shani grip rajayoga: மே 17 முதல் ரேவதி நட்சத்திரத்தில் சஞ்சரிக்கும் சனி பகவானால், 12 ராசிகளிலும் தாக்கம் ஏற்படும். குறிப்பாக இந்த நட்சத்திர மாற்றத்தால் இந்த மூன்று ராசிக்காரர்களுக்கு அதிக நன்மைகள்.
சனி பகவான், நவக்கிரகங்களில் மிகவும் முக்கியமானவராகவும், பலராலும் பயபக்தியுடன் வணங்கப்படுபவர். சனி பகவான் ஒருவரைத் துன்புறுத்துவதற்காகப் படைக்கப்பட்டவர் அல்ல; மாறாக, அவர் ஒரு 'நீதிமான்'. ஒருவருடைய முற்பிறவி மற்றும் இப்பிறவிச் செயல்களுக்கு (கர்மா) ஏற்ப பலன்களை வழங்குபவர். அதனால்தான் அவரை 'கர்மகாரகன்' என்று அழைக்கிறோம்.
26
சனியின் தாக்கம் எப்படி இருக்கும்?
கிரகங்களிலேயே மிகவும் மெதுவாக நகரக்கூடியவர் சனி பகவான். ஒரு ராசியைக் கடக்க அவர் சுமார் 2 1/2 ஆண்டுகள் எடுத்துக் கொள்கிறார். இதனால்தான் ஒருவரது வாழ்க்கையில் சனியின் தாக்கம் (ஏழரை சனி, அஷ்டம சனி) நீண்ட காலம் நீடிக்கிறது. இந்த நிதானமான நகர்வு நமக்கு 'பொறுமையை' கற்றுக்கொடுக்கிறது.
36
இந்த 3 ராசிக்கு அதிஷ்டம்
தற்போது உத்திரட்டாதி நட்சத்திரத்தில் சஞ்சரிக்கும் சனி பகவான், வரும் மே 17-ம் தேதி முதல் புதனின் ஆதிக்கமுள்ள ரேவதி நட்சத்திரத்திற்குள் நுழைகிறார். வரும் அக்டோபர் 9-ம் தேதி வரை அவர் அதே நட்சத்திரத்தில் நீடிப்பார். இந்த நட்சத்திர மாற்றத்தால் 12 ராசிகளிலும் தாக்கம் இருந்தாலும், குறிப்பாக ரிஷபம், மிதுனம் மற்றும் கன்னி ராசிக்காரர்கள் அபரிமிதமான பலன்களைப் பெறப்போகிறார்கள்.
ரிஷப ராசிக்காரர்களுக்கு இந்த பெயர்ச்சி ஒரு வரப்பிரசாதமாக அமையப்போகிறது. நீண்ட நாள் நிலுவையில் இருந்த பணம் கைவந்து சேரும். வருமானம் பல வழிகளில் அதிகரிக்கத் தொடங்கும். உங்களின் நீண்ட நாள் ஆசைகள் மற்றும் இலக்குகள் நிறைவேறும் காலம் இது. அரசு சார்ந்த காரியங்களில் வெற்றி கிடைக்கும். வெளிநாடு செல்லத் திட்டமிடுபவர்களுக்கு நல்ல செய்திகள் வந்து சேரும். வெற்றி ஒருபுறம் இருந்தாலும், மன அழுத்தம் ஏற்பட வாய்ப்புள்ளதால் நிதானத்தைக் கடைபிடிக்கவும்.
56
மிதுனம் - தொழில் புரட்சி
மிதுன ராசிக்காரர்களுக்கு பல துறைகளில் இருந்து நன்மைகள் வந்து குவியும். வேலையில் புதிய வாய்ப்புகள் கதவைத் தட்டும். அலுவலகத்தில் உங்களின் செயல்திறன் பாராட்டப்படுவதோடு, மேலதிகாரிகளின் ஆதரவும் கிடைக்கும். ஏற்றுமதி-இறக்குமதி அல்லது வெளிநாட்டு நிறுவனங்களுடன் தொடர்புடையவர்களுக்கு அதிக லாபம் கிடைக்கும். தொழில் ரீதியாக முன்னேற்றம் இருந்தாலும், திருமண வாழ்க்கையில் கருத்து வேறுபாடுகள் வரலாம். துணையுடன் அமைதியாகப் பேசி பிரச்சனைகளைத் தவிர்ப்பது நல்லது.
66
கன்னி - திட்டங்கள் வெற்றி பெறும்
கன்னி ராசிக்காரர்களுக்கு நிதி நிலையை வலுப்படுத்தும் காலமாக இது அமையும். நீங்கள் எடுக்கும் புதிய முயற்சிகள் ஒவ்வொன்றும் வெற்றியைத் தரும். கூட்டுத் தொழில் செய்பவர்களுக்கு எதிர்பாராத லாபம் கிடைக்கும். வேலை செய்பவர்களுக்கு பதவி உயர்வு அல்லது ஊதிய உயர்வு கிடைக்க வாய்ப்புகள் அதிகம். தொழிலில் இதுவரை இருந்த முட்டுக்கட்டைகள் நீங்கி, ஒரு தெளிவான வளர்ச்சிப் பாதை அமையும். நிதி நிலை முன்பை விட பல மடங்கு வலுவடையும்.
