Numerology: இந்த தேதிகள்ல பிறந்தவங்க பணம் சம்பாதிக்க ரொம்ப கஷ்டப்படணுமாம்.! அதிர்ஷ்டம் சுத்தமா இருக்காதாம்.!

Date of Birth Numerology: ஒருவரின் பிறந்த தேதி, அவருடைய பொருளாதாரம் மற்றும் வெற்றியை பாதிக்கும். சில தேதிகளில் பிறந்தவர்களுக்கு பணம் சம்பாதிப்பதில் அதிக கஷ்டம் இருக்கும். அதிர்ஷ்டத்தை விட உழைப்பை நம்பி இருக்க வேண்டியவர்கள் யார் என்று இங்கு காணலாம்.

Date of Birth Numerology

நியூமராலஜி படி, ஒருவருடைய பிறந்த தேதி அவருடைய வாழ்க்கையில் ஒரு பெரிய தாக்கத்தை ஏற்படுத்துகிறது. சில குறிப்பிட்ட தேதிகளில் பிறந்தவர்கள், வாழ்க்கையில் வெற்றியையும் பணத்தையும் அடைய மற்றவர்களை விட அதிகமாகப் போராட வேண்டியிருக்கும் என்று எண் ஜோதிடம் கூறுகிறது. இவர்களுக்கு அதிர்ஷ்டமும் அவ்வளவாக கை கொடுக்காது. இதனால், இவர்களுடைய வாழ்க்கையில் அடிக்கடி ஏற்ற தாழ்வுகள் ஏற்படும். கடினமாக உழைத்தாலும், அதற்கான முழுப் பலனும் சரியான நேரத்தில் கிடைக்காது. அந்த பிறந்த தேதிகள் எவை என்று பார்ப்போம்.

மூல எண் 4

எந்த மாதத்திலும் 4, 13, 22 அல்லது 31 ஆகிய தேதிகளில் பிறந்தவர்களின் மூல எண் 4 ஆகும். இது ராகுவின் எண். இப்படிப்பட்டவர்களின் வாழ்க்கை மிகவும் போராட்டங்கள் நிறைந்ததாக இருக்கும். இவர்கள் கடின உழைப்பாளிகளாக இருந்தாலும், அதிர்ஷ்டம் இல்லாததால், இவர்களுடைய வாழ்க்கையில் நிதிச் சிக்கல்கள் தொடர்ந்து இருந்து கொண்டே இருக்கும். பணம் சம்பாதிப்பதற்காக இவர்கள் தொடர்ந்து போராட வேண்டியிருக்கும். இவர்களுடைய குடும்ப வாழ்க்கையும் மகிழ்ச்சியாக இருக்காது.

மூல எண் 7

எந்த மாதத்திலும் 7, 16 அல்லது 25 ஆகிய தேதிகளில் பிறந்தவர்களின் மூல எண் 7 ஆகும். இது கேதுவின் எண். இந்த மூல எண் கொண்டவர்கள் கடின உழைப்பாளிகளாக இருந்தாலும், குறைவான அதிர்ஷ்டம் இவர்களை முன்னேற விடாது. இவர்களுடைய சொத்துக்கள் சட்ட வழக்குகளில் சிக்கிக் கொள்ளும். பல நேரங்களில் இவர்களுடைய வங்கிக் கணக்கு ஜீரோ ஆகிவிடும். இவர்களுக்கு தீய பழக்கம் ஏற்படவும் வாய்ப்புள்ளது, இதனால் இவர்களுடைய குடும்பத்தினரும் பாதிக்கப்படுவார்கள்.

மூல எண் 8

எந்த மாதத்திலும் 8, 17 அல்லது 26 ஆகிய தேதிகளில் பிறந்தவர்களின் மூல எண் 8 ஆகும். இது சனியின் எண். சனி பகவான் இந்த மூல எண் கொண்டவர்களைக் கடுமையாக உழைக்க வைப்பார். இவர்களுடைய வாழ்க்கையில் எதிர்பாராத மாற்றங்கள், திடீர் விபத்துக்கள் மற்றும் துயர சம்பவங்கள் நடந்து கொண்டே இருக்கும். அதனால், இவர்களால் ஒரு நிலையான வாழ்க்கையை வாழ முடியாது. பணம் வந்தாலும், திடீரென்று போய்விடும். பல நேரங்களில் சட்டச் சிக்கல்களிலும் மாட்டிக் கொள்வார்கள். பூர்வீகச் சொத்து கூட இவர்களுக்குக் கிடைக்காது.

என்ன பரிகாரம் செய்வது?

எண் ஜோதிடத்தில் பலவிதமான பரிகாரங்களும் கூறப்பட்டுள்ளன. அவற்றைச் செய்வதன் மூலம் வாழ்க்கையில் உள்ள பிரச்சனைகளைக் குறைக்கலாம். இதற்காக, நீங்கள் ஒரு தகுதியான எண் ஜோதிட நிபுணரிடம் ஆலோசனை பெற வேண்டும். சரியான திசையில் கடினமாக உழைப்பது, நேர்மறையான சிந்தனை மற்றும் சரியான முடிவுகளின் மூலம், யார் வேண்டுமானாலும் வெற்றியையும் செழிப்பையும் அடைய முடியும்.

பொறுப்பு துறப்பு (Disclaimer)

இந்தக் கட்டுரையில் உள்ள தகவல்கள், மத நூல்கள், அறிஞர்கள் மற்றும் ஜோதிடர்களிடமிருந்து பெறப்பட்டவை. இந்தத் தகவலை உங்களிடம் கொண்டு வந்து சேர்ப்பதற்கான ஒரு ஊடகம் மட்டுமே நாங்கள். பயனர்கள் இந்தத் தகவல்களை ஒரு குறிப்பாக மட்டுமே கருத வேண்டும்.