விஷாலின் 'அயோக்யா' பட பூஜையில் ஏ.ஆர்.முருகதாஸ்..! என்ன சம்பந்தம்...?

விஷால் நடிப்பில் உருவாகவிருக்கும் 'அயோக்யா' திரைப்படத்தின் படப்பிடிப்பு இன்று பூஜையுடன் துவங்கியது. வெங்கட் மோகன் இயக்கும் இப்படத்தை லைட் ஹவுஸ் மூவி மேக்கர்ஸ் B. மது தயாரிக்கிறார். 

இன்று நடைபெற்ற இப்படத்தின் பூஜையில் தயாரிப்பாளர் G.K. ரெட்டி , கலைப்புலி S. தாணு , ரவி பிரசாத் , KS ரவிக்குமார் , காட்ராகட்ட பிரசாத் , கிருஷ்ணா ரெட்டி , இயக்குனர்கள் A.R. முருகதாஸ் , லிங்குசாமி ஆகியோர் கலந்துகொண்டனர். 

ராஷி கண்ணா கதாநாயகியாக நடிக்கும் இப்படத்தில்  பார்த்திபன் , KS ரவிக்குமார் , சச்சு , வம்சி உள்ளிட்ட பலர் முக்கிய கதாபாத்திரத்தில் நடிக்கிறார்கள்.

படத்துக்கு இசை சாம் C.S , கேமரா R. கார்த்திக் , கலை S.S. மூர்த்தி , எடிட்டிங் ரூபன் , ஸ்டண்ட் ராம் , லக்ஷ்மன் , நடனம் பிருந்தா , ஷோபி , காஸ்டியூம் உத்தாரா மேனன் , ப்ரொடெக்ஷன் மேனேஜர் முருகேஷ் , புரொடெக்ஷன் எக்சிகியூடிவ் ஆண்டனி சேவியர்.

இப்படத்தின் முதல் கட்ட படப்பிடிப்பு சென்னை ECR - ல் அமைக்கப்பட்டுள்ள பிரமாண்டமான செட்டில் வைத்து நடைபெறவுள்ளது.

மேலும் இந்த படத்தை இயக்க உள்ள வெங்கட் மோகன், இயக்குனர் ஏ.ஆர்.முருகதாஸின் உதவி இயக்குனர். இதனால் 'சர்கார்' படத்தின் போஸ்ட் ப்ரோடக்ஷன் பணிகளில் இவர் பிஸியாக இருந்தாலும் படத்தின் பூஜையில் நேரடியாக கலந்து கொண்டு வாழ்த்தினார்.