பிளாப் ஹீரோ உடன் ஜோடி சேரும் ‘லக்கி சார்ம்’ ராஷ்மிகா மந்தனா... வந்தாச்சு அடிபொலி அப்டேட்..!

பான் இந்தியா அளவில் தொடர்ச்சியாக இரண்டு பிளாப் படங்களை கொடுத்த பிரபல ஹீரோவுக்கு ஜோடியாக நடிக்க நடிகை ராஷ்மிகா மந்தனா கமிட்டாகி இருக்கிறார். அது எந்த படம் என்பதை பார்க்கலாம்.

Rashmika in superhero film : நேஷனல் கிரஷ் ராஷ்மிகா மந்தனாவின் அடுத்த மெகா ப்ராஜெக்ட் பற்றிய அப்டேட் வந்துள்ளது. ஹிருத்திக் ரோஷன் நடிக்கும் சூப்பர் ஹிட், சூப்பர் ஹீரோ படமான கிரிஷ்ஷின் அடுத்த பாகத்தில் ராஷ்மிகா இணைந்துள்ளார். பாலிவுட் ஹேண்ட்சம் ஹங்க் ஹிருத்திக்குக்கு ஜோடியாக ராஷ்மிகா நடிக்க உள்ளார். பாலிவுட் சூப்பர் ஹீரோ தொடரான கிரிஷ்ஷில் ராஷ்மிகா நடிப்பது உறுதியாகியுள்ளது. முதல் முறையாக ஹிருத்திக் ரோஷனுடன் நடிக்க உள்ளார் ராஷ்மிகா மந்தனா.

உண்மையில், இந்திய சினிமாவின் முதல் சூப்பர் ஹீரோ கிரிஷ் தான். 2003-ல் வெளியான 'கோயி மில் கயா' படத்தின் மாபெரும் வெற்றிக்குப் பிறகு, அதன் கதையை விரிவுபடுத்தி 'கிரிஷ்' என்ற சூப்பர் ஹீரோவை உருவாக்கினார் இயக்குனர் ராகேஷ் ரோஷன். ஹிருத்திக் ஒரு சூப்பர் ஹீரோவாக நடிக்க சரியான நடிகர். அவரது ஆளுமைக்கு, எந்த சாகசத்தையும் நிஜம் போல் செய்ய முடியும். அதன்படியே, 2006-ல் வெளியான கிரிஷ் படம் சூப்பர் டூப்பர் ஹிட்டானது.

மேலும், 2013-ல் 3டி தொழில்நுட்பத்துடன் கிரிஷ்-3 வெளியானது. ஹிருத்திக், பிரியங்கா சோப்ரா, கங்கனா ரனாவத் நடித்த அந்தப் படமும் பாக்ஸ் ஆபிஸில் பட்டையைக் கிளப்பியது. இப்போது கிரிஷ்-4 தொடங்கியுள்ளது.

கிரிஷ் 4 படத்தில் ராஷ்மிகா

ராஷ்மிகாவை அனைவரும் லக்கி குயின் என்று கூறுகிறார்கள். ராஷ்மிகா கதாநாயகியாக நடித்தால் படம் வெற்றி பெறுவது உறுதி என்கிறார்கள். அதே சமயம், ஹிருத்திக் தொடர் தோல்விகளில் சிக்கித் தவிப்பதும் அனைவரும் அறிந்ததே. ஹிருத்திக் நடித்த பெரிய பட்ஜெட் படங்களான ஃபைட்டர் மற்றும் வார்-2 ஆகியவை எதிர்பார்த்த வெற்றியைப் பெறவில்லை.

மறுபுறம், ராஷ்மிகா தொடர் வெற்றிகளைக் கொடுத்து வெற்றிப் பாதையில் பயணிக்கிறார். ஸ்ரீவள்ளி தனது அதிர்ஷ்டத்தை ஹிருத்திக்குக்கும் கொண்டு வருவாரா? தற்போது பாலிவுட்டின் தோல்வி நாயகன் என அழைக்கப்படும் ஹிருத்திக் ரோஷனை, 'லக்கி ஹீரோயின்' ராஷ்மிகா மந்தனா கைதூக்கி விடுவார் என எதிர்பார்க்கப்படுகிறது. பொறுத்திருந்து பார்ப்போம்!

தற்போது கிரிஷ்-4 படத்தின் திரைக்கதை, பட்ஜெட், நடிகர்கள் தேர்வு அனைத்தும் முடிவடைந்துள்ளது. 2026-ல் படப்பிடிப்பு தொடங்கி, 2027-ல் கிரிஷ்-4 வெளியாகும். ஹிருத்திக் மற்றும் ராஷ்மிகாவின் கெமிஸ்ட்ரியைப் பார்க்க இன்னும் இரண்டு ஆண்டுகள் காத்திருக்க வேண்டும்.