Morning Astro Tips : ஜோதிடத்தின்படி, காலையில் எழுந்ததும் கடவுள், பெற்றோர் மற்றும் குருவின் பெயர்களை உச்சரிப்பதால், சூரியன், சந்திரன் மற்றும் வியாழன் ஆகிய கிரகங்கள் வலுப்பெறும். இது மன அமைதி, தன்னம்பிக்கை மற்றும் வாழ்க்கையில் வெற்றியைப் பெற உதவும்.
நம்மில் பலர் அவசர அவசரமாகத்தான் காலையைத் தொடங்குகிறோம். அலாரத்தை ஆஃப் செய்து, போனை நோண்டுவதிலேயே நாள் ஆரம்பிக்கிறது. ஆனால் ஜோதிடப்படி, காலை நேரம் அதிக சக்தி வாய்ந்தது. சரியான ஆற்றலுடன் நாளைத் தொடங்கினால், நாள் முழுவதும் சமநிலையுடன் இருக்கும்.
26
இறைவனை நினைவில் கொள்ளுதல்
காலையில் நீங்கள் எழும்போது, உங்கள் மனம் மிகவும் அமைதியாகவும், எதையும் ஏற்றுக்கொள்ளக்கூடிய நிலையிலும் இருக்கும். அந்த நேரத்தில் இறைவனை நினைப்பது, மனதிற்குள் ஒருவித ஸ்திரத்தன்மையை உருவாக்கும். இந்த எளிய பழக்கம் உங்கள் நாளை அற்புதமாக்கி, மன அழுத்தத்தைக் குறைக்கும்.
36
ஆன்மிக சக்தி
காலை நேரங்கள் ஆன்மிக சக்தியால் நிரம்பியிருக்கும். இந்த ஆற்றலுடன் நீங்கள் இணையும்போது, உங்களைச் சுற்றி நேர்மறை அதிர்வுகள் பரவத் தொடங்கும். உங்கள் மனதில் எழும் நல்ல எண்ணங்கள், நாள் முழுவதும் உங்களை அழகாக வழிநடத்தும்.
46
தாய், தந்தை மற்றும் குருவை நினைத்தல்
ஜோதிடத்தின்படி, வாழ்க்கை மூன்று முக்கிய தூண்களைச் சார்ந்தது: தாய், தந்தை மற்றும் குரு. தந்தை, தன்னம்பிக்கையைத் தரும் சூரியனின் அம்சம். தாய், மன அமைதியைக் கட்டுப்படுத்தும் சந்திரனின் அம்சம். குரு, அறிவு மற்றும் வழிகாட்டுதலைக் குறிக்கும் வியாழன் கிரகத்தின் பிரதிநிதி.
56
எத்தனை முறை ஜெபிக்க வேண்டும்?
காலையில் எழுந்ததும், இந்த மூவரின் பெயர்களையும் பக்தியுடன் ஜெபிக்க வேண்டும். தந்தையின் பெயரை நான்கு முறையும், தாயின் பெயரை மூன்று முறையும், குருவின் பெயரை மூன்று முறையும் உச்சரிப்பது, ஆழமான உணர்ச்சிப்பூர்வ மற்றும் சக்திவாய்ந்த தொடர்பை ஏற்படுத்தும்.
66
வாழ்வில் கிரகங்களின் தாக்கம்
ஜோதிடம் சொல்வது என்னவென்றால், சூரியன், சந்திரன் மற்றும் வியாழன் வலுவாக இருக்கும்போது, ஒருவரின் வாழ்க்கையில் சமநிலை ஏற்படும். சூரியன் வலுப்பெற்றால், தன்னம்பிக்கையும் தலைமைப் பண்பும் அதிகரிக்கும். சந்திரன் சமநிலையில் இருந்தால், மனம் நிலையாக இருந்து, நல்ல முடிவுகளை எடுக்க உதவும். வலுவான வியாழன், ஞானத்தையும் சிறந்த வழிகாட்டுதலையும் தரும்.
