Money Plant: மணி பிளான்ட் வளர்த்தும் பண கஷ்டமா? 'இந்த' 5 தவறுகளை மட்டும் செஞ்சிடாதீங்க!

Money Plant Vastu Tips: வாஸ்து சாஸ்திரத்தில் மணி பிளான்ட் மிகவும் மங்களகரமானதாக கருதப்படுகிறது. மணி பிளான்ட் வளர்த்தும் உங்களுக்கு பண கஷ்டம் இருக்கா? இனிமே இந்த தவறுகளை செய்து விடாதீர்கள்.  

பணக்காரராக்கும் மணி பிளான்ட்

வீட்டில் மணி பிளான்ட் இருப்பது மிகவும் நல்லது. அதனால்தான் பல வீடுகளில் இதை சுலபமாகப் பார்க்கலாம். வாஸ்து சாஸ்திரத்திலும் மணி பிளான்ட்டுக்கு தனி இடம் உண்டு. எந்த வீட்டில் மணி பிளான்ட் செழிப்பாக வளர்கிறதோ, அங்கே பணப் பற்றாக்குறை வராது என்று சொல்வார்கள். ஆனால், மணி பிளான்ட் தொடர்பான சில தவறுகள் பணக்காரரைக் கூட ஏழையாக்கிவிடும். அதனால், உங்கள் வீட்டில் மணி பிளான்ட் இருந்தால், சில விஷயங்களை கவனமாகப் பின்பற்ற வேண்டும். இல்லையென்றால், நன்மைக்குப் பதில் தீமைதான் நடக்கும். மணி பிளான்ட் தொடர்பான சில முக்கிய விஷயங்களை இங்கே பார்க்கலாம்.

மணி பிளான்ட்டை எந்த திசையில் வைக்கணும்?

வாஸ்து சாஸ்திரத்தின்படி, மணி பிளான்ட்டை தென்கிழக்கு திசையில் வைக்க வேண்டும். இந்த திசை பாசிட்டிவ் எனர்ஜியை அதிகரிக்கும் என்று கருதப்படுகிறது. இப்படி செய்வதால் வீட்டில் மகிழ்ச்சியும் செல்வமும் நிலைத்திருக்கும். தவறியும் கூட மணி பிளான்ட்டை வடகிழக்கு திசையில் வைத்துவிடாதீர்கள். அப்படி வைத்தால், அது நெகட்டிவ் விளைவுகளைக் கொடுக்கத் தொடங்கும்.

பாட்டில், தொட்டியில் வைக்கலாம்

வாஸ்து சாஸ்திரத்தின்படி, மணி பிளான்ட்டை பாட்டில் மற்றும் தொட்டி இரண்டிலுமே வைக்கலாம். ஆனால், பாட்டில் என்றால் அது கண்ணாடியாகவும், தொட்டி என்றால் அது மண்ணால் ஆனதாகவும் இருக்க வேண்டும். பிளாஸ்டிக் பாட்டிலிலோ அல்லது சிமென்ட் தொட்டியிலோ மணி பிளான்ட்டை வைக்க வேண்டாம். அழுக்கான பாத்திரங்கள் அல்லது கண்டெய்னர்களிலும் இதை வைக்கக் கூடாது.

மணி பிளான்ட் இலைகள் காய்ந்தால்...

சில சமயம் மணி பிளான்ட் இலைகள் மஞ்சளாக மாறும் அல்லது காயத் தொடங்கும். இதை சாதாரணமாக எடுத்துக்கொள்ளக் கூடாது. இது வீட்டில் நெகட்டிவிட்டி இருப்பதற்கான அறிகுறியாக கூட இருக்கலாம். அப்படி நடந்தால், மஞ்சள் இலைகளை உடனடியாக அகற்றிவிட வேண்டும். மணி பிளான்ட்டில் அடிக்கடி மஞ்சள் இலைகள் வந்தாலோ அல்லது காய்ந்தாலோ, அந்தச் செடியை முழுவதுமாக அகற்றிவிட்டு வேறு செடியை வைப்பது மிகவும் நல்லதாகும்.

பாசிட்டிவ் எனர்ஜி

மணி பிளான்ட் கொடி மேல்நோக்கி வளர்வது சுபமாக கருதப்படுகிறது. இது வாழ்க்கையின் முன்னேற்றத்தோடு ஒப்பிடு பார்க்கப்படுகிறது. எனவே, மணி பிளான்ட் கொடி மேல்நோக்கி செல்வதற்குப் பதிலாக, கீழ்நோக்கி அதாவது தரையில் படர்ந்தால், அது மேல்நோக்கி வளர ஏற்பாடு செய்யுங்கள். இப்படி செய்வதால் வீட்டில் பாசிட்டிவ் எனர்ஜி நிலைத்திருக்கும்.

மணி பிளான்ட்டை வெட்டக்கூடாது

வாஸ்துவின்படி, தேவையில்லாமல் மணி பிளான்ட்டை வெட்டக்கூடாது. மணி பிளான்ட்டின் எந்தப் பகுதி காய்ந்துவிட்டதோ அல்லது மஞ்சளாகிவிட்டதோ, அதை மட்டுமே வெட்டி அகற்ற வேண்டும். அழகை கூட்டுவதற்காக மட்டும் அதை வெட்டக்கூடாது. அப்படிச் செய்தால், வீட்டில் உள்ள மகிழ்ச்சியும் செல்வ வளமும் குறையக்கூடும்.

பொறுப்புத் துறப்பு: இந்தக் கட்டுரையில் உள்ள தகவல்கள் மத நூல்கள், அறிஞர்கள் மற்றும் ஜோதிடர்களிடமிருந்து பெறப்பட்டவை. நாங்கள் இந்தத் தகவலை உங்களிடம் கொண்டு சேர்க்கும் ஒரு ஊடகம் மட்டுமே. பயனர்கள் இந்தத் தகவல்களை வெறும் தகவலாக மட்டுமே கருத வேண்டும்.