தமிழ் திரையுலகில் இசையமைப்பாளராக ஆக வேண்டும் என்று ஆண்டு தோறும் பல இளம் இசையமைப்பாளர்கள் முயற்சி செய்து வருகின்றனர்.
ஏற்கனவே பிரபல இசையமைப்பாளர்களாக இருக்கும் பலரின் மத்தியில், குறுகிய காலத்தில் 25 படத்திற்கும் மேல் இசையமைத்து தன்னையும் இசையமைப்பாளர் என்று நிலைநிறுத்திக்கொண்டவர் தரன்
தற்போது "பிஸ்தா" படத்தின் பாடல்கள் மூலம் அனைவரையும் கவனிக்க வைத்துள்ளார் . பலவேறு ஹிட் பாடல்களை வழங்கிய தரன் பிரபல மாடல் தீக்ஷிதாவுடன் விரைவில் திருமண பந்தம் மூலம் இணையவிருக்கிறார்.
அறிமுக இயக்குனர் ரமேஷ் பாரதி இயக்கத்தில், "மெட்ரோ" சிரிஷ் கதாநாயகனாக நடிக்க, அவருடன் ஜோடியாக மிருதுளா முரளி நடிக்க இருக்கிறார். இவர் பிரபல மலையாள நடிகர் பாஹாத் பாசில் உடன் நடித்த படம் பெரும் வெற்றி படம் என்பது குறிப்பிடத்தக்கது.
இவர்களுடன் அருந்ததி நாயர், சதீஷ்,நமோ நாராயணா, யோகி பாபு, சென்டராயன், மற்றும் சுவாமிநாதன், நடிக்கும் இந்த படத்தை One Man Productions சார்பில் எஸ் பி சாம்பசிவம் தயாரித்து உள்ளார்.கிராமிய பின்னணியில் உருவாகும் பிஸ்தா இசைக்கு முக்கியத்துவம் கொடுக்கப்படும் படமாகும். இந்த படத்தில் தரணின் திறமைக்கு சவால் விடும் விதமாக நான்கு பாடல்களும், ஒரு தீம் இசை கோர்ப்பும் இருக்கும் என்கிறது படக்குழு.