Oct 31 Today Rasi Palan: மீன ராசி நேயர்களே, இன்று உங்கள் தொழிலில் எதிர்பாராத நன்மைகள் நடக்கும்.!
Today Rasi Palan: அக்டோபர் 31, 2025 தேதி மீன ராசிக்கான பொதுவான பலன்கள், நிதி நிலைமை, தனிப்பட்ட வாழ்க்கை, பரிகாரம் குறித்து இந்த பதிவில் விரிவாகப் பார்க்கலாம்.
மீன ராசி நேயர்களே, இன்றைய நாள் பொறுமையுடனும், நிதானத்துடனும் செயல்படுவது அவசியம். அவசரப்படுவதை தவிர்க்க வேண்டும். தனிப்பட்ட மற்றும் தொழில் வாழ்க்கையில் எதிர்பாராத நன்மைகள் நடக்கும். நீங்கள் ஆசைப்பட்டு இழந்த விஷயங்கள் மீண்டும் வந்து சேரும் சூழல் உருவாகும். சிலருக்கு மனரீதியான பதற்றம் அல்லது உணர்வுப்பூர்வமான ஏற்ற இறக்கங்கள் ஏற்படலாம்.
நிதி நிலைமை:
இன்று எதிர்பாராத செலவுகள் ஏற்பட வாய்ப்பு உள்ளது. கூட்டாக தொழில் செய்து வருபவர்களிடம் நிதி பிரச்சனைகள் ஏற்பட வாய்ப்பு இருப்பதால், பொறுமையை கடைபிடிக்க வேண்டியது அவசியம். இன்று கடன் கொடுப்பது அல்லது வாங்குவதை தவிர்க்க வேண்டும். பெரிய பரிவர்த்தனைகளின் போது கவனத்துடன் இருக்க வேண்டும். பொருளாதார நிலையை மேம்படுத்துவதில் கவனம் செலுத்துங்கள்.
தனிப்பட்ட வாழ்க்கை:
குடும்ப உறவில் அன்பும், பிணைப்பும் தெளிவாக வெளிப்படும். வாழ்க்கைத் துணையின் ஆதரவு முழுமையாக கிடைக்கும். நல்ல தகவல் தொடர்பு ஏற்படும். நண்பர்கள் மூலம் மகிழ்ச்சியும் தோழமையும் உண்டாகும். குடும்பத்தினரிடம் பேசும் பொழுது வார்த்தைகளில் கவனம் தேவை. சிறிய தவறான புரிதல் கூட பெரிய விளைவுகளை ஏற்படுத்தக்கூடும்.
பரிகாரங்கள்:
இன்று விஷ்ணு நாராயணரை வழிபடுவது நல்லது. நன்மைகள் பெருகுவதற்கு குரு பகவானை வழிபடுங்கள். தட்சணாமூர்த்திக்கு வெள்ளை கொண்டைக்கடலை மாலை சாற்றி வழிபடுவது நற்பலன்களைக் கூட்டும். இயலாதவர்கள், ஏழை, எளியவர்களுக்கு உங்களால் முடிந்த உதவிகளை செய்யுங்கள்.
முக்கிய குறிப்பு:
இந்த பலன்கள் பொதுவானவை. உங்கள் தனிப்பட்ட ஜாதகத்தைப் பொறுத்து பலன்களில் மாற்றங்கள் ஏற்படலாம்.