புதிய விதிமுறைகளின்படி, இந்தியாவில் எந்த மருத்துவமனைக்குப் போனாலும், இன்ஷூரன்ஸ் வைத்திருக்கும் நபர்கள் 100% பணமில்லாமல் சிகிச்சை பெற முடியும். அவசர சூழலில், 48 மணி நேரத்திற்குள் காப்பீட்டு நிறுவனத்திற்கு தகவல் தெரிவிக்க வேண்டும்.
மருத்துவக் காப்பீடு (Health Insurance) என்பது, எப்போது வேண்டுமானாலும் உடல்நலம் பாதிக்கப்பட்டு மருத்துவமனையில் சிகிச்சை பெறும் சந்தர்ப்பங்களில், மருத்துவ செலவுகளுக்கு உதவி செய்யும் ஒரு நிதி பாதுகாப்பு வசதி. இதன் மூலம் பெரும்பாலான மக்கள் சுகாதாரச் சிக்கல்களை எளிதில் சமாளிக்க முடிகின்றது. ஹெல்த் இன்ஷூரன்ஸ் வைத்திருந்தாலும், உங்கள் காப்பீட்டு நிறுவனத்துடன் ஒப்பந்தம் செய்த மருத்துவமனை அல்லாத இடங்களில் பணமில்லாமல் (Cashless) சிகிச்சை பெற முடியாது.
27
சிரமங்களை சந்தித்த நோயாளிகள்
நீங்கள் அவசரகாலத்தில் அருகிலுள்ள ஓர் மருத்துவமனைக்கு செல்ல வேண்டிய சூழல் ஏற்பட்டால், முதலில் உங்கள் செலவில் சிகிச்சை பெற்று, பிறகு இன்ஷூரன்ஸிடம் க்ளைம் செய்ய வேண்டிய கட்டாயம் இருந்தது. அதற்கும் பல ஆவணங்கள், பில்கள், நெடுங்கால ஒப்புதல் பணிகள், தொகை குறைவாக அனுமதிப்பது போன்ற தொந்தரவுகள் தொடர்ந்தன.
37
சிரமம் குறைத்த புதிய விதிமுறைகள்
இந்த நடைமுறைகளால் மிகுந்த மன அழுத்தம் ஏற்பட்டது. அவசர சூழலில் பெரிய தொகையை திரட்டி செலுத்துவது ஏராளமான குடும்பங்களுக்கு சிரமமாக இருந்தது. குறிப்பாக, கிராமப்புற பகுதிகளில் வசிப்பவர்கள் மற்றும் முதியவர்கள் இதனால் அதிகமாக பாதிக்கப்பட்டனர். பலரும் ஹெல்த் இன்ஷூரன்ஸ் எடுப்பதே, அவசரச் செலவுகளை நிதானமாகச் சமாளிக்கவே. ஆனால் கையில் பணம் இல்லாமல் சிகிச்சை பெற முடியாத நிலை அவர்களை மீண்டும் கடன், உதவி போன்ற தேடல்களுக்கு தள்ளியது. இந்த பின்புலத்தில், இந்திய காப்பீட்டு மேம்பாட்டு ஆணையமான (IRDAI) புதிய விதிமுறைகள் கொண்டு வந்துள்ளன. இவை படிப்படியாக மருத்துவக் காப்பீடு வாங்கிய நபர்களுக்கு முழு பாதுகாப்பு அளிக்கும் வகையில் உருவாக்கப்பட்டுள்ளன.
