Valimai Trailer : சூர்யாவை தொடர்ந்து போலீஸை சீண்டும் அஜித்.. மாஸ் டைலாக்கில் உள்ள சூச்சமம்...

”உயிரை எடுக்கும் உரிமை நமக்கு இல்ல”: காவல்துறையை சிந்திக்க வைக்கும் மாஸ் டைலாக்குகளை கொண்ட வலிமை ட்ரைலர் வெளியாகியுள்ளது.

போனி கபூர் தயாரிப்பில், எச்.வினோத் இயக்கத்தில் அஜித் (Ajith) நடித்துள்ள படம் வலிமை. இப்படத்திற்கு யுவன் சங்கர் ராஜா இசையமைத்துள்ளார். இப்படத்தில் அஜித்துக்கு ஜோடியாக பாலிவுட் நடிகை ஹூமா குரேஷியும், வில்லனாக தெலுங்கு நடிகர் கார்த்திகேயாவும் நடித்துள்ளார். மேலும் யோகிபாபு, குக் வித் கோமாளி புகழ் ஆகியோர் நகைச்சுவை கதாபாத்திரத்தில் நடித்துள்ளனர்.

இப்படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகின்றன. பின்னணி இசை உள்ளிட்ட வேலைகளில் படக்குழு தீவிரமாக செயல்பட்டு வருகிறது. வலிமை படம் வருகிற பொங்கல் பண்டிகைக்கு திரையரங்குகளில் வெளியாக உள்ளது. 

வெளியீட்டுக்கு ஒரு மாதமே எஞ்சி உள்ளதால், படத்தின் அப்டேட்டுக்களும் அடுத்தடுத்து வெளியான வண்ணம் உள்ளன. ஏற்கனவே இப்படத்தின் டீசர், பாடல்கள், மேக்கிங் வீடியோ மற்றும் தீம் மியூசிக் ஆகியவை வெளியாகி ரசிகர்களிடம் அமோக வரவேற்பை பெற்றது.

இந்நிலையில் இந்த படத்தின் அதிகாரப்பூர்வ ட்ரைலர் தற்போது ரிலீஸ் ஆகியுள்ளது. இதில் பைக்கர்ஸை பட்டை உரிக்கும் காவலராக வந்து மாஸ் காட்டுகிறார் அஜித்குமார். இதில் காவல்துறை அதிகாரியாய் வரும் அஜித் லாக்கப்பில் வைத்து வில்லன் கேங்கை வெளுத்து வாங்க அப்போது மற்றோரு காவலர் தவறு செய்தவர்களை என்கவுண்டரில் போட கூறுகிறார். ஆனால் அஜித் 'உயிரை எடுக்கும் உரிமை நமக்கில்லை' என கூறும் டைலாக் சமீபகாலமாக நடைபெறும் காவல்துறை சார்ந்த கொலைகளை மையப்படுத்துவதாகவே உள்ளது என நெட்டிசன்கள் கூறி வருகின்றனர்.

ஏற்கனவே ஜெய் பீம் படத்தில் லாக்கப் டெத் குறித்த சூர்யாவின் டைலாக் எவ்வாறு மாஸ் வெற்றி பெற்றதோ அதே அளவு சர்ச்சைக்கு  உள்ளானது என்பது குறிப்பிடத்தக்கது.