Astrology: ஸ்ரீராமபிரானுக்கு பிடித்த 4 ராசிக்காரர்கள்.! இவர்களுக்கு சின்ன கஷ்டம் கூட வர மாட்டாராம்.!

Lord Rama's favorite zodiac signs: இந்து மதத்தில் ஸ்ரீராம்பிரான் முக்கிய கடவுளாக அறியப்படுகிறார். ஜோதிட ரீதியாக அவருக்கு விருப்பமான ராசிகள் சில உள்ளன. அது குறித்து இந்த பதிவில் பார்க்கலாம். 

ஸ்ரீராமபிரானுக்கு பிடித்த ராசிகள்

ஸ்ரீ ராமர் ஒழுக்கங்களில் சிறந்த கடவுளாக அறியப்படுகிறார். அவர் தர்மம், நீதி, அன்பு, கடமை, தியாகம் ஆகிய குணங்களை கொண்டுள்ளார். இந்த குணங்களைப் பின்பற்றும் ராசிக்காரர்களுக்கு அவருடைய அருள் சிறப்பாக கிட்டும் என்று ஜோதிடத்தில் கூறப்பட்டுள்ளது. ஜோதிடத்தின்படி அவர் பிறந்த ராசி மற்றும் அவருடைய குணங்களுடன் ஒத்துப்போகும் ராசிகளைப் பற்றி இங்கு விரிவாக காணலாம்.

கடகம்

ராமாயணத்தின் படி கடவுள் ராமர் கடக ராசியில் புனர்பூச நட்சத்திரத்தில் பிறந்தவர் என்று கணிக்கப்பட்டுள்ளது. எனவே கடக ராசி அவருக்கு மிக உகந்த ராசியாக கருதப்படுகிறது. கடக ராசிக்காரர்கள் மிகுந்த பாசமும், கருணையும் நிறைந்தவர்கள். தங்கள் குடும்பத்தினர் மீதும் அன்பு கொண்டவர்கள் மற்றும் ஆழமான பற்று கொண்டவர்கள். இது ராமர் தன் குடும்பம் தம்பிகள் மற்றும் சீதையின் மீது கொண்டிருந்த அன்பை ஒத்திருக்கிறது. ராமர் பிறந்த ராசியாக இருப்பதால் கடக ராசிக்காரர்களுக்கு விஷ்ணுவின் அருள் ஆசியும், ராமரின் காவலும் எப்போதும் கிட்டும் என்று நம்பப்படுகிறது. அவர்கள் சந்திரனின் ஆளுகைக்கு உட்பட்டவர் என்பதால் மனோதிடமும், அமைதியும் கொண்டவர்களாக இருப்பார்கள்.

மேஷம்

மேஷ ராசியின் அதிபதி செவ்வாய். இந்த ராசிக்காரர்கள் தைரியம், துணிவு, அநீதியைக் கண்டு பொங்குதல் போன்ற குணங்களைக் கொண்டவர்கள். இது அசுரர்களை அழித்து தர்மத்தை நிலை நாட்டிய ராமபிரானின் போர் வீரம் மற்றும் தலைமைத்துவ பண்புகளுடன் ஒத்துப் போகிறது. மேஷ ராசிக்காரர்கள் சவால்களை எதிர்கொள்ளும் திறன் கொண்டவர்களாகவும், நேர்மையான வழியில் வெற்றியைப் பெற முயற்சிப்பவர்களாகவும் இருக்கிறார்கள். இதன் காரணமாக ராமரின் பரிபூரண அருளும் அனுமனின் பாதுகாப்பும் அவர்களுக்கு எப்போதும் கிடைக்கும்.

துலாம்

துலாம் ராசியின் அதிபதி சுக்கிர பகவான். இந்த ராசிக்காரர்கள் நீதி, சமநிலை, இணக்கம் மற்றும் தர்மம் ஆகியவற்றை நிலை நாட்டுபவர்களாக இருக்கின்றனர். ஸ்ரீ ராமர் ‘மரியாதா புருஷோத்தமர்’ (ஒழுக்கத்தில் சிறந்தவர்) அறம் தவறாத ஆட்சியாளராக இருந்ததால் அவருடைய நீதி உணர்வு, துலாம் ராசியுடன் ஒத்துப்போகிறது. துலாம் ராசிக்காரர்கள் தனிப்பட்ட உறவுகளிலும், சமூகத்திலும் அன்பையும் அறத்தையும் முக்கியமாக கருதுகின்றனர். எனவே இவர்களுக்கு ராமபிரானின் கருணை எப்போதும் உண்டு. வாழ்வில் எந்தவித கஷ்டமும் இன்றி ராமனின் அருளால் காக்கப்படுகின்றனர்.

மீனம்

மீன ராசியின் அதிபதி குரு பகவான். இந்த ராசிக்காரர்கள் ஆன்மீக நாட்டம், கருணை, தியாகம், உயர்ந்த லட்சியங்களை கொண்டவர்கள். ராமர் தனது தந்தையின் வாக்கை நிறைவேற்ற அரியணையை துறந்து 14 ஆண்டுகள் வனவாசம் மேற்கொண்டது, மீன ராசியின் தியாகம் மற்றும் உயர்ந்த நோக்கம் ஆகிய பண்புகளை பிரதிபலிக்கிறது. எனவே ஸ்ரீராமரின் ஆசிகள் மீன ராசிக்காரர்களுக்கு எப்போதும் உண்டு. இவர்களுக்கு செல்வம், செழிப்பு, கௌரவம் மற்றும் உயர்ந்த ஞானம் ஆகியவற்றை ராமர் வழங்குவதாக நம்பப்படுகிறது.

ராமர் ஒரு கடவுள் என்பதால் இந்த ராசிகளை மட்டுமே பிடிக்கும் என்று கூறிவிட முடியாது. இது அவரின் பரந்த அருளை குறுக்குவதற்கு சமமாகும். ராமபிரான் அனைத்து உயிர்களிடத்தும் அன்பு கொண்டவர். எந்த ராசியாக இருந்தாலும் தர்மத்தின் வழியில் நடந்து, உண்மையான அன்பையும், கடமையும் கடைப்பிடித்து, பக்தியுடன் வழிபட்டால் ராமரின் முழு அருளும் எப்போதும் கிட்டும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)