புதிய விதிமுறைகளின்படி, இந்தியாவில் எந்த மருத்துவமனைக்குப் போனாலும், இன்ஷூரன்ஸ் வைத்திருக்கும் நபர்கள் 100% பணமில்லாமல் சிகிச்சை பெற முடியும். இதனால் இனிமேல் ‘நெட்வொர்க் மருத்துவமனை’ என்ற கட்டுப்பாடு போய்விடும். இதற்காக மருத்துவமனையுடன் இன்ஷூரன்ஸ் நிறுவனத்துக்கு நேரடி ஒப்பந்தம் செய்யவேண்டிய அவசியம் இல்லை. இதுவே பலருக்கு மிகப்பெரிய நிம்மதி தரும் செய்தியாக உள்ளது. காலத்துக்கு ஏற்றவாறு நவீன தொழில்நுட்பங்கள் மற்றும் ஆன்லைன் பரிமாற்ற முறைகள் மூலமாக, தற்போது எந்த மருத்துவமனையிலும் காப்பீட்டு நிறுவனத்துடன் நேரடி இணையம் ஏற்படுத்தி பணமில்லா சிகிச்சையை நடைமுறைப்படுத்த முடியும்.
57
48 மணி நேரத்திற்குள் தகவல் தெரிவிக்க வேண்டும்
ஆனால் இதில் சில முக்கிய நிபந்தனைகள் உள்ளன. குறிப்பாக, 48 மணி நேர விதி என்பது மிகவும் முக்கியமானது. நீங்கள் அவசரக் காரணமாக ஒப்பந்தம் இல்லாத மருத்துவமனையில் அனுமதிக்கப்படும் போது, அந்த அனுமதிக்குப் பிறகு 48 மணி நேரத்திற்குள் உங்கள் காப்பீட்டு நிறுவனத்துக்கு தகவல் தெரிவிக்க வேண்டும். அவசரத்துக்கு முன்பே சிகிச்சைக்கு அனுமதி பெறுவது சாத்தியமில்லை என்றால், இந்த 48 மணி நேரம் அடிப்படையில் நிவாரண காலமாகக் கொள்ளப்படும். ஆனால் அவ்வளவிற்குள் தகவல் கொடுக்காமல் இருந்தால், பழைய நடைமுறை போல் பணம் செலுத்தி பிறகு க்ளைம் செய்ய வேண்டிய நிலை ஏற்படும். இது தான் பலர் கவனிக்க வேண்டிய மிக முக்கியமான நிபந்தனை.
67
மன நிம்மதியுடன் சிகிச்சை பெறலாம்
மேலும், மருத்துவமனையின் ஒத்துழைப்பு இங்கு முக்கிய பங்கு வகிக்கிறது. பணமில்லா சிகிச்சை வழங்க அவர்கள் முன்வர வேண்டும். அதற்கான தகவல் பரிமாற்ற வசதி, பில்கள் சமர்ப்பிக்கும் முறை, ஆவணங்கள் முதலியவை இன்றைய டிஜிட்டல் சூழலில் எளிமையாகும் என்ற நம்பிக்கை உள்ளது. இந்த நடைமுறை முழுமையாக நடைமுறைபடும் போது, கிராமப்புறம் முதல் மாநகரம் வரை உள்ள நபர்கள் அனைவரும் மன நிம்மதியுடன் சுகாதார சிக்கல்களை சமாளிக்க முடியும்.
77
கவலைகளை குறைத்து நம்பிக்கையை தரும்
மொத்தத்தில், இந்த புதிய விதிமுறைகள் ஹெல்த் இன்ஷூரன்ஸ் பாலிசிதாரர்களுக்கு மிகப் பெரிய ஆதரவாக இருக்கின்றன. எங்கு வேண்டுமானாலும் பணமில்லாமல் சிகிச்சை பெற முடியும் என்பதே இதன் பெரிய சிறப்பு. இன்ஷூரன்ஸ் எடுத்த பிறகு கூட பணம் திரட்ட வேண்டிய அவசியம் இல்லாமல் போகிறது. இது நம்முடைய மருத்துவச் செலவுகள் குறித்து ஏற்படும் கவலைகளை குறைத்து நம்பிக்கையை தரும். பொதுமக்கள் இதை தெரிந்து வைத்துக் கொண்டு, அவசர சூழலில் 48 மணி நேர விதியை பின்பற்றி உடனடியாக தகவல் தர வேண்டும். அதுவே அவர்களுக்கு முழுமையான நன்மையை வழங்கும்.
