Solar Eclipse: இருட்டாக மாறப்போகும் பூமி.! சூரிய கிரகணம் எங்கெல்லாம் தெரியும்.?!
2025 ஆம் ஆண்டின் கடைசி சூரிய கிரகணம் செப்டம்பர் 21 அன்று சர்வ பித்ரு அமாவாசை நாளில் நிகழ்கிறது. இந்தியாவில் இரவில் ஏற்படுவதால் இது தெரியாது, ஆனால் ஆஸ்திரேலியா, நியூசிலாந்து போன்ற பகுதிகளில் தெரியும்.
2025 ஆம் ஆண்டில் மொத்தம் நான்கு கிரகணங்கள் நிகழும் என்று வானியலாளர்கள் வருடத்தின் தொடக்கத்திலேயே அறிவித்தனர். அதில் இரண்டு சூரிய கிரகணங்களும், இரண்டு சந்திர கிரகணங்களும் இடம்பெறுகின்றன. ஏற்கனவே ஒரு சூரிய கிரகணமும் இரண்டு சந்திர கிரகணங்களும் நிகழ்ந்துவிட்டன. குறிப்பாக செப்டம்பர் 7 ஆம் தேதி நடந்த முழு சந்திர கிரகணத்தில், ரத்த நிலவு (Blood Moon) வானத்தில் தென்பட்டது. இந்த வானியல் காட்சியை பலரும் வெறும் கண்களாலேயே ரசித்தனர்.அந்த வரிசையில், இப்போது அனைவரின் கவனத்தையும் ஈர்த்திருக்கும் நிகழ்வு 2025 ஆம் ஆண்டின் இரண்டாவது மற்றும் கடைசி சூரிய கிரகணம் ஆகும். இது செப்டம்பர் 21, ஞாயிற்றுக்கிழமை, அமாவாசை நாளில் நடைபெறுகிறது. அதேநாள் சர்வ பித்ரு அமாவாசை என்பதும், அதற்கு அடுத்த நாளில் நவராத்திரி பண்டிகை தொடங்குவதும், இந்த கிரகணத்திற்கு சிறப்புசேர்க்கிறது.