குரு பெயர்ச்சி 2026: இனி 'இந்த' 4 ராசிக்காரர்களை அடிச்சுக்கவே முடியாது.. அதிர்ஷ்டக் கதவை தட்டும் யோகம்!

Guru Peyarchi 2026: அக்டோபர் மாதத்தில் குரு பகவான் கடக ராசியில் இருந்து சிம்ம ராசிக்கு பெயர்ச்சியாகிறார். இதனால் அதிர்ஷ்டம் பெறப்போகும் 4 ராசிகள் குறித்து விரிவாக பார்ப்போம்.

குரு பெயர்ச்சி 2026

ஜோதிட சாஸ்திரத்தில் அதிர்ஷ்டம், அறிவு, சுபயோகம் மற்றும் செல்வ வளத்தின் காரணியாக விளங்கும் குரு பகவான், அக்டோபர் 2026-இல் மிக முக்கிய கிரக பெயர்ச்சியை மேற்கொள்ளவுள்ளார். தற்போது தன் உச்ச ராசியான கடகத்தில் சஞ்சரித்து வரும் அவர் வரவிருக்கும் அக்டோபர் மாதத்தில் சூரியனின் சொந்த ராசியான சிம்மத்திற்கு பெயர்ச்சியாகிறார்.

தனுசு மற்றும் மீன ராசிகளின் அதிபதியான குருவின் இந்த ராசி மாற்றம், அனைத்து ராசிகளிலும் கணிசமான தாக்கத்தை ஏற்படுத்தினாலும், குறிப்பிட்ட 4 ராசிகளுக்கு யோகக் காலமாக அமையவுள்ளது. குறிப்பாக தன்னம்பிக்கை உயர்வு, தலைமைப் பண்பு, தொழில் வளர்ச்சி, சமூகத்தில் தனி மரியாதை மற்றும் எதிர்பாராத நிதி ஆதாயங்களை இந்த பெயர்ச்சி அள்ளித் தரும். அந்த அதிர்ஷ்ட ராசிகளைப் பற்றி விரிவாகக் காண்போம்.

1. மேஷம்

மேஷ ராசிக்கு 5-ஆம் இடமான பூர்வ புண்ணிய ஸ்தானத்திற்கு குரு பெயர்ச்சி ஆவது அதிர்ஷ்டத்தின் கதவுகளை அகலத் திறக்கும். அலுவலகத்தில் கூடுதல் பொறுப்புகள் தேடி வரும்; திறமைக்கு ஏற்ற அங்கீகாரம் கிடைக்கும். தொழிலை விரிவாக்க புதிய கூட்டாண்மைகளும், நல்ல லாபம் தரும் ஒப்பந்தங்களும் கையெழுத்தாகும். நிலுவையில் இருந்த பண வரவுகள் கைக்கு வந்து சேரும். முடங்கிக் கிடந்த வேலைகள் சுலபமாக நிறைவடையும்.

2. கடகம்

கடக ராசிக்கு 2-ஆம் வீடான தன ஸ்தானத்திற்கு குரு பகவான் செல்வது பொருளாதார ரீதியாக பெரும் பலனைத் தரும். புதிய வருமான வழிகள் தென்படும். நிதி நெருக்கடிகள் முற்றிலுமாக விலகும். கடின உழைப்பிற்கு ஏற்ற ஊதிய உயர்வு, பதவி உயர்வு கிடைக்க அதிக வாய்ப்புள்ளது. குடும்பத்தில் இருந்த மனக்கசப்புகள் நீங்கி அமைதியும் மகிழ்ச்சியும் நிலவும்.

3. சிம்மம்

தன் சொந்த ராசியான சிம்மத்தில் (1-ஆம் வீடு) குரு பகவான் பிரவேசிப்பது, சிம்ம ராசியினருக்குப் பொற்காலத்தின் தொடக்கமாகும். சுயநம்பிக்கையும், தைரியமும் அதிகரிக்கும். உங்களின் முடிவெடுக்கும் திறன் பாராட்டைப் பெறும். மேலதிகாரிகளின் முழு ஆதரவு கிடைக்கும். உங்கள் உழைப்புக்கு உரிய பலன் உடனடியாகக் கிடைக்கும். புதிய முதலீடுகளைத் தொடங்க இது உகந்த காலம்; அது எதிர்காலத்தில் இரட்டிப்பு லாபத்தைத் தரும்.

4. விருச்சிகம்

விருச்சிக ராசிக்கு 10-ஆம் இடமான கர்ம ஸ்தானத்திற்கு குரு செல்வதால், தொழில் மற்றும் வேலைவாய்ப்பில் அதிரடி மாற்றங்கள் நிகழும். நீண்ட நாட்களாக எதிர்பார்த்த நல்ல செய்திகள் அல்லது வேலை வாய்ப்புகள் தேடி வரும். புதிய மனிதர்களின் அறிமுகத்தால் வியாபாரம் சூடுபிடிக்கும்; கணிசமான லாபம் ஈட்டுவீர்கள். பணப் பிரச்சனைகள் ஒவ்வொன்றாகச் சரியாகும். நீண்ட நாள் உழைப்பிற்குப் தகுந்த பலன் கிடைக்கும்.

பொறுப்பு துறப்பு

இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது.