ரீ-ரிலீஸுக்கு ரெடியான ரஜினிகாந்தின் பக்கா மாஸ் படம் ‘படையப்பா’... எப்போ வெளியாகிறது தெரியுமா?

26 ஆண்டுகளுக்குப் பிறகு ரஜினிகாந்தின் பிளாக்பஸ்டர் ஹிட் படமான படையப்பா மீண்டும் திரையரங்குகளில் ரிலீஸ் ஆக உள்ளது. அப்படம் எப்போது ரிலீஸ் ஆகிறது என்பதை பார்க்கலாம்.

Padayappa Re-Release : சில படங்கள் எவ்வளவு காலம் ஆனாலும் ரசிகர்கள் மனதில் அப்படியே நிறைந்திருக்கும். அந்தப் படத்தின் கதாபாத்திரங்களும் வசனங்களும் அவர்கள் மனதில் பதிந்துவிடும். டிவியில் ஒளிபரப்பும்போது ஒரு புதிய படத்தைப் பார்க்கும் அதே ஆர்வத்துடன் மீண்டும் மீண்டும் பார்ப்பார்கள். அந்த வரிசையில் ஒரு பிளாக்பஸ்டர் படம்தான் படையப்பா. ரஜினிகாந்த் நாயகனாக நடித்த இந்தப் படத்தில் ரம்யா கிருஷ்ணனுடனான அவரது காம்போவிற்கு இன்றும் ரசிகர்கள் அதிகம்.

பல ஆண்டுகளுக்குப் பிறகு படையப்பா மீண்டும் திரையரங்குகளில் வெளியாகப் போகிறது என்ற தகவல் வெளியாகியுள்ளது. படையப்பா டிசம்பர் 12 அன்று புதிய தொழில்நுட்பத் தரத்துடன் மீண்டும் வெளியிடப்படும். வர்த்தக ஆய்வாளர் ஸ்ரீதர் பிள்ளை இந்தத் தகவலைத் தெரிவித்துள்ளார். இது உலகளாவிய மறுவெளியீடா என்பது குறித்து தெளிவு இல்லை. ரஜினிகாந்தின் பிறந்தநாளை முன்னிட்டு இந்த மறுவெளியீடு செய்யப்படுகிறது. 2017-ல் தேர்ந்தெடுக்கப்பட்ட சில திரையரங்குகளில் படையப்பா மீண்டும் வெளியிடப்பட்டது. அப்போது டிசம்பர் 11 அன்று படம் வெளியானது.

படையப்பா ரீ-ரிலீஸ்

கே.எஸ். ரவிக்குமார் இயக்கத்தில் 1999-ல் வெளியான படம்தான் படையப்பா. ஆக்‌ஷன், எமோஷன், மாஸ் என அனைத்தையும் கலந்து உருவான இந்தப் படத்தின் முக்கிய ஹைலைட் ரம்யா கிருஷ்ணனின் நீலாம்பரி கதாபாத்திரமும், ரஜினிகாந்தின் படையப்பா கதாபாத்திரமும்தான். இருவரும் இணைந்து நடித்த காட்சிகளும், வசனங்களும் இன்றும் பெரும் ஹிட். ரஜினியிசத்தின் உச்சத்தைக் கண்ட இந்தப் படம் 26 ஆண்டுகளுக்குப் பிறகு மீண்டும் திரையரங்கிற்கு வருகிறது. ரஜினிகாந்துடன் சௌந்தர்யா, ரம்யா கிருஷ்ணன், சிவாஜி கணேசன், நாசர், லட்சுமி ஆகியோரும் முக்கிய வேடங்களில் நடித்திருந்தனர்.

இதனிடையே படையப்பாவின் பாக்ஸ் ஆபிஸ் விவரங்களும் வெளியாகியுள்ளன. திரைப்பட வர்த்தக ஆய்வாளர்களின் அறிக்கையின்படி, அப்போது படையப்பா சுமார் 50 கோடி ரூபாய் வசூலித்தது. இன்றைய மதிப்பில் இது நூறு கோடிக்கும் அதிகமாக இருக்கும் என்றும் கூறுகின்றனர். தமிழ் சினிமாவின் முதல் 50 கோடி வசூல் திரைப்படமாக படையப்பா திகழ்ந்தது. சுரேஷ் கிருஷ்ணா இயக்கிய இப்படம் இன்றளவும் பல மாஸ் திரைப்படங்களுக்கு ஒரு ரெபரன்ஸ் ஆக இருந்து வருவது குறிப்பிடத்தக்கது.