்கின்றனர். நல்லவர்களுடன் பழகுவது வளர்ச்சிக்கும் மன அமைதிக்கும். ஆனால் தவறான மனிதர்களுடனான தொடர்பு, நம் முன்னேற்றத்தையே தடுத்து நிறுத்தும். இதை பல நூற்றாண்டுகளுக்கு முன்பே சாணக்கியர் தனது நீதிகளில் எச்சரித்துள்ளார்.
25
எப்போதும் குறை காண்பவர்களிடம் எச்சரிக்கை
சிலர் எந்த சூழ்நிலையிலும் நல்லதைப் பார்ப்பதில்லை. எவ்வளவு உதவி செய்தாலும், அவர்கள் கவனம் செலுத்துவது குறைகளின் மீதே. இப்படிப்பட்ட மனிதர்களுடன் தொடர்ந்து பழகும்போது, நமது தன்னம்பிக்கை குறையலாம். உற்சாகம் மங்கலாம். மன அமைதியும் பாதிக்கப்படலாம். எனவே, அத்தகையவர்களிடம் இருந்து தூரம் பேணுவது நல்லது என சாணக்கியர் கூறுகிறார்.
35
பொய்யர்கள் மீது கண்மூடித்தனமான நம்பிக்கை வேண்டாம்
எந்த உறவின் அடித்தளமும் நம்பிக்கையே. தொடர்ந்து பொய் பேசும் மனிதர்களுடன் நட்பை வளர்ப்பது, நம்மையே ஆபத்தில் தள்ளும் செயலாகும். உண்மை மறைக்கப்படும் இடத்தில் நிம்மதியும் நிலைத்த உறவும் இருக்காது. அத்தகையவர்களை நம்பி முக்கிய முடிவுகள் எடுப்பது இழப்புகளை ஏற்படுத்தக்கூடும்.
நட்பு என்பது வெறும் பொழுதுபோக்கான உறவல்ல. அது நமது சிந்தனை, பழக்கவழக்கம் மற்றும் எதிர்காலத்தை வடிவமைக்கும் சக்தி கொண்டது. அதனால் யாருடன் நெருக்கமாக பழக வேண்டும் என்பதை கவனமாக தீர்மானிக்க வேண்டும்.
55
சாணக்கியரின் எளிய அறிவுரை
வாழ்க்கையில் அனைவருடனும் நல்லுறவைப் பேணலாம். ஆனால் நமது மன அமைதியையும், நம்பிக்கையையும் பாதிக்கும் மனிதர்களை நெருக்கமான வட்டத்திற்குள் அனுமதிக்காமல் இருப்பதே புத்திசாலித்தனம். சரியான நண்பர்களைத் தேர்ந்தெடுப்பது, சரியான வாழ்க்கைப் பாதையைத் தேர்ந்தெடுப்பதற்கு சமம் என்பதே சாணக்கியரின் காலத்தால் அழியாத செய்தியாகும்.
குறிப்பு: மேற்கண்ட தகவல்கள் சாணக்கிய நீதியில் இடம்பெறும் பொதுவான வாழ்க்கைத் தத்துவங்களின் அடிப்படையில் வழங்கப்பட்டவை. இவை அறிவியல் ரீதியாக நிரூபிக்கப்பட்ட கருத்துகளாக கருதப்படக்கூடாது.
