ஐயப்பனுக்கு மிகவும் பிடித்த 6 அதிர்ஷ்ட ராசிகள்.. சாஸ்தாவின் பரிபூரண அருள் யாருக்கு?

Ayyappan Favorite Zodiac Signs: ஐயப்பனின் அருளைப் பெறும் அவருக்கு மிகவும் பிடித்தமான மேஷம், மிதுனம், சிம்மம், விருச்சிகம், மகரம், கும்பம் ஆகிய 6 ராசிகள் பற்றியும், மற்ற ராசியினர் அருள் பெற செய்ய வேண்டிய வழிபாடுகள் பற்றியும் விரிவாக பார்க்கலாம்.

ஐயப்பனுக்கு மிகவும் பிடித்த 6 அதிர்ஷ்ட ராசிகள்

ஆன்மீக பூமி எனப்போற்றப்படும் தமிழகத்தில், பக்தர்களின் மனக்குறைகளை உடனுக்குடன் தீர்த்து வைக்கும் கண்கண்ட தெய்வமாக விளங்குபவர் ஐயப்பன். சபரிமலையில் தர்மசாஸ்தாவாக வீற்றிருந்து அருள் பாவிக்கும் ஐயப்பனின் அருள் பார்வை தன் மீது படாதா? என்று ஏங்கும் பக்தர்கள் லட்சக்கணக்கில் உள்ளனர்.

ஜோதிட சாஸ்திரப்படி, சில குறிப்பிட்ட கிரக அமைப்புகளையும் ஆளுமையையும் கொண்ட ராசிக்காரர்களுக்கு ஐயப்பனின் ஆசியும் அனுக்கிரகமும் எப்போதும் அதிகமாகவே இருக்கும் என்று ஆன்மீக பெரியோர்கள் கூறுகிறார்கள். அந்த வகையில் ஐயப்பனுக்கு மிகவும் பிடித்த, அவரது சிறப்பு அருளைப் பெறக்கூடிய 6 ராசிகள் பற்றி விரிவாக பார்ப்போம்.

1. மேஷம்

செவ்வாயை அதிபதியாகக் கொண்ட மேஷ ராசிக்காரர்கள் துணிச்சலும் நேர்மையும் மிக்கவர்கள். ஐயப்பனின் வீரத்தையும் நீதியையும் விரும்பும் பண்பு கொண்டவர்கள். கடின உழைப்பாளிகளான இந்த ராசியினருக்கு, ஐயப்பனை வழிபடும்போது தடைகள் அனைத்தும் தவிடுபொடியாகும்.

2. மிதுனம்

புதனின் ஆதிக்கம் பெற்ற மிதுன ராசியினர் ஆழ்ந்த சிந்தனையும், கூர்மையான அறிவாற்றலும் கொண்டவர்கள். சாஸ்தா வழிபாட்டில் மிகுந்த ஈடுபாடு கொண்ட இவர்கள், ஐயப்பனின் அருள் கடாட்சத்தால் காரியத் தடைகள் நீங்கி தொழிலிலும் கல்வியிலும் மிகப்பெரிய உயரங்களை எட்டுவார்கள்.

3. சிம்மம்

சூரியனின் ஆதிக்கம் பெற்ற சிம்ம ராசியினருக்கு இயல்பாகவே தலைமைப் பண்பும், தர்ம சிந்தனையும் அதிகம். ஐயப்ப சுவாமியின் கம்பீரமான தோற்றத்திற்கும், தர்ம வழியில் நடக்கும் குணத்திற்கும் உகந்தவர்கள். இவர்கள் ஐயப்பனை சரணடையும் போது வாழ்வில் மிகப்பெரிய பதவிகளும் புகழும் தேடி வரும்.

4. விருச்சிகம்

விருச்சிக ராசியினர் தீவிர பக்தி கொண்டவர்கள். விரத முறைகளைக் கடுமையான பக்தியுடன் கடைப்பிடிக்கும் ஆற்றல் இவர்களுக்கு உண்டு. சபரிமலை யாத்திரை மேற்கொள்வதிலும், ஐயப்ப சாமிக்கு நெய் அபிஷேகம் செய்வதிலும் இவர்களுக்கு அள்ள அள்ளக் குறையாத பலன்கள் கிடைக்கும்.

5. மகரம்

சனீஸ்வரனை அதிபதியாகக் கொண்ட மகர ராசிக்காரர்களுக்கு ஐயப்பன் சனீஸ்வரனின் தாக்கம் மற்றும் தோஷங்களில் இருந்து முழு பாதுகாப்பு அளிக்கிறார். கடுமையான உழைப்புக்கும் கட்டுப்பாட்டிற்கும் பெயர் பெற்ற இந்த ராசியினரின் பிரார்த்தனைகளை ஐயப்பன் உடனடியாக நிறைவேற்றி வைப்பார்.

6. கும்பம்

கும்ப ராசியினர் எளிமையும், பிறருக்கு உதவும் தாராள மனப்பான்மையும் கொண்டவர்கள். 'தத்துவமசி' என்ற தத்துவத்திற்கு ஏற்ப அனைவரையும் சமமாக நினைக்கும் குணம் கொண்ட இவர்களுக்கு, ஐயப்பனின் கருணை பார்வை எப்போதும் உண்டு. நிதி நெருக்கடிகளில் இருந்து இவர்கள் விரைவில் மீண்டு வருவார்கள்.

மற்ற ராசியினர் அருள் பெற என்ன செய்ய வேண்டும்?

மேற்கண்ட ராசிகள் தவிர மற்ற ராசியினரும் ஐயப்பனின் முழு அருளைப் பெறலாம். சனிக்கிழமைகளில் ஐயப்பனுக்கு நெய் தீபம் ஏற்றி, "சுவாமியே சரணம் ஐயப்பா" என்ற மந்திரத்தை மனதார ஜெபித்து வந்தாலே போதும்; சகல ஐஸ்வர்யங்களும், ஆரோக்கியமும் தேடி வரும்.

பொறுப்புத் துறப்பு

இக்கட்டுரையில் குறிப்பிட்டுள்ள தகவல்கள் அனைத்தும் பொதுவான ஆன்மீக நம்பிக்கைகள், ஜோதிடக் கருத்துக்கள் மற்றும் சாஸ்திரங்களின் அடிப்படையில் மட்டுமே எழுதப்பட்டுள்ளன. இதற்கு அறிவியல் பூர்வமான சான்றுகள் ஏதும் இல்லை. இத்தகவல்களை வாசகர்கள் வெறும் ஆன்மீகத் தகவலாக மட்டுமே எடுத்துக்கொள்ளுமாறு கேட்டுக்கொள்ளப்படுகிறார்கள்.