Numerology: இந்த எண்களின் ஆதிக்கத்தில் பிறந்தவர்கள் உணர்ச்சிவசப்படுபவர்களாக, தைரியசாலிகளாக, மற்றும் உறவுகளுக்கு முக்கியத்துவம் கொடுப்பவர்களாக இருப்பதால், தாங்கள் விரும்பியவரையே வாழ்க்கைத் துணையாகத் தேர்ந்தெடுக்க முனைகிறார்கள்.
எண் கணிதத்தில் ஒருவரின் பிறந்த தேதி அவரது தனிப்பட்ட குணநலன்கள் மற்றும் வாழ்க்கை அணுகுமுறையைப் பற்றி சில குறிப்புகள் வழங்கப்படுகின்றன. குறிப்பாக காதல் மற்றும் திருமண விஷயங்களில் சில பிறந்தவர்களுக்கு அதிக முக்கியத்துவம் வழங்கப்படுகிறது. அந்த வகையில் 2, 5, 6 மற்றும் 9 ஆகிய எண்கள் காதல் உணர்வு, உறவு, ஈர்ப்பு, தைரியம் போன்ற பண்புகளுடன் தொடர்புபடுத்தப்படுகின்றன. இந்த எண்களில் பிறந்தவர்கள் தங்கள் மனதில் தோன்றும் உணர்வுகளை வெளிப்படையாக வெளிப்படுத்துவார்கள் என்றும், வாழ்க்கைத் துணையைத் தேர்வு செய்யும்போது தங்களது விருப்பத்துக்கு முக்கியத்துவம் கொடுப்பார்கள் என்றும் எண் கணித நம்பிக்கைகள் கூறுகின்றன.
25
2ஆம் தேதி பிறந்தவர்கள்
2, 11, 20, 29 ஆகிய தேதிகளில் பிறந்தவர்கள் சந்திரனின் ஆதிக்கம் கொண்டவர்கள் என்று எண் கணிதம் கூறுகிறது. இவர்கள் பொதுவாக உணர்ச்சிவசப்படக்கூடியவர்கள், அன்பானவர்கள் மற்றும் உறவுகளுக்கு அதிக முக்கியத்துவம் கொடுப்பவர்கள் என்று நம்பப்படுகிறது. ஒருவரிடம் நெருக்கம் ஏற்பட்டுவிட்டால், அந்த உறவை எளிதில் விட்டுக்கொடுக்காமல் பாதுகாக்க முயற்சி செய்வார்கள். காதலில் உணர்ச்சிப் பிணைப்பு இவர்களுக்கு முக்கியமானதாக இருப்பதால், தாங்கள் விரும்பியவரையே வாழ்க்கைத் துணையாகத் தேர்வு செய்யும் வாய்ப்பு அதிகமாக இருக்கலாம் என்று எண் கணித விளக்கங்கள் கூறுகின்றன.
35
5ஆம் தேதி பிறந்தவர்கள்
5, 14, 23 ஆகிய தேதிகளில் பிறந்தவர்களுக்கு புதனின் ஆதிக்கம் இருப்பதாகக் கருதப்படுகிறது. இவர்கள் பேசுவதில் திறமை கொண்டவர்களாகவும், சமூகத்துடன் எளிதாகப் பழகுபவர்களாகவும் இருப்பார்கள் என்று நம்பப்படுகிறது. புதிய நபர்களை அறிமுகப்படுத்திக் கொள்வதும், தங்களது கருத்தை தெளிவாக எடுத்துச் சொல்வதும் இவர்களின் பலமாகக் குறிப்பிடப்பட்டுள்ளது. இதனால் காதல் உறவில் தங்களது முடிவை குடும்பத்தினரிடம் எடுத்துச் சொல்லி புரிய வைக்கும் தைரியம் இவர்களுக்கு இருக்கும் என்று எண் கணிதம் குறிப்பிடுகிறது.
6, 15, 24 ஆகிய தேதிகளில் பிறந்தவர்களை சுக்கிரனின் ஆதிக்கம் கொண்டவர்கள் என எண் கணிதம் குறிப்பிடுகிறது. சுக்கிரன் காதல், அழகு மற்றும் உறவுகளுடன் தொடர்புடைய கிரகமாக ஜோதிட நம்பிக்கைகள். எனவே இந்த தேதிகளில் பிறந்தவர்கள் காதல் மற்றும் குடும்ப உறவுகளுக்கு அதிக மதிப்பு கொடுப்பார்கள் என்று கூறப்படுகிறது. தாங்கள் நேசிக்கும் நபருடன் வாழ்க்கையை அமைத்துக்கொள்ள தேவையான முயற்சிகளை மேற்கொள்வார்கள் என்றும், உறவை காப்பாற்ற விட்டுக்கொடுத்து நடக்கத் தயாராக இருப்பார்கள் என்றும் நம்பப்படுகிறது.
55
9ஆம் தேதி பிறந்தவர்கள்
9, 18, 27 ஆகிய தேதிகளில் பிறந்தவர்களுக்கு செவ்வாய் ஆதிக்கம் இருப்பதாகக் கூறப்படுகிறது. இவர்கள் தைரியம், தீவிரமான உணர்வு மற்றும் விடாமுயற்சியுடன் செயல்படுபவர்கள் என்று எண் கணித நம்பிக்கைகள் தெரிவிக்கின்றன. காதல் விஷயத்திலும் தங்கள் முடிவில் உறுதியாக இருப்பார்கள் என்றும், குடும்ப எதிர்ப்பு அல்லது வேறு சவால்கள் வந்தாலும் தாங்கள் விரும்பும் உறவுகளுக்காக போராடத் தயங்கமாட்டார்கள் என்றும் கூறினார். இருப்பினும், பிறந்த தேதி மட்டும் ஒருவருக்கு காதல் திருமணம் நடக்கும் என்பதை தீர்மானிக்காது. ஒருவரின் குணநலன், குடும்ப சூழல், தனிப்பட்ட முடிவு, சமூக சூழல் மற்றும் வாழ்க்கை நிலை ஆகிய பல காரணிகளே திருமண முடிவை தீர்மானிக்கின்றன. எனவே இதை எண் கணித நம்பிக்கையாக மட்டுமே எடுத்துக்கொள்ள வேண்டும்.
