Astrology: 2026-ல் நடக்கும் சனி பெயர்ச்சியால் கஷ்டப்படப்போகும் 3 ராசிகள்.! பிரச்சனை மேல் பிரச்சனை வருமாம்.!

Sani Peyarchi 2026: 2026 ஆம் ஆண்டில் சனி பகவானின் நிலை காரணமாக சில ராசிக்காரர்களுக்கு கஷ்டம் வரப்போகிறதாம். அந்த ராசிக்காரர்கள் குறித்து இந்த பதிவில் பார்க்கலாம். 

சனி பெயர்ச்சி 2026

ஜோதிடத்தில் சனி பகவான் முக்கிய கிரகமாக அறியப்படுகிறார். அவர் நீதிமானாகவும், கர்ம வினைகளுக்கு ஏற்ப பலன்களை அளிப்பவராகவும் விளங்குகிறார். அவரின் நிலையில் ஏற்படும் மாற்றமானது 12 ராசிக்காரர்களின் வாழ்க்கையிலும் எதிரொலிக்கிறது. அந்த வகையில் 2026 ஆம் ஆண்டு பிறக்க உள்ள நிலையில் சனி பகவானின் நிலை காரணமாக சில ராசிக்காரர்கள் கஷ்டங்களை அனுபவிக்க உள்ளனர்.

2026 ஆம் ஆண்டு முழுவதும் சனி பகவான் மீன ராசியில் சஞ்சரிக்க இருக்கிறார். சனி பகவானின் சஞ்சாரம் குறிப்பாக ஏழரை சனி, அஷ்டம சனி ஆகியவற்றின் நிலைகளை குறிக்கிறது. கடந்த ஏப்ரல் மாதம் மீன ராசிக்குள் நுழைந்த சனி பகவான் ஜூன் மாதம் 2027 வரை மீன ராசியிலேயே சஞ்சரிக்கப் போகிறார். 2026 முழுவதும் சனி பகவானால் மோசமான பலன்களை அனுபவிக்க உள்ள ராசிக்காரர்கள் குறித்து இங்கு காணலாம்.

மேஷம்

சனி பகவான் மீன ராசியில் சஞ்சரிக்கும் பொழுது மேஷ ராசிக்கு விரயச் சனி (12ஆம் இடத்தில்) என்கிற நிலையைத் தருகிறது. இது ஏழரை சனியின் முதல் கட்டமான விரய சனி ஆகும். இதன் காரணமாக மேஷ ராசிக்காரர்களுக்கு எதிர்பாராத செலவுகள் அதிகரிக்க வாய்ப்பு உள்ளது. நிதி நிலைமையில் ஏற்றத்தாழ்வுகள் நீடிக்கலாம். குடும்பத்தில் பிரச்சனைகள் அல்லது மனக்கசப்புகள் வரக்கூடும். சமூகத்தில் உங்கள் நற்பெயருக்கு களங்கம் ஏற்படும் என்பதால் பேச்சிலும் செயலிலும் எச்சரிக்கையுடன் இருக்க வேண்டும். தேவையற்ற அலைச்சல்கள் அல்லது தொலைதூரப் பயணங்கள் ஏற்படுவதற்கான வாய்ப்புகள் உண்டு.

கும்பம்

கும்ப ராசிக்காரர்களுக்கு 2026 ஆம் ஆண்டு ஏழரை சனியின் இறுதிக்கட்டம் (பாத சனி) நடக்கிறது. பொதுவாக இறுதிக்கட்டம் நல்ல பலன்களை தரக்கூடியதாக இருந்தாலும், சனியின் தாக்கம் முற்றிலும் நீங்குவதற்கு முன் சில சவால்கள் இருக்கலாம். உடல் ஆரோக்கியத்தில் அவ்வப்போது சிக்கல்கள், மன அழுத்தம் தூக்க பிரச்சனைகள் நீடிக்கக்கூடும். எனவே போதுமான ஓய்வு அவசியம். வேலைகளில் தடைகள், முடிவுகள் எடுப்பதில் குழப்பங்கள், தாமதங்கள் நீடிப்பதற்கான வாய்ப்புகள் உண்டு. பணியிடத்தில் மன அழுத்தம், தொழிலில் மந்த நிலை, திட்டமிட்ட பணிகளை முடிக்க முடியாமல் போகுது போன்ற பிரச்சனைகளும் ஏற்படக்கூடும்.

சிம்மம்

சிம்ம ராசிக்காரர்களுக்கு 2026 ஆம் ஆண்டில் அஷ்டம சனி நடக்கும். அஷ்டம சனி என்பது சனி பகவான் எட்டாம் இடத்தில் சஞ்சரிக்கும் காலமாகும். இது பொதுவாக சவாலானதாக கருதப்படுகிறது. இந்த காலகட்டத்தில் நீங்கள் எடுக்கும் முயற்சிகளில் தோல்விகள் அல்லது எதிர்பார்த்த பலன்கள் கிடைப்பதில் தாமதங்கள் தடைகள் ஏற்படலாம். ஆரோக்கியத்தில் அதிக கவனம் தேவைப்படலாம். அவ்வப்போது உடல்நலப் பிரச்சனைகள் ஏற்படக்கூடும். குடும்ப உறவுகளில் சிக்கல்கள், மன வருத்தங்கள் ஏற்பட வாய்ப்பு உள்ளது. தொழில் ரீதியாகவும் சவால்களை சந்திக்க நேரிடலாம். பணியிடத்தில் மிகுந்த கவனத்துடன் செயல்பட வேண்டும்.

பொதுவான ஆலோசனைகள்

ஜோதிடத்தின் படி சனி பகவான் நீதிமான் ஆவார். அவர் கஷ்டங்களை கொடுத்தாலும் அது கடந்த கால கர்மங்களுக்கு ஏற்ப உங்களை மேலும் வலுப்படுத்துவதற்காகவே இருக்கும். சனி பகவான் தரும் சவால்களை எதிர்கொள்வதற்கு கடின உழைப்பு மற்றும் ஒழுக்கத்துடன் செயல்பட வேண்டியது அவசியம். நேர்மையாக உழைப்பவர்களுக்கு சனி பகவான் நல்ல பலன்களைத் தருவார். பொறுமையை கடைப்பிடிப்பது மிகவும் முக்கியம். ஆஞ்சநேயர் வழிபாடு, சனீஸ்வர வழிபாடு ஆகியவை சனியின் தாக்கத்தை குறைக்க உதவும். ஏழைகளுக்கு உதவுவது, அன்னதானம் வழங்குவது ஆகியவை நேர்மறை பலன்களைக் கூட்டும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)