'வலிமை' படத்தில் மீதமிருந்த சண்டை காட்சியை எடுத்து முடிக்க கடந்த மாதம் 'வலிமை' படக்குழு, 'ரஷ்யா' சென்ற நிலையில், தற்போது படப்பிடிப்பு முடிந்து படக்குழுவினர் சென்னை திரும்ப உள்ளதாக கூறப்படுகிறது. மேலும் சென்னை வந்த கையேடு ரசிகர்களுக்கு இன்ப அதிர்ச்சி கொடுக்கும் விதமாக சில தகவல் வெளியாகும் என கூறப்படுகிறது.
'வலிமை' படத்தில் மீதமிருந்த சண்டை காட்சியை எடுத்து முடிக்க கடந்த மாதம் 'வலிமை' படக்குழு, 'ரஷ்யா' சென்ற நிலையில், தற்போது படப்பிடிப்பு முடிந்து படக்குழுவினர் சென்னை திரும்ப உள்ளதாக கூறப்படுகிறது. மேலும் சென்னை வந்த கையேடு ரசிகர்களுக்கு இன்ப அதிர்ச்சி கொடுக்கும் விதமாக சில தகவல் வெளியாகும் என கூறப்படுகிறது.
ஏற்கனவே இயக்குனர் எச்.வினோத் இயக்கத்தில் அஜித் நடித்த, 'நேர்கொண்ட பார்வை' படம் சூப்பர் டூப்பர் ஹிட் அடித்ததால், இந்த படத்தை தொடர்ந்து இவர் அஜித்துடன் இணைந்துள்ள இரண்டாவது படமான 'வலிமை' குறித்து, ரசிகர்கள் மத்தியில் ஏகப்பட்ட எதிர்பார்ப்புகள் நிலவி வருகிறது. 'நேர்கொண்ட பார்வை' படத்தை தயாரித்த பாலிவுட் தயாரிப்பாளர் போனி கபூர் தான் இந்த படத்தையும் தயாரித்து வருகிறார்.
இந்த படத்தின் அஜித்துக்கு ஜோடியாக பாலிவுட் நடிகை ஹூமா குரேஷி நடித்துள்ளார். இவர் ஏற்கனவே சூப்பர் ஸ்டார் ரஜினிகாந்த் நடித்த 'காலா' படத்தில், ரஜினிகாந்தின் முன்னாள் காதலியாக நடித்தவர். இந்த படம் இவருக்கு சிறந்த அறிமுகப்படமாக அமைந்தாலும், தமிழ் மற்றும் ஹிந்தியில் தொடர்ந்து தரமான கதைகளையே தேர்வு செய்து நடித்து வருகிறார். மேலும் இந்த படத்தில் யோகிபாபு நகைச்சுவை கதாபாத்திரத்திலும், தெலுங்கு நடிகர் கார்த்திகேயா வில்லனாகவும் நடித்துள்ளனர். யுவன் சங்கர் ராஜா இசையமைத்துள்ள இப்படத்திற்கு நிரவ் ஷா ஒளிப்பதிவு செய்துள்ளார்.
'வலிமை' படத்தின் இறுதிக்கட்ட படப்பிடிப்பு... அதாவது கடைசியாக எடுக்க உள்ள சண்டை காட்சி ஒன்றை மட்டும் படக்குழு, வெளிநாட்டில் படமாக்க முடிவு செய்த நிலையில், கொரோனா பிரச்சனை காரணமாக, அந்த குறிப்பிட்ட சண்டை கட்சியை எடுப்பது தாமதமாகிக்கொண்டே சென்றது. இந்நிலையில், கடந்த மாதம் சுமார் அஜித் உட்பட 20 பேருடன் படக்குழுவினர் ரஷ்யா சென்றனர். ஒரே வாரத்தில் படப்பிடிப்பை எடுத்து முடித்துவிட்டு இந்தியா திரும்புவார்கள் என எதிர்பார்த்த நிலையில் தாமதம் ஏற்பட்டது.
தற்போது இதுகுறித்து வெளியாகியுள்ள தகவலில், வலிமை படத்தின் சண்டை காட்சி எடுத்து முடிக்கப்பட்டதை தொடர்ந்து, படக்குழுவினர் மாஸ்கோவில் இருந்து நேரடியாக சென்னை வரும் விமானத்தின் வர உள்ளதாக கூறப்படுகிறது. இன்று அல்லது நாளை படக்குழுவினர் சென்னை வருவார்களாம். அவர்கள் சென்னை வந்த பின்னர், வலிமை படத்தின் ரிலீஸ் தேதி குறித்த தகவல் வெளியிடப்படும் என தகவல் வெளியாகியுள்ளது.