எகிறும் கொரோனா.. ஒரு லட்சத்தை தாண்டிய கொரோனா பாதிப்பு.. ஒரே நாளில் 302 பேர் பலி..
By Thanalakshmi V | First Published Jan 7, 2022, 2:59 PM ISTஇந்தியாவில் ஒரு நாள் கொரோனா பாதிப்பு ஒரு லட்சத்தை தாண்டியுள்ளது.
இந்தியாவில் தினசரி கொரோனா பாதிப்பு ஒரு லட்சத்தைத் தாண்டியுள்ளது. கடந்த 24 மணி நேரத்தில் 1 லட்சத்து17 ஆயிரத்து100 பேருக்கு தொற்று உறுதியாகியுள்ளது.மேலும் நாட்டில் இதுவரை 3 ஆயிரத்து 7 பேருக்கு ஒமைக்ரான் தொற்று கண்டறியப்பட்டுள்ளதாக மத்திய சுகாதாரத்துறை தெரிவித்துள்ளது.
இந்தியாவில் நாளுக்கு நாள் மீண்டும் கொரோனா பாதிப்பு உச்சத்தை தொட்டு வருகின்றன. இந்நிலையில் மத்திய சுகாதாரத்துறை அமைச்சகத்தின் இன்றைய புள்ளி விவரங்களின் படி நாடு முழுவதும் இன்று ஒரே நாளில் மட்டும் 1,17,100 பேர் கொரோனா தொற்றால் பாதிக்கப்பட்டுள்ளனர். இதனால் நாட்டில் கொரோனா வைரஸ் தொற்றால் பாதிக்கப்பட்டோரின் மொத்த எண்ணிக்கை 3,52,26,386 ஆக அதிகரித்துள்ளது.மேலும் இன்று ஒரே நாளில் 30,836 பேர் கொரோனா தொற்றில் இருந்து குணமடைந்துள்ளனர். நாட்டில் மொத்தமாக இதுவரை 3,43,71,845 பேர் கொரோனாவில் இருந்து மீண்டுள்ளனர். நாடு முழுவதும் இன்று மட்டும் 302 பேர் கொரோனா பாதிப்பால் சிசிக்சை பலனின்றி உயிரிழந்துள்ளனர். நாட்டில் மொத்தமாக கொரோனாவிற்கு இதுவரை 4,83,178 பேர் உயிரிழந்துள்ளனர்.
Latest Videos
undefined
இந்தியா முழுவதும் 3,71,363 பேர் கொரோனாவுக்கு சிகிச்சை பெற்று வருகின்றனர். மேலும் கொரோனாவில் இருந்து குணமடைந்தோர் சதவீதம் 97.57 ஆகவும், உயிரிழப்பு சதவீதம் 1.37 ஆகவும் உள்ளது. நேற்று ஒரு நாள் மட்டும் 94,47,056 பேருக்கு கொரோனா தடுப்பூசி செலுத்தப்பட்டு உள்ளது. இதுவரை மொத்தமாக 149.66 கோடி டோஸ்கள் இந்தியாவில் செலுத்தப்பட்டுள்ளதாக மத்திய சுகாதாரம் மற்றும் குடும்ப நலத்துறை அமைச்சகம் தெரிவித்துள்ளது.இந்தியாவில் ஒமைக்ரான் தொற்றால் பாதிக்கப்பட்டோரின் மொத்த எண்ணிக்கை 3,007 ஆக அதிகரித்துள்ளது. அதே நேரத்தில் 1,199 பேர் ஒமைக்ரானில் இருந்து குணமடைந்துள்ளனர். நாடு முழுவதும் தற்போது 1,808 பேர் ஒமைக்ரானுக்கு சிகிச்சை பெற்று வருவதாக மத்திய சுகாதாரத்துறை தெரிவித்துள்ளது.
இதுபோல் தமிழகத்தில் கொரோனா மற்றும் ஒமைக்ரான் தொற்று அதிகரித்து வருகிறது. நேற்று ஒரே நாளில் 6,983 பேருக்கு கொரோனா தொற்று உறுதி செய்யப்பட்டுள்ளது. நேற்று முந்தினம் ஒரு நாள் பாதிப்பு 4,862 ஆக இருந்த நிலையில் கொரோனா உறுதியானவர்களின் எண்ணிக்கை மேலும் 2,121 அதிகரித்து 6,983 ஆக பதிவாகியுள்ளது. சென்னையில் மட்டும் 3,759 பேருக்கு கொரோனா தொற்று உறுதி செய்யப்பட்டுள்ளது. நேற்று முந்தினம் ஒரு நாள் பாதிப்பு 2,481 ஆக இருந்த நிலையில், மேலும் கொரோனா எண்ணிக்கை அதிகரித்துள்ளது. தமிழகத்தில் நேற்று ஒரே நாளில் 11 பேர் உயிரிழந்துள்ளனர். கொரோனாவால் உயிரிழந்தவர்களின் மொத்த எண்ணிக்கை 36,825 ஆக உள்ளது.
சேனலை கிளிக் செய்து பின்தொடரவும்