வடசென்னை தமிழைக் கடந்து கன்னடத்தில் கால்பதிக்கிறார் வெற்றிமாறன்

Vetrimaran goes to Kannada after North chennai movie

தமிழில் பல்வேறு வெற்றிப் படங்களை இயக்கிய இயக்குனர் வெற்றிமாறன். தற்போது நடிகர் தனுஷை வைத்து ‘வட சென்னை’ என்ற படத்தை இயக்கி வருகிறார். இதனையடுத்து அவர் கன்னடத்தில் ஒரு படத்தை இயக்கப் போகிறாராம்.

தனுஷ், ஐஸ்வர்யா ராஜேஷ், ஆன்ட்ரியா மற்றும் பலா் நடிப்பில் உருவாகிவரும் படம் ‘வட சென்னை’. வெற்றிமாறன் இயக்கிவரும் இப்படம் மூன்று பாகங்களாகத் தயாராகி வருகிறது. தற்போது, முதல் பாகம் கிட்டத்தட்ட முடிவடையும் நிலையில் இருக்கிறது.

நடிகர் தனுஷ் தற்போது ‘விஐபி 2’ படத்தின் ப்ரமோஷனில் பிசியாக இருப்பதால், அவர் கால்ஷீட்டுக்காக ‘வட சென்னை’ படக்குழு காத்திருக்கிறதாம்.

இந்நிலையில், இயக்குனர் வெற்றிமாறன் கன்னடத்தில் ஒரு படத்தை இயக்கப் போவதாகத் தகவல் கசிந்துள்ளது. இந்தப் படத்தின் கதையில் நான்கு பையன்கள் சம்பந்தப்பட்டுள்ளதாக கூறப்படுகிறது. இந்தப் படத்தின் கதையை இயக்குனர் வெற்றிமாறன் எழுதியுள்ளார்.

இந்தப் படத்தில் கொடூர போலீஸாக நடிக்கிறார் கிஷோர். இந்தப் படத்தின் தயாரிப்பாளர்களுள் ஒருவராகவும் அவா் உள்ளாா்.

இயக்குனர் வெற்றிமாறன் வட சென்னை படத்தில் பிஸியாக இருப்பதால் அவரே படத்தை இயக்குவாரா அல்லது வேறு யாராவது இந்தப் படத்தை இயக்கப் போகிறார்களா? என்ற முழுதகவல் பின்னர் அறிவிக்கப்படும்